საჯარო სამართლის იურიდიული პირის - თბილისის მარიონეტების პროფესიული სახელმწიფო თეატრის შექმნის შესახებ

საქართველოს პრეზიდენტის

ბრძანებულება№92

2006 წლის 1 თებერვალი

ქ. თბილისი

საჯარო სამართლის იურიდიული პირის – თბილისის მარიონეტების სახელმწიფო თეატრის შექმნის შესახებ

1. „თეატრ-სტუდია რეზო გაბრიაძის ხელმძღვანელობით“ თეატრის სამართლებრივი სტატუსის განსაზღვრის მიზნით, „საჯარო სამართლის იურიდიული პირის შესახებ“ საქართველოს კანონის მე-5 მუხლის მე-2 პუნქტის „ბ“ ქვეპუნქტის შესაბამისად შეიქმნას საჯარო სამართლის იურიდიული პირი _ თბილისის მარიონეტების სახელმწიფო თეატრი (შემდგომში _ თეატრი).

2. საქართველოს კულტურის, ძეგლთა დაცვისა და სპორტის სამინისტრომ (გ. გაბაშვილი):

ა) განახორციელოს თეატრის სახელმწიფო კონტროლი;

ბ) უზრუნველყოს თეატრის დებულების დამტკიცება და წარმომადგენლობაზე უფლებამოსილი პირის დანიშვნა.

3. საქართველოს ეკონომიკური განვითარების სამინისტრომ (ი. ჩოგოვაძე) უზრუნველყოს თეატრისათვის ქ. თბილისში შავთელის ქ. # 26-ში მდებარე შენობისა და მასზე დამაგრებული მიწის ფართობის და შესაბამისი ქონების გადაცემა კანონმდებლობით დადგენილი წესით.

მ. სააკაშვილი