საჯარო სამართლის იურიდიული პირის - ნოდარ დუმბაძის სახელობის მოზარდმაყურებელთა პროფესიული სახელმწიფო თეატრის შექმნის შესახებ

საქართველოს პრეზიდენტის

ბრძანებულება №521

2004 წლის 18 ნოემბერი

ქ. თბილისი

საჯარო სამართლის იურიდიული პირის _ თბილისის ნოდარ დუმბაძის სახელობის სახელმწიფო ცენტრალური საბავშვო თეატრის შექმნის შესახებ

„საჯარო სამართლის იურიდიული პირის შესახებ“ საქართველოს კანონის მე-5 მუხლის მე-2 პუნქტის „ბ“ ქვეპუნქტის შესაბამისად:

1. შეიქმნას საჯარო სამართლის იურიდიული პირი _ თბილისის ნოდარ დუმბაძის სახელობის სახელმწიფო ცენტრალური საბავშვო თეატრი (შემდგომში _ თეატრი).

2. საქართველოს კულტურის, ძეგლთა დაცვისა და სპორტის სამინისტრომ (გ. გაბაშვილი):

ა) განახორციელოს თეატრის სახელმწიფო კონტროლი;

ბ) უზრუნველყოს თეატრის დებულების დამტკიცება და წარმო­მად­გენლობაზე უფლებამოსილი პირის დანიშვნა.

3. საქართველოს ეკონომიკური განვითარების სამინისტრომ (კ. ბენ­დუქიძე) გააფორმოს თეატრთან ხელშეკრულება თეატრისათვის თბილისში, დავით აღმაშენებლის გამზირის #99/1-ში მდებარე შენობის უსასყიდლო უზუფრუქტის ფორმით გადაცემის თაობაზე.

მ. სააკაშვილი