საქართველოს სამოქალაქო კოდექსში ცვლილების შეტანის შესახებ

პროექტი საქართველოს კანონი საქართველოს სამოქალაქო კოდექსში ცვლილების შეტანის შესახებ მუხლი 1. საქართველოს სამოქალაქო კოდექსში (პარლამენტის უწყებანი, №31, 24 ივლისი, 1997, გვ. 1) შეტანილ იქნეს ცვლილება და 1100-ე მუხლი ჩამოყალიბდეს შემდეგი რედაქციით: „მუხლი 1100. გამოგონებაზე, სასარგებლო მოდელსა და სამრეწველო ნიმუშზე უფლებათა დაცვა 1. გამოგონებაზე, სასარგებლო მოდელსა და სამრეწველო ნიმუშზე უფლებათა დაცვა ხორციელდება პატენტის ან მოწმობის გაცემით საქართველოს საპატენტო კანონის შესაბამისად. 2. პატენტის ან მოწმობის მიღების უფლება აქვს გამოგონების, სასარგებლო მოდელისა და სამრეწველო ნიმუშის ავტორს ან მის უფლებამონაცვლეს. 3. გამოგონების, სასარგებლო მოდელისა და სამრეწველო ნიმუშის ავტორობის უფლება განუსხვისებელი და უვადო უფლებაა. 4. პატენტის ან მოწმობის მოქმედების განმავლობაში მის მფლობელს ეკუთვნის განსაკუთრებული უფლება.“. მუხლი 2. ეს კანონი ამოქმედდეს გამოქვეყნებისთანავე. საქართველოს პრეზიდენტი სალომე ზურაბიშვილი