,,სამხედრო-ტექნიკური საქმიანობის სრულყოფის ზოგიერთ ღონისძიებათა შესახებ”
🕸️ გრაფი — კავშირების ვიზუალიზაცია
📥 უკუმითითებები — 1 დოკუმენტი
საქართველოს პრეზიდენტის ბრძანებულება (1)
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს პრეზიდენტის
ბრძანებულება №847
2005 წლის 24 ოქტომბერი
ქ. თბილისი
სამხედრო-ტექნიკური საქმიანობის სრულყოფის ზოგიერთ ღონისძიებათა შესახებ
შეიარაღების (მათ შორის იარაღის), საბრძოლო მასალის, სამხედრო ტექნიკის, ტექნიკური დოკუმენტაციის, აგრეთვე იარაღის წარმოებასთან დაკავშირებული სამუშაოებისა და მომსახურების ექსპორტ-იმპორტთან, რეექსპორტსა და ტრანზიტთან დაკავშირებული საქმიანობის მოწესრიგებისა და საქართველოს ეროვნული უშიშროების საბჭოს სამხედრო-ტექნიკურ საკითხთა მუდმივი საუწყებათაშორისო კომისიის ფუნქციების საქართველოს თავდაცვის სამინისტროსათვის გადაცემის მიზნით:
1. საქართველოს პრეზიდენტის საპარლამენტო მდივნის სამსახურმა (ზ. დეკანოიძე) მოამზადოს პროექტი შესაბამის საკანონმდებლო აქტებში სათანადო ცვლილებებისა და დამატებების შეტანის თაობაზე.
2. საქართველოს თავდაცვის სამინისტრომ (ი. ოქრუაშვილი) უზრუნველყოს:
ა) საქართველოს თავდაცვის სამინისტროსთან სამხედრო-ტექნიკურ საკითხთა მუდმივმოქმედი კომისიისა და შესაბამისი უწყებების მონაწილეობით ექსპერტთა ჯგუფის შექმნა;
ბ) კომისიისა და ექსპერტთა ჯგუფის დებულებების დამტკიცება.
3. საქართველოს ეროვნული უშიშროების საბჭოს აპარატმა (ლ.ჭოლაძე) უზრუნველყოს საქართველოს ეროვნული უშიშროების საბჭოს სამხედრო-ტექნიკურ საკითხთა მუდმივი საუწყებათაშორისო კომისიის წარმოებაში არსებული შესაბამისი დოკუმენტაციის საქართველოს თავდაცვის სამინისტროსთან შექმნილ სამხედრო-ტექნიკურ საკითხთა მუდმივმოქმედი კომისიისათვის გადაცემა.
4. ძალადაკარგულად გამოცხადდეს „ქვეყანაში სამხედრო-ტექნიკური საქმიანობის სრულყოფის ზოგიერთ ღონისძიებათა შესახებ“ საქართველოს პრეზიდენტის 2004 წლის 27 დეკემბრის №618 ბრძანებულება.
მ. სააკაშვილი