„საჯარო შესყიდვების შესახებ“ საქართველოს კანონში ცვლილების შეტანის თაობაზე"

პროექტი საქართველოს კანონი „საჯარო შესყიდვების შესახებ“ საქართველოს კანონში ცვლილების შეტანის თაობაზე მუხლი 1. „საჯარო შესყიდვების შესახებ“ საქართველოს კანონის (საქართველოს საკანონმდებლო მაცნე (www.matsne.gov.ge), 27.02.2023, სარეგისტრაციო კოდი: 040090000.05.001.020812) XIV თავი ჩამოყალიბდეს შემდეგი რედაქციით: „თავი XIV გარდამავალი და დასკვნითი დებულებები მუხლი 97. ძალადაკარგული ნორმატიული აქტები 2030 წლის 1 იანვრიდან ძალადაკარგულად გამოცხადდეს „სახელმწიფო შესყიდვების შესახებ“ საქართველოს 2005 წლის 20 აპრილის კანონი (საქართველოს საკანონმდებლო მაცნე, №22, 18.05.2005, მუხ. 151) და მის საფუძველზე მიღებული/გამოცემული კანონქვემდებარე ნორმატიული აქტები. აღნიშნული კანონი და მის საფუძველზე მიღებული/გამოცემული კანონქვემდებარე ნორმატიული აქტები იურიდიულ ძალას ინარჩუნებს 2030 წლის 1 იანვრამდე წარმოშობილი სამართლებრივი ურთიერთობების ფარგლებში, მათ დასრულებამდე, თუ ამ კანონით სხვა რამ არ არის გათვალისწინებული. მუხლი 98. ამ კანონის ამოქმედებისთვის განსახორციელებელი ღონისძიებები 1. 2030 წლის 1 იანვრიდან საჯარო სამართლის იურიდიულ პირს – სახელმწიფო შესყიდვების სააგენტოს ეწოდოს საჯარო სამართლის იურიდიული პირი − საჯარო შესყიდვების სააგენტო. ამ თარიღის დადგომამდე საქართველოს მთავრობამ უზრუნველყოს საჯარო სამართლის იურიდიული პირის – საჯარო შესყიდვების სააგენტოს დებულების დამტკიცება. 2. 2030 წლის 1 იანვრიდან სახელმწიფო შესყიდვებთან დაკავშირებული დავების განხილვის საბჭოს ეწოდოს საჯარო შესყიდვებთან დაკავშირებული დავების განხილვის საბჭო. ამ თარიღის დადგომამდე საქართველოს მთავრობამ უზრუნველყოს საჯარო შესყიდვებთან დაკავშირებული დავების განხილვის საბჭოს რეგლამენტის დამტკიცება. ამ კანონის ამოქმედება არ იწვევს „სახელმწიფო შესყიდვების შესახებ“ საქართველოს კანონის საფუძველზე არჩეული სახელმწიფო შესყიდვებთან დაკავშირებული დავების განხილვის საბჭოს წევრის/წევრების უფლებამოსილების ვადამდე შეწყვეტას. 3. საქართველოს მთავრობამ 2030 წლის 1 იანვრამდე: ა) მიიღოს ამ კანონის 53-ე მუხლის მე-14 პუნქტით, 72-ე მუხლის მე-2 პუნქტით, 73-ე მუხლის მე-2 პუნქტითა და 74-ე მუხლით გათვალისწინებული კანონქვემდებარე ნორმატიული აქტები; ბ) სამართლებრივი აქტით განსაზღვროს ამ კანონის მე-10 მუხლის პირველი პუნქტის „ბ“ ქვეპუნქტითა და იმავე მუხლის მე-3 პუნქტის „გ“ ქვეპუნქტით გათვალისწინებული უფლებამოსილი ორგანო/ორგანოები. 4. საჯარო სამართლის იურიდიული პირის – სახელმწიფო შესყიდვების სააგენტოს თავმჯდომარემ 2030 წლის 1 იანვრამდე გამოსცეს ამ კანონის მე-100 მუხლის მე-2 პუნქტში მითითებულ ამ კანონის მუხლებთან დაკავშირებული, ამავე კანონით გათვალისწინებული კანონქვემდებარე ნორმატიული აქტი/აქტები. ამასთანავე, საჯარო სამართლის იურიდიულმა პირმა – სახელმწიფო შესყიდვების სააგენტომ 2030 წლის 1 იანვრამდე შექმნას ამ კანონისა და მის საფუძველზე მიღებული/გამოცემული შესაბამისი კანონქვემდებარე ნორმატიული აქტების მოთხოვნებთან მისადაგებული ელექტრონული სისტემა. 5. შემსყიდველმა ორგანიზაციამ 2030 წლის 1 იანვრიდან, ამ კანონის მე-15 მუხლის შესაბამისად, თავის სტრუქტურაში/საშტატო ნუსხაში საჯარო შესყიდვებთან დაკავშირებული საქმიანობის განმახორციელებელი უფლებამოსილი სტრუქტურული ერთეულის/პირის განსაზღვრისთვის განახორციელოს სათანადო ღონისძიებები. მუხლი 99. ამ კანონის ამოქმედებამდე განხორციელებული/ განსახორციელებელი შესყიდვები 1. ამ კანონის მოქმედება გავრცელდეს 2030 წლის 1 იანვრიდან გამოცხადებულ საჯარო შესყიდვებზე. 2. 2030 წლის 1 იანვრამდე გამოცხადებული სახელმწიფო შესყიდვები განხორციელდეს და დასრულდეს 2030 წლის 1 იანვრამდე მოქმედი კანონმდებლობით. 3. შემსყიდველი ორგანიზაცია ვალდებულია არაუგვიანეს 2029 წლის 1 ნოემბრისა შესაბამის სისტემაში წარადგინოს ამ კანონის მე-100 მუხლის მე-2 პუნქტში მითითებული ნორმების შესაბამისად შედგენილი წლიური გეგმა. ამ გეგმაში უნდა აისახოს 2030 წლის 1 იანვრიდან გამოსაცხადებელი საჯარო შესყიდვები, აგრეთვე ინფორმაცია „სახელმწიფო შესყიდვების შესახებ“ საქართველოს კანონის საფუძველზე 2029 წლის ნოემბერსა და დეკემბერში გამოსაცხადებელი, 2030 წლის საჯარო შესყიდვების გეგმით გათვალისწინებული სახელმწიფო შესყიდვის/შესყიდვების შესახებ. მუხლი 100. კანონის ამოქმედება 1. ეს კანონი, გარდა ამ კანონის პირველი−96-ე მუხლებისა, ამოქმედდეს გამოქვეყნებისთანავე. 2. ამ კანონის პირველი−მე-15 მუხლები, მე-16 მუხლის მე-2−მე-11 პუნქტები და მე-17–96-ე მუხლები ამოქმედდეს 2030 წლის 1 იანვრიდან. 3. ამ კანონის მე-16 მუხლის პირველი და მე-12 პუნქტები ამოქმედდეს 2032 წლის 1 იანვრიდან.“. მუხლი 2. ეს კანონი ამოქმედდეს გამოქვეყნებისთანავე. საქართველოს პრეზიდენტი მიხეილ ყაველაშვილი

განმარტებითი ბარათი საქართველოს კანონის პროექტზე „საჯარო შესყიდვების შესახებ“ საქართველოს კანონში ცვლილების შეტანის თაობაზე“ ა) ზოგადი ინფორმაცია კანონპროექტის შესახებ: ა.ა) კანონპროექტის მიღების მიზეზი: ა.ა.ა) პრობლემა, რომლის გადაჭრასაც მიზნად ისახავს კანონპროექტი: წარმოდგენილი კანონპროექტით ცვლილება შედის საქართველოს პარლამენტის მიერ 2023 წლის 9 თებერვალს მიღებულ „საჯარო შესყიდვების შესახებ“ საქართველოს კანონში (საქართველოს საკანონმდებლო მაცნე (www.matsne.gov.ge), 27.02.2023, სარეგისტრაციო კოდი: 040090000.05.001.020812), რის შედეგადაც, „საჯარო შესყიდვების შესახებ“ საქართველოს კანონი, ნაცვლად 2027 წლის 1 იანვრისა, ამოქმედდება 2030 წლის 1 იანვრიდან. აღსანიშნავია, რომ „საჯარო შესყიდვების შესახებ“ საქართველოს კანონით კარდინალურ რეფორმირებას განიცდის ამჟამად მოქმედი სახელმწიფო შესყიდვების სფეროს მარეგულირებელი დებულებები, იცვლება სახელმწიფო შესყიდვებთან დაკავშირებული არაერთი მიდგომა, მათ შორის, ინერგება ახალი საჯარო შესყიდვის პროცედურები, ინსტრუმენტები და ინსტიტუტები. რეფორმის ერთ-ერთ მიზანს წარმოადგენს ერთი მხრივ, კიდევ უფრო მოქნილი გარემოს შექმნა საჯარო შესყიდვის პროცედურებში ბიზნეს სუბიექტების მონაწილეობისთვის, ხოლო მეორე მხრივ, ეფექტიანი მექანიზმების განსაზღვრა საჯარო შესყიდვებისთვის განკუთვნილი ფულადი სახსრების რაციონალურად, გამჭვირვალედ და კანონის მოთხოვნათა დაცვით ხარჯვის უზრუნველსაყოფად. საგულისხმოა, რომ გასულ წლებთან შედარებით 2024 წელს განხორციელებული სახელმწიფო შესყიდვების ჯამური ღირებულების მიხედვით ერთერთი მაღალი მაჩვენებელი დაფიქსირდა. 8,142,040,776 ლარს გაუტოლდა ხელშეკრულებების ჯამური ღირებულება, რაც ქვეყნის მთლიანი შიდა პროდუქტის (მშპ/GDP) დაახლოებით 9%-ს შეადგენს.1 ამდენად, კანონით განსაზღვრული სიახლეების თანმიმდევრულად, ეტაპობრივი დანერგვისა და საჯარო შესყიდვების რეფორმის სრულყოფილი იმპლემენტაციისთვის კრიტიკულად მნიშვნელოვანია, რომ საფრთხე არ შეექმნას 4,751 შემსყიდველი ორგანიზაციისთვის კანონით დაკისრებული უფლებამოსილებების დროულად და დაუბრკოლებლად განხორციელებას, აგრეთვე მათი საქმიანობის ეფექტიანობას. სახელმწიფო შესყიდვების (საჯარო შესყიდვების) მარეგულირებელი კანონმდებლობის რეფორმირებისა და ევროკავშირის სამართლებრივ წესრიგთან სრულყოფილი ჰარმონიზაციისათვის, შემსყიდველი ორგანიზაციებისათვის კანონით დაკისრებული უფლებამოსილებების განხორციელების, მათი საქმიანობის ეფექტიანობისა და უწყვეტობის შენარჩუნების კონტექსტში, გასათვალისწინებელია ევროკომისიის (შემდგომში - კომისია) სახელმწიფო შესყიდვების სააგენტოს 2024 წლის საქმიანობის ანგარიში, გვ.8. https://procurement.gov.ge/files/showfiles?id=f6307038-79ee-4605-8483-d02f438a6e64 საქართველოს სტატისტიკის ეროვნული სამსახურის წინასწარი მონაცემებით 2024 წლის მთლიანი შიდა პროდუქტი უტოლდება 91 891.8 მილიარდ ლარს. წყარო: https://www.geostat.ge/ka/modules/categories/23/mtliani-shida-produkti-mshp 1 2025 წლის მაისში მიღებული სტრატეგია – "Single Market Strategy",2 რომელშიც კომისია ერთმნიშვნელოვნად აცხადებს, რომ საჭიროა გადაიხედოს და გამარტივდეს საჯარო შესყიდვების მარეგულირებელი ევროპული დირექტივები,3 კერძოდ აღნიშნული სტრატეგიის თანახმად, აუცილებელია საჯარო შესყიდვების ფრაგმენტული და რთულად კონსტრუირებული დებულებების ცენტრალიზება, გამარტივება და მათი ეფექტიანი გამოყენება მდგრადი სოციალურად გამოსადეგი ტექნოლოგიებისა და სტრატეგიული სექტორების განვითარებისათვის, იმგვარად, რომ შენარჩუნებულ იქნეს კონკურენტუნარიანი საჯარო შესყიდვების გარემო. კომისია ხაზს უსვამს, რომ „აუცილებელია თავიდან იქნეს აცილებული არასაჭირო ადმინისტრაციული ფრაგმენტაცია და ტვირთი შემსყიდველი ორგანიზაციებისა და ეკონომიკური ოპერატორებისთვის, მათ შორის მცირე, საშუალო და მიკრო საწარმოებისათვის.“.4 ამ კუთხით, კომისიას მიაჩნია, რომ საჯარო შესყიდვებთან დაკავშირებული კანონმდებლობის სირთულემ და ფრაგმენტულობამ შესაძლოა ხელი შეუშალოს გარკვეული ეკონომიკური ოპერატორების მონაწილეობას საჯარო შესყიდვებში. გასათვალისწინებელია, რომ ევროკავშირის შესაბამის პროფესიულ და ინსტიტუციურ პლატფორმებზე უკვე ასახულია, რომ ევროკომისია უკვე ახორციელებს 2014 წლის საჯარო შესყიდვების დირექტივების სისტემურ რევიზიას და განახლებული ჩარჩოს მიღება მოსალოდნელია 2026 წლის მეორე კვარტალში. აღნიშნული ნიშნავს, რომ უახლოეს პერიოდში ევროკავშირის კანონმდებლობაში მოსალოდნელია ახალი წესები, რომლებიც შეეხება პროცედურების გამარტივებას, სტრატეგიული შესყიდვების გაძლიერებას, ციფრული ინსტრუმენტების უფრო ინტენსიურ გამოყენებას, კონკურენციის დაცვის ახალ სტანდარტებსა და შემსყიდველი ორგანიზაციებისათვის უფრო ერთგვაროვანი პრაქტიკის ჩამოყალიბებას. შესაბამისად, უნდა აღინიშნოს, რომ საქართველოს, როგორც კანდიდატის სტატუსის მქონე ქვეყნის რეალობაშიც არსებობს რისკი, რომ არასრულყოფილად მომზადებული და ნაჩქარევი რეფორმების ინიციირების შემთხვევაში, დაზარალდეს ქართული ბიზნესის წარმომადგენელი 59,475 ეკონომიკური ოპერატორი, რომელიც კეთილსინდისიერად და კანონმდებლობის შესაბამისად ვაჭრობენ სახელმწიფოსთან საჯარო შესყიდვების ფარგლებში. გარდა ზემოაღნიშნულისა, გასათვალისწინებელია ევროპარლამენტის 2025 წლის 9 სექტემბრის რეზოლუცია5, რომელიც მოუწოდებს ევროკავშირს, გადახედოს საჯარო შესყიდვების დირექტივებს, რათა გაძლიერდეს კონკურენცია, განმტკიცდეს მდგრადი ეკონომიკა და ევროკავშირი, წევრ და პარტნიორ ქვეყნებთან ერთად, მოემზადოს ტექნოლოგიური განვითარებისა და მომავლის გამოწვევებისათვის. აღნიშნული გარემოებები ცხადყოფს, რომ ევროკავშირის დონეზე ჯერ კიდევ მიმდინარეობს ახალი პოლიტიკურსამართლებრივი აქცენტების ჩამოყალიბება, რაც შემდგომში საკანონმდებლო დონეზეც აისახება. იხ. https://eur-lex.europa.eu/legal-content/EN/TXT/HTML/?uri=CELEX:52025DC0500 გვ.4-6. The Commission promised that revision of the public procurement legislation will simplify “overly complex EU rules”. იხ. https://www.europarl.europa.eu/legislative-train/carriage/public-procurement-act/report?sid=9901. 4 იხ. https://www.europarl.europa.eu/legislative-train/carriage/public-procurement-act/report?sid=9901 იხ.https://single-market-economy.ec.europa.eu/document/download/d92c78d0-7d47-4a16-b53f1cead54bcb49_en?filename=Communication%20-%20Single%20Market%20Strategy.pdf გვ.6 5 იხ. https://www.europarl.europa.eu/doceo/document/TA-10-2025-0174_EN.html 2 3 მიმდინარე შეფასებები და კონსულტაციები ადასტურებს, რომ ევროკომისია, ევროპარლამენტთან ერთად, აქტიურად ემზადება საჯარო შესყიდვების დირექტივების ცვლილებისთვის, რათა ისინი გახდეს უფრო თანმიმდევრული, გამარტივებული და სტრატეგიულ, მდგრადსა და ინოვაციურ მიზნებთან თავსებადი. აღნიშნული ცვლილებები კი, თავის მხრივ, გულისხმობს ეროვნული კანონმდებლობის ადაპტაციასა და ეკონომიკური ოპერატორების მონაწილეობის ეფექტიან რეგულირებას საჯარო შესყიდვებში, რაც ხელს შეუწყობს სამართლებრივ განჭვრეტადობასა და კონკურენტული გარემოს შენარჩუნებას. საგულისხმოა, რომ ამ კონტექსტში, მნიშვნელოვანია, საქართველოს კანონმდებლობა სრულად ჰარმონიზებული იყოს ევროკავშირის განახლებულ დებულებებთან. ამის უზრუნველსაყოფად მიზანშეწონილია კანონის ამოქმედების თარიღის გადავადება, რაც საშუალებას მისცემს ქვეყანას სრულად მოერგოს ახალ სამართლებრივ დებულებებს, უზრუნველყოს მათი ეფექტიანი იმპლემენტაცია და სამართლებრივი განსაზღვრულობა, ეკონომიკური ეფექტიანობა და ევროკავშირის საუკეთესო პრაქტიკასთან შესაბამისობა. შესაბამისად, განსახორციელებელი და მოსალოდნელი ცვლილებების მასშტაბურობის გათვალისწინებით, აგრეთვე საკანონმდებლო სივრცის ერთიანობისა და უწყვეტობის შენარჩუნების მიზნით, მიზანშეწონილია, რომ „საჯარო შესყიდვების შესახებ“ საქართველოს კანონით გათვალისწინებული ძირითადი დებულებების ამოქმედების თარიღად ნაცვლად 2027 წლის 1 იანვრისა, განისაზღვროს 2030 წლის 1 იანვარი. აღნიშნული ვადა საჭიროა იმისათვის, რათა დასრულდეს ევროკავშირში საჯარო შესყიდვების სფეროში მოქმედი დირექტივების გადახედვის პროცესი და შემდგომ, უზრუნველყოფილ იქნეს, როგორც საქართველოში საჯარო შესყიდვების სფეროში მოქმედი შესაბამისი ნორმატიული შინაარსის ცვლილებების მომზადება, ასევე სახელმწიფო სექტორისა და ბიზნეს საზოგადოების ინფორმირებულობა, შესაბამისი სასწავლო კურსების ჩატარება, სახელმძღვანელოებისა და ინსტრუქციების შემუშავება, ელექტრონული სისტემის მოდერნიზება, საჯარო შესყიდვების პროცესში ჩართულ და იმავდროულად „ელექტრონული მთავრობის“ სერვისის მიმწოდებელ მრავალ სახელმწიფო უწყებასთან სათანადო ელექტრონული სერვისების აწყობა/გამართვა. წარმოდგენილი „საჯარო შესყიდვების შესახებ“ საქართველოს კანონში ცვლილების შეტანის თაობაზე საქართველოს კანონის პროექტით „საჯარო შესყიდვების შესახებ“ საქართველოს კანონით გათვალისწინებული ძირითადი დებულებების ამოქმედების თარიღად ნაცვლად 2027 წლის 1 იანვრისა, განისაზღვრება 2030 წლის 1 იანვარი. კერძოდ, კანონის ძირითადი ნაწილი – პირველი−მე-15 მუხლები, მე-16 მუხლის მე-2−მე-11 პუნქტები და მე-17–96-ე მუხლები ამოქმედდება 2030 წლის 1 იანვრიდან, ხოლო კანონის მე-16 მუხლის პირველი და მე-12 პუნქტები ამოქმედდება 2032 წლის 1 იანვრიდან. ა.ა.ბ) არსებული პრობლემის გადასაჭრელად კანონის მიღების აუცილებლობა: „საჯარო შესყიდვების შესახებ“ საქართველოს კანონის თანახმად, კანონის ძირითადი დებულებების ამოქმედების თარიღად განსაზღვრულია 2027 წლის 1 იანვარი. ამ თარიღის შეცვლა კი მხოლოდ „საჯარო შესყიდვების შესახებ“ საქართველოს კანონში ცვლილების განხორციელების გზით არის შესაძლებელი. ა.ბ) კანონპროექტის მოსალოდნელი შედეგები: წარმოდგენილი „საჯარო შესყიდვების შესახებ“ საქართველოს კანონში ცვლილების შეტანის თაობაზე საქართველოს კანონის პროექტის მიღების შედეგად „საჯარო შესყიდვების შესახებ“ საქართველოს კანონით გათვალისწინებული ძირითადი დებულებების ამოქმედების თარიღად ნაცვლად 2027 წლის 1 იანვრისა, განისაზღვრება 2030 წლის 1 იანვარი. კერძოდ, კანონის ძირითადი ნაწილი – პირველი−მე-15 მუხლები, მე-16 მუხლის მე-2−მე-11 პუნქტები და მე-17–96-ე მუხლები ამოქმედდება 2030 წლის 1 იანვრიდან, ხოლო კანონის მე-16 მუხლის პირველი და მე-12 პუნქტები ამოქმედდება 2032 წლის 1 იანვრიდან. აღნიშნულ ვადაში, უზრუნველყოფილ იქნება „საჯარო შესყიდვების შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტის მომზადება საქართველოს საჯარო შესყიდვების მარეგულირებელი სამართლებრივი ჩარჩოს ევროკავშირის კანონმდებლობასთან კიდევ უფრო მეტად დაახლოების უზრუნველსაყოფად და ამავდროულად, იმ მოქნილობის გასათვალისწინებლად, რომლითაც შემცირდება არასაჭირო ადმინისტრაციული ბარიერები (შესაბამისი დირექტივებით განსაზღვრული დისკრეციის ფარგლებში), რათა ხელი არ შეეშალოს შემსყიდველი ორგანიზაციებისათვის კანონით დაკისრებული უფლებამოსილების შეუფერხებლად განხორციელებასა და შესყიდვის პროცესის ეფექტიანობას. ა.გ) კანონპროექტის ძირითადი არსი: წარმოდგენილი „საჯარო შესყიდვების შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტით „საჯარო შესყიდვების შესახებ“ საქართველოს კანონით გათვალისწინებული ძირითადი დებულებების ამოქმედების თარიღად ნაცვლად 2027 წლის 1 იანვრისა, განისაზღვრება 2030 წლის 1 იანვარი. კერძოდ, კანონის ძირითადი ნაწილი – პირველი−მე-15 მუხლები, მე-16 მუხლის მე-2−მე-11 პუნქტები და მე-17–96-ე მუხლები ამოქმედდება 2030 წლის 1 იანვრიდან, ხოლო კანონის მე-16 მუხლის პირველი და მე-12 პუნქტები ამოქმედდება 2032 წლის 1 იანვრიდან. ა.დ) კანონპროექტის კავშირი სამთავრობო პროგრამასთან და შესაბამის სფეროში არსებულ სამოქმედო გეგმასთან, ასეთის არსებობის შემთხვევაში (საქართველოს მთავრობის მიერ ინიციირებული კანონპროექტის შემთხვევაში): ასეთი არ არსებობს. ა.ე) კანონპროექტის ძალაში შესვლის თარიღის შერჩევის პრინციპი, ხოლო კანონისთვის უკუძალის მინიჭების შემთხვევაში − აღნიშნულის თაობაზე შესაბამისი დასაბუთება: კანონპროექტის ძალაში შესვლა გათვალისწინებულია გამოქვეყნებისთანავე, ვინაიდან მისი ამოქმედებისათვის დამატებითი პირობები ან ვადები არ არის საჭირო და მნიშვნელოვანია მისი დროული ამოქმედება. ამასთან, კანონპროექტი არ ითვალისწინებს კანონისთვის უკუძალის მინიჭებას. ა.ვ) კანონპროექტის დაჩქარებული წესით განხილვის მიზეზები და შესაბამისი დასაბუთება (თუ ინიციატორი ითხოვს კანონპროექტის დაჩქარებული წესით განხილვას): მოთხოვნილია კანონპროექტის დაჩქარებული წესით განხილვა, შემდეგ გარემოებათა გამო, კერძოდ: „საჯარო შესყიდვების შესახებ“ საქართველოს კანონის 99-ე მუხლის მე-3 პუნქტის თანახმად, „შემსყიდველი ორგანიზაცია ვალდებულია არაუგვიანეს 2026 წლის 1 ნოემბრისა შესაბამის სისტემაში წარადგინოს ამ კანონის მე-100 მუხლის მე-2 პუნქტში მითითებული ნორმების შესაბამისად შედგენილი წლიური გეგმა. ამ გეგმაში უნდა აისახოს 2027 წლის 1 იანვრიდან გამოსაცხადებელი საჯარო შესყიდვები, აგრეთვე ინფორმაცია „სახელმწიფო შესყიდვების შესახებ“ საქართველოს კანონის საფუძველზე 2026 წლის ნოემბერსა და დეკემბერში გამოსაცხადებელი, 2027 წლის საჯარო შესყიდვების გეგმით გათვალისწინებული სახელმწიფო შესყიდვის/შესყიდვების შესახებ.“. ვინაიდან წარმოდგენილი კანონპროექტი ითვალისწინებს „საჯარო შესყიდვების შესახებ“ საქართველოს კანონის ძირითადი დებულებების ამოქმედების თარიღის გადავადებას 2030 წლის 1 იანვრამდე, შემსყიდველი ორგანიზაციების მიერ 2027 წლის წლიური გეგმა წარდგენილ უნდა იქნეს, მოქმედი „სახელმწიფო შესყიდვების შესახებ“ საქართველოს კანონის მიხედვით. ამდენად, წარმოდგენილი კანონპროექტის 2026 წლის 1 ნოემბრამდე მიღება აუცილებლობას წარმოადგენს შემსყიდველი ორგანიზაციების შეუფერხებელი საქმიანობის უზრუნველსაყოფად. ყოველივე ზემოაღნიშნულიდან გამომდინარე, კანონპროექტის დაჩქარებული წესით მიღება აუცილებელია სამართლებრივი სიცხადისა და ადმინისტრაციული სტაბილურობის უზრუნველყოფისთვის, ვინაიდან მისი დაგვიანების შემთხვევაში შეიქმნება ნორმატიული გაურკვევლობა, თუ რომელი სამართლებრივი რეჟიმით უნდა იხელმძღვანელონ შემსყიდველმა ორგანიზაციებმა 2027 წლის შესყიდვების დაგეგმვის პროცესში, რაც ზრდის არასწორი დაგეგმვის რისკს. შესაბამისად, მოთხოვნილია კანონპროექტის დაჩქარებული წესით განხილვა. ბ) კანონპროექტის ფინანსური გავლენის შეფასება საშუალოვადიან პერიოდში (კანონპროექტის ამოქმედების წელი და შემდგომი 3 წელი): ბ.ა) კანონპროექტის მიღებასთან დაკავშირებით აუცილებელი ხარჯების დაფინანსების წყარო: საგულისხმოა, რომ „საჯარო შესყიდვების შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტზე თანდართულ განმარტებით ბარათში (https://info.parliament.ge/file/1/BillReviewContent/367862?) მითითებულია ფინანსური გავლენები, რომელსაც ადგილი უნდა ჰქონოდა 2027 წელს კანონის ამოქმედების შემთხვევაში, შესაბამისად, ვინაიდან, წარმოდგენილი „საჯარო შესყიდვების შესახებ“ საქართველოს კანონში ცვლილების შეტანის თაობაზე საქართველოს კანონის პროექტით „საჯარო შესყიდვების შესახებ“ საქართველოს კანონით გათვალისწინებული ძირითადი დებულებების ამოქმედების თარიღად ნაცვლად 2027 წლის 1 იანვრისა, განისაზღვრება 2030 წლის 1 იანვარი, ზემოაღნიშნულ განმარტებით ბარათში მითითებულ ფინანსურ გავლენებს ადგილი ექნება არა 2027, არამედ 2030 წლიდან. კერძოდ, როგორც ეს გათვალისწინებულია ზემოაღნიშნულ განმარტებით ბარათში, „კანონპროექტის მიღება გამოიწვევს სახელმწიფო ბიუჯეტიდან დამატებითი ხარჯების გამოყოფას. აღნიშნული ხარჯები დაფინანსდება „სახელმწიფო ბიუჯეტის შესახებ“ შესაბამისი კანონიდან. ამასთან, გასათვალისწინებელია ის გარემოებაც, რომ ხარჯების გარკვეული ნაწილი დაიფარება სსიპ — საჯარო შესყიდვების სააგენტოს (ამჟამად სახელმწიფო შესყიდვების სააგენტო) საკუთარი შემოსავლებიდან, რომელიც კანონპროექტის მიხედვით შედგება: საქართველოს სახელმწიფო ბიუჯეტიდან გამოყოფილი სახსრებით, შესყიდვის პირობების გამოქვეყნებისა და განაცხადის/წინადადების წარდგენის საფასურით, განაცხადის/წინადადების უზრუნველყოფის მიზნით წარდგენილი გარანტიით, ელექტრონული სისტემით სარგებლობისგან მიღებული შემოსავლით, საჯარო შესყიდვის სპეციალისტების სერტიფიცირებისთვისა და სერტიფიცირებისთვის მოსამზადებელი პროგრამის გავლისთვის დაწესებული საფასურით, საჯარო შესყიდვების სფეროში ტრენინგებისა და სემინარების ჩატარებისთვის დაწესებული საფასურით და საქართველოს კანონმდებლობით ნებადართული სხვა შემოსავლით.“. ამავდროულად, გასათვალისწინებელია, რომ საქართველოს პარლამენტის მიერ 2025 წლის 12 ნოემბერს მიღებული „სახელმწიფო შესყიდვების შესახებ“ საქართველოს კანონში ცვლილების შეტანის თაობაზე“ საქართველოს კანონით (www.matsne.gov.ge), 17.11.2025, სარეგისტრაციო კოდი: 040090000.05.001.102853), „საჯარო შესყიდვების შესახებ“ საქართველოს კანონში არსებული არაერთი დებულება უკვე იმპლემენტირებულ იქნა სახელმწიფო შესყიდვების მარეგულირებელ კანონმდებლობაში. ამდენად, აღნიშნულ კანონპროექტზე თანდართულ განმარტებით ბარათში (https://info.parliament.ge/file/1/BillReviewContent/403559?) მითითებული გავლენები (რაც ასევე გათვალისწინებული იყო „საჯარო შესყიდვების შესახებ“ საქართველოს კანონში ცვლილების შეტანის თაობაზე საქართველოს კანონის პროექტზე თანდართულ განმარტებით ბარათში (https://info.parliament.ge/file/1/BillReviewContent/367862?) აღარ წარმოადგენს საშუალოვადიან პერიოდში კანონპროექტის ფინანსური გავლენის შეფასებისას გასათვალისწინებელ გავლენებს. ბ.ბ) კანონპროექტის გავლენა სახელმწიფო, ავტონომიური რესპუბლიკის რესპუბლიკური ან/და მუნიციპალიტეტის ბიუჯეტის საშემოსავლო ნაწილზე: ვინაიდან, წარმოდგენილი „საჯარო შესყიდვების შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტით „საჯარო შესყიდვების შესახებ“ საქართველოს კანონით გათვალისწინებული ძირითადი დებულებების ამოქმედების თარიღად ნაცვლად 2027 წლის 1 იანვრისა, განისაზღვრება 2030 წლის 1 იანვარი, „საჯარო შესყიდვების შესახებ“ საქართველოს კანონში ცვლილების შეტანის თაობაზე საქართველოს კანონის პროექტზე თანდართულ განმარტებით ბარათში (https://info.parliament.ge/file/1/BillReviewContent/367862?) მითითებულ გავლენებს სახელმწიფო, ავტონომიური რესპუბლიკის რესპუბლიკური ან/და მუნიციპალიტეტის ბიუჯეტის საშემოსავლო ნაწილზე ადგილი ექნება არა 2027, არამედ 2030 წლიდან. კერძოდ, გასაჩივრებას დაქვემდებარებულ საკითხთა წრე გაფართოვდება 2030 წლის 1 იანვრიდან. ამდენად, კანონპროექტმა შესაძლოა გამოიწვიოს სახელმწიფო ბიუჯეტში შემოსავლის ზრდა 2030 წლიდან. გავლენის ოდენობა დამოკიდებული იქნება წარდგენილი საჩივრების ოდენობაზე. ამასთან, ზემოაღნიშნულ განმარტებით ბარათში მითითებულ გავლენებს სააგენტოს დაფინანსების შესაძლებლობების გაზრდასთან დაკავშირებით („სააგენტო უფლებამოსილი ხდება, საჯარო შესყიდვების სფეროში შემსყიდველი ორგანიზაციებისთვის, ეკონომიკური ოპერატორებისთვის და სხვა დაინტერესებული პირებისთვის ჩაატაროს ტრენინგები და სემინარები, ხოლო ტრენინგებსა და სემინარებში მონაწილეობისათვის დააწესოს საფასური. კანონპროექტით, სააგენტოს დაფინანსების ერთერთ წყაროს აგრეთვე წარმოადგენს საჯარო შესყიდვის სპეციალისტების სერტიფიცირებისთვისა და სერტიფიცირების პროგრამის გავლისთვის დაწესებული საფასური. აღსანიშნავია, რომ კანონპროექტის თანახმად, 2032 წლის 1 იანვრიდან, პირი/პირები, რომელიც/რომლებიც უშუალოდ ჩართული/ჩართულნი არის/არიან საჯარო შესყიდვებთან დაკავშირებულ საქმიანობაში, უნდა ფლობდეს/ფლობდნენ საჯარო შესყიდვის სპეციალისტის სერტიფიკატს. სერტიფიკატს სერტიფიცირების საფუძველზე გასცემს სააგენტო. სერტიფიცირებისთვის წესდება საფასური, რომლის ოდენობა და გადახდის წესი განისაზღვრება სააგენტოს თავმჯდომარის ბრძანებით. ამასთანავე, სერტიფიცირების ხელშეწყობის მიზნით, სააგენტო ატარებს სერტიფიცირებისთვის მოსამზადებელ კურსს, რომელიც არასავალდებულოა. კანონპროექტის თანახმად, მოსამზადებელი პროგრამის გავლისთვის წესდება საფასური, რომლის ოდენობა და გადახდის წესი განისაზღვრება სააგენტოს თავმჯდომარის ბრძანებით. აღნიშნული სახის საფასური მოქმედი კანონმდებლობით არ არის გათვალისწინებული. ამდენად, კანონპროექტმა შესაძლოა გამოიწვიოს სააგენტოს შემოსავლის ზრდა, რისი ოდენობაც დამოკიდებული იქნება შესაბამისად, ტრენინგებისა და სემინარების, აგრეთვე, სერტიფიცირებისთვის მოსამზადებელი კურსის მონაწილეთა და სერტიფიცირების მსურველ პირთა რაოდენობაზე.“) ადგილი ექნება 2030 წლიდან. საგულისხმოა, რომ საქართველოს პარლამენტის მიერ 2025 წლის 12 ნოემბერს მიღებული „სახელმწიფო შესყიდვების შესახებ“ საქართველოს კანონში ცვლილების შეტანის თაობაზე“ საქართველოს კანონით (www.matsne.gov.ge), 17.11.2025, სარეგისტრაციო კოდი: 040090000.05.001.102853), „საჯარო შესყიდვების შესახებ“ საქართველოს კანონში არსებული არაერთი დებულება უკვე იმპლემენტირებულ იქნა სახელმწიფო შესყიდვების მარეგულირებელ კანონმდებლობაში. ამდენად, აღნიშნულ კანონპროექტზე თანდართულ განმარტებით ბარათში (https://info.parliament.ge/file/1/BillReviewContent/403559?) მითითებული გავლენები (გამარჯვებული პრეტენდენტის მიერ ცენტრალური შემსყიდველი ორგანოს ანგარიშზე ცენტრალიზებულ შესყიდვაში მონაწილეობის საფასურის გადახდასთან, ელექტრონული სისტემის მეშვეობით შესყიდვის პირობების გამოქვეყნებისთვის აგრეთვე, განაცხადის/წინადადების წარდგენისთვის დაწესებულ საფასურთან, ასევე ცენტრალური შემსყიდველი ორგანოსთან მიმართებით, საშემოსავლო გადასახადის გადასახადთან დაკავშირებით – რაც ასევე გათვალისწინებული იყო „საჯარო შესყიდვების შესახებ“ საქართველოს კანონში ცვლილების შეტანის თაობაზე საქართველოს კანონის პროექტზე თანდართულ განმარტებით ბარათში https://info.parliament.ge/file/1/BillReviewContent/367862?) აღარ წარმოადგენს საშუალოვადიან პერიოდში სახელმწიფო, ავტონომიური რესპუბლიკის რესპუბლიკური ან/და მუნიციპალიტეტის ბიუჯეტის საშემოსავლო ნაწილზე გავლენის შეფასებისას გასათვალისწინებელ გავლენებს. ბ.გ) კანონპროექტის გავლენა სახელმწიფო, ავტონომიური რესპუბლიკის რესპუბლიკური ან/და მუნიციპალიტეტის ბიუჯეტის ხარჯვით ნაწილზე: წარმოდგენილი კანონპროექტის თანახმად, სახელმწიფო შესყიდვების სააგენტომ, ნაცვლად 2027 წლის 1 იანვრისა, 2030 წლის 1 იანვრამდე, უნდა შექმნას კანონისა და მის საფუძველზე მიღებული (გამოცემული) შესაბამისი კანონქვემდებარე ნორმატიული აქტების მოთხოვნებს მისადაგებული საჯარო შესყიდვების ერთიანი ელექტრონული სისტემა. ამდენად, „საჯარო შესყიდვების შესახებ“ საქართველოს კანონში ცვლილების შეტანის თაობაზე საქართველოს კანონის პროექტზე თანდართულ განმარტებით ბარათში https://info.parliament.ge/file/1/BillReviewContent/367862?) მითითებულ გავლენებს, ზემოაღნიშნული ვალდებულების შესრულების უზრუნველსაყოფად საჯარო შესყიდვების პროცედურების ელექტრონულ სისტემაში ინტეგრირებისათვის და სისტემის მოდერნიზებისათვის აუცილებელი შესაბამისი ფინანსური თუ ადამიანური რესურსის გამოყოფასთან დაკავშირებით, ადგილი ექნება არა 2027, არამედ 2030 წლის 1 იანვრიდან. ამასთან, რამდენადაც წარმოდგენილი კანონპროექტით „საჯარო შესყიდვების შესახებ“ საქართველოს კანონის მოქმედების სფერო ფართოვდება და საბჭოში გასაჩივრებას დაქვემდებარებულ საკითხთა წრე იზრდება 2030 წლის 1 იანვრიდან (ნაცვლად 2027 წლის 1 იანვრისა), ზემოაღნიშნულ განმარტებით ბარათში მითითებულ გავლენებს საბჭოს მიერ განსახილველი საქმეების ოდენობის, ასევე შემსყიდველი ორგანიზაციის შესაბამისი ადამიანური რესურსისა და შესაბამისად, შემსყიდველი ორგანიზაციის ხარჯების გაზრდასთან, საბჭოს აპარატის თანამშრომელთა ადამიანური რესურსის გაძლიერებასთან დაკავშირებით ადგილი ექნება არა 2027, არამედ 2030 წლიდან. გარდა ზემოაღნიშნულისა, საგულისხმოა, რომ წარმოდგენილი კანონპროექტით 2030 წლის 1 იანვრიდან (ნაცვლად 2027 წლის 1 იანვრისა) შემსყიდველი ორგანიზაცია ვალდებული იქნება, დაწესებულების სტრუქტურაში ან საშტატო ნუსხაში განსაზღვროს საჯარო შესყიდვებთან დაკავშირებული საქმიანობის განმახორციელებელი უფლებამოსილი სტრუქტურული ერთეული ან თანამდებობის პირი (თანამშრომელი), რისთვისაც შესაძლებელია საჭირო გახდეს შესაბამისი ფინანსური რესურსის გამოყოფა არა 2027 წლის 1 იანვრიდან, არამედ 2030 წლის 1 იანვრიდან. ამავდროულად, ვინაიდან წარმოდგენილი კანონპროექტით „საჯარო შესყიდვების შესახებ“ საქართველოს კანონით გათვალისწინებული მდგრად შესყიდვასთან დაკავშირებული დებულებების ამოქმედების თარიღად ნაცვლად 2027 წლის 1 იანვრისა, განისაზღვრება 2030 წლის 1 იანვარი და მდგრადი საჯარო შესყიდვისათვის საჭირო ღონისძიებების განხორციელება, საწყის ეტაპზე, სავარაუდოდ, გაზრდის ხარჯებს აღნიშნულ საკითხთან დაკავშირებულ ზემოაღნიშნულ განმარტებით ბარათში მითითებულ გავლენებს ადგილი ექნება არა 2027, არამედ 2030 წლიდან. საგულისხმოა, რომ საქართველოს პარლამენტის მიერ 2025 წლის 12 ნოემბერს მიღებული „სახელმწიფო შესყიდვების შესახებ“ საქართველოს კანონში ცვლილების შეტანის თაობაზე“ საქართველოს კანონით (www.matsne.gov.ge), 17.11.2025, სარეგისტრაციო კოდი: 040090000.05.001.102853), „საჯარო შესყიდვების შესახებ“ საქართველოს კანონში არსებული არაერთი დებულება უკვე იმპლემენტირებულ იქნა სახელმწიფო შესყიდვების მარეგულირებელ კანონმდებლობაში. ამდენად, აღნიშნულ კანონპროექტზე თანდართულ განმარტებით ბარათში (https://info.parliament.ge/file/1/BillReviewContent/403559?) მითითებული გავლენები ავტონომიური რესპუბლიკის რესპუბლიკური ან/და მუნიციპალიტეტის ბიუჯეტის ხარჯვით ნაწილზე, კერძოდ ცენტრალური შემსყიდველი ორგანოს დაფუძნებასთან, (მათ შორის საოფისე ფართისა და აღჭურვილობის შეძენასთან, საკანცელარიო და საკომუნიკაციო ხარჯებთან, საოფისე ფართის სარგებლობასთან დაკავშირებულ პირველი წლის განმავლობაში გასაწევ ხარჯებთან დაკავშირებით), გამონაკლისებთან და ელექტრონული სისტემის მეშვეობით შესყიდვის პირობების გამოქვეყნებისთვის დაწესებულ საფასურთან, აგრეთვე წინადადების წარდგენის საფასურთან დაკავშირებით – რაც ასევე გათვალისწინებული იყო „საჯარო შესყიდვების შესახებ“ საქართველოს კანონში ცვლილების შეტანის თაობაზე საქართველოს კანონის პროექტზე თანდართულ განმარტებით ბარათში https://info.parliament.ge/file/1/BillReviewContent/367862?) აღარ წარმოადგენს სახელმწიფო, ავტონომიური რესპუბლიკის რესპუბლიკური ან/და მუნიციპალიტეტის ბიუჯეტის ხარჯვით ნაწილზე გავლენის შეფასებისას გასათვალისწინებელ გავლენებს. ბ.დ) სახელმწიფოს ახალი ფინანსური ვალდებულებები, კანონპროექტის გავლენით სახელმწიფოს ან მის სისტემაში არსებული უწყების მიერ მისაღები პირდაპირი ფინანსური ვალდებულებების (საშინაო ან საგარეო ვალდებულებები) მითითებით: კანონპროექტის მიღება სახელმწიფოს მხრიდან ახალი ფინანსური ვალდებულების აღებას არ ითვალისწინებს. ბ.ე) კანონპროექტის მოსალოდნელი ფინანსური შედეგები იმ პირთათვის, რომელთა მიმართაც ვრცელდება კანონპროექტის მოქმედება, იმ ფიზიკურ და იურიდიულ პირებზე გავლენის ბუნებისა და მიმართულების მითითებით, რომლებზედაც მოსალოდნელია კანონპროექტით განსაზღვრულ ქმედებებს ჰქონდეს პირდაპირი გავლენა: ვინაიდან, წარმოდგენილი „საჯარო შესყიდვების შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტით „საჯარო შესყიდვების შესახებ“ საქართველოს კანონით გათვალისწინებული ძირითადი დებულებების ამოქმედების თარიღად ნაცვლად 2027 წლის 1 იანვრისა, განისაზღვრება 2030 წლის 1 იანვარი, „საჯარო შესყიდვების შესახებ“ საქართველოს კანონის პროექტს თანდართული განმარტებითი ბარათით (https://info.parliament.ge/file/1/BillReviewContent/301924) გათვალისწინებულ იმ გავლენებს (პირთათვის, რომელთა მიმართაც ვრცელდება კანონპროექტის მოქმედება) რასაც ადგილი უნდა ჰქონოდა 2027 წლიდან, გავლენა ექნება 2030 წლიდან. ამასთან, საგულისხმოა, რომ საქართველოს პარლამენტის მიერ 2025 წლის 12 ნოემბერს მიღებული „სახელმწიფო შესყიდვების შესახებ“ საქართველოს კანონში ცვლილების შეტანის თაობაზე“ საქართველოს კანონით (www.matsne.gov.ge), 17.11.2025, სარეგისტრაციო კოდი: 040090000.05.001.102853), „საჯარო შესყიდვების შესახებ“ საქართველოს კანონში არსებული არაერთი დებულება უკვე იმპლემენტირებულ იქნა სახელმწიფო შესყიდვების მარეგულირებელ კანონმდებლობაში. ამდენად, აღნიშნულ კანონპროექტზე თანდართულ განმარტებით ბარათში (https://info.parliament.ge/file/1/BillReviewContent/403559?) მითითებული მოსალოდნელი ფინანსური შედეგები იმ პირთათვის, რომელთა მიმართაც ვრცელდება კანონპროექტის მოქმედება, კერძოდ ის შედეგები, რაც დაკავშირებულია სატენდერო/საკონკურსო განცხადებისა და სატენდერო/საკონკურსო დოკუმენტაციის გამოქვეყნებისთვის საფასურის ოდენობის გაზრდასთან, ცენტრალური შემსყიდველი ორგანოს ანგარიშზე გადასახდელი თანხის (დასადები შესყიდვის ხელშეკრულების ღირებულების არაუმეტეს 1%-ის ოდენობით) დაწესებასთან, საბანკო გარანტიასთან, და ცენტრალური შემსყიდველი ორგანოს დაფუძნებასთან და ასევე გათვალისწინებული იყო „საჯარო შესყიდვების შესახებ“ საქართველოს კანონში ცვლილების შეტანის თაობაზე საქართველოს კანონის პროექტზე თანდართულ განმარტებით ბარათში https://info.parliament.ge/file/1/BillReviewContent/367862?, აღარ წარმოადგენს შესაბამისი პირებზე მოსალოდნელი ფინანსური შედეგების შეფასებისას გასათვალისწინებელ გარემოებებს. ბ.ვ) კანონპროექტით დადგენილი გადასახადის, მოსაკრებლის ან სხვა სახის გადასახდელის (ფულადი შენატანის) ოდენობა შესაბამის ბიუჯეტში და ოდენობის განსაზღვრის პრინციპი: „საჯარო შესყიდვების შესახებ“ საქართველოს კანონით საჩივრის წარდგენის საფასური განისაზღვრება შემდეგნაირად: საჯარო შესყიდვასთან დაკავშირებული საჩივრის შემთხვევაში საჩივრის წარდგენის საფასური იქნება საჯარო შესყიდვის სავარაუდო ღირებულების, ხოლო წინასწარი გამოქვეყნების გარეშე მოლაპარაკების პროცედურის შემთხვევაში – შესყიდვის ღირებულების 2%, მაგრამ არანაკლებ 100 და არაუმეტეს 500 ლარისა. ამასთან, საჯარო და კერძო თანამშრომლობის პროექტთან დაკავშირებული საჩივრის შემთხვევაში, საჩივრის წარდგენის საფასური იქნება პროექტის სავარაუდო ღირებულების 0,15%, მაგრამ არანაკლებ 22000 და არაუმეტეს 150000 ლარისა.“. ვინაიდან, წარმოდგენილი კანონპროექტით „საჯარო შესყიდვების შესახებ“ საქართველოს კანონით გათვალისწინებული ძირითადი დებულებების ამოქმედების თარიღად ნაცვლად 2027 წლის 1 იანვრისა, განისაზღვრება 2030 წლის 1 იანვარი, ზემოაღნიშნული პრინციპიც, საჩივრის წარდგენის საფასურთან დაკავშირებით, ამოქმედდება არა 2027, არამედ 2030 წლიდან. ამასთან, საგულისხმოა, რომ საქართველოს პარლამენტის მიერ 2025 წლის 12 ნოემბერს მიღებული „სახელმწიფო შესყიდვების შესახებ“ საქართველოს კანონში ცვლილების შეტანის თაობაზე“ საქართველოს კანონით (www.matsne.gov.ge), 17.11.2025, სარეგისტრაციო კოდი: 040090000.05.001.102853), „საჯარო შესყიდვების შესახებ“ საქართველოს კანონში არსებული არაერთი დებულება უკვე იმპლემენტირებულ იქნა სახელმწიფო შესყიდვების მარეგულირებელ კანონმდებლობაში. ამდენად, აღნიშნულ კანონპროექტზე თანდართულ განმარტებით ბარათში (https://info.parliament.ge/file/1/BillReviewContent/403559?) მითითებული სატენდერო/საკონკურსო განცხადებისა და სატენდერო/საკონკურსო დოკუმენტაციის გამოქვეყნებისთვის დაწესებული საფასურის, აგრეთვე ცენტრალური შემსყიდველი ორგანოს ანგარიშზე გადასახდელი თანხის (დასადები შესყიდვის ხელშეკრულების ღირებულების არაუმეტეს 1%-ის ოდენობით) ოდენობა და შესაბამის ბიუჯეტში მის გადახდასთან დაკავშირებული პრინციპი აღარ წარმოადგენს წარმოდგენილი კანონპროექტის ამოქმედების დროისათვის (2030 წლის 1 იანვარი) გასათვალისწინებელ რელევანტურ გარემოებებს. ბ1) ბავშვის უფლებრივ მდგომარეობაზე კანონპროექტის ზეგავლენის შეფასება: კანონპროექტის მიღება არ იქონიებს ზეგავლენას ბავშვის უფლებრივ მდგომარეობაზე. ბ2) ქალისა და მამაკაცის თანასწორობის მდგომარეობაზე კანონპროექტის მოსალოდნელი ზეგავლენის შეფასება: კანონპროექტს არ აქვს მოსალოდნელი ზეგავლენა ქალისა და მამაკაცის თანასწორობის მდგომარეობაზე. გ) კანონპროექტის მიმართება საერთაშორისო სამართლებრივ სტანდარტებთან: გ.ა) კანონპროექტის მიმართება ევროკავშირის სამართალთან: კანონპროექტი არ ეწინააღმდეგება ევროკავშირის სამართალს. გ.ბ) კანონპროექტის მიმართება საერთაშორისო ორგანიზაციებში საქართველოს წევრობასთან დაკავშირებულ ვალდებულებებთან: კანონპროექტი არ ეწინააღმდეგება საერთაშორისო წევრობასთან დაკავშირებულ ვალდებულებებს. ორგანიზაციებში საქართველოს გ.გ) კანონპროექტის მიმართება საქართველოს ორმხრივ და მრავალმხრივ ხელშეკრულებებთან და შეთანხმებებთან, აგრეთვე, ისეთი ხელშეკრულების/შეთანხმების არსებობის შემთხვევაში, რომელსაც უკავშირდება კანონპროექტის მომზადება, − მისი შესაბამისი მუხლი ან/და ნაწილი: კანონპროექტი არ ეწინააღმდეგება საქართველოს ორმხრივ და მრავალმხრივ ხელშეკრულებებს და შეთანხმებებს. აგრეთვე, კანონპროექტი არ უკავშირდება რომელიმე ხელშეკრულებას/შეთანხმებას. გ.დ) არსებობის შემთხვევაში, ევროკავშირის ის სამართლებრივი აქტი, რომელთან დაახლოების ვალდებულებაც გამომდინარეობს „ერთი მხრივ, საქართველოსა და, მეორე მხრივ, ევროკავშირსა და ევროპის ატომური ენერგიის გაერთიანებას და მათ წევრ სახელმწიფოებს შორის ასოცირების შესახებ შეთანხმებიდან“ ან ევროკავშირთან დადებული საქართველოს სხვა ორმხრივი და მრავალმხრივი ხელშეკრულებებიდან: ასეთი არ არსებობს. დ) კანონპროექტის მომზადების პროცესში მიღებული კონსულტაციები: დ.ა) სახელმწიფო, არასახელმწიფო ან/და საერთაშორისო ორგანიზაცია/დაწესებულება, ექსპერტი, სამუშაო ჯგუფი, რომელმაც მონაწილეობა მიიღო კანონპროექტის შემუშავებაში, ასეთის არსებობის შემთხვევაში: ასეთი არ არსებობს. დ.ბ) კანონპროექტის შემუშავებაში მონაწილე ორგანიზაციის/დაწესებულების, სამუშაო ჯგუფის, ექსპერტის შეფასება კანონპროექტის მიმართ, ასეთის არსებობის შემთხვევაში: ასეთი არ არსებობს. დ.გ) სხვა ქვეყნების გამოცდილება კანონპროექტის მსგავსი კანონების იმპლემენტაციის სფეროში, იმ გამოცდილების მიმოხილვა, რომელიც მაგალითად იქნა გამოყენებული კანონპროექტის მომზადებისას, ასეთი მიმოხილვის მომზადების შემთხვევაში: ასეთი მიმოხილვა არ მომზადებულა. ე) კანონპროექტის ავტორი: საჯარო სამართლის იურიდიული პირი − სახელმწიფო შესყიდვების სააგენტო. ვ) კანონპროექტის ინიციატორი: საქართველოს მთავრობა.