"რეგულირებად ეკონომიკურ სფეროებში ტარიფების შესახებ" ქალაქ თბილისის საკრებულოს 2007 წლის 8 მაისის N6-35 გადაწყვეტილებაში ცვლილებების შეტანის თაობაზე

ქალაქ თბილისის საკრებულო ს

გადაწყვეტილება№13-75

2010 წლის 29 ნოემბერი

ქ. თბილისი

„რეგულირებად ეკონომიკურ სფეროებში ტარიფების შესახებ” ქალაქ თბილისის საკრებულოს 2007 წლის 8 მაისის №6-35 გადაწყვეტილებაში ცვლილებების შეტანის თაობაზე

    მუხლი 1

„ნორმატიული აქტების შესახებ” საქართველოს კანონის მე-20 მუხლისა და „მომხმარებელთა ეკონომიკური ინტერესების დაცვის უზრუნველსაყოფად გასატარებელი ზოგიერთი ღონისძიების შესახებ” საქართველოს პრეზიდენტის 2006 წლის 8 თებერვლის №104 ბრძანებულების შესაბამისად, ქ. თბილისის საკრებულომ გადაწყვიტა „რეგულირებად ეკონომიკურ სფეროებში ტარიფების შესახებ” ქალაქ თბილისის საკრებულოს 2007 წლის 8 მაისის №6-35 გადაწყვეტილებაში შეტანილ იქნეს შემდეგი ცვლილებები:

1. პირველი მუხლის მე-4 პუნქტი ჩამოყალიბდეს შემდეგი რედაქციით:

„4. ქ. თბილისში მიწისქვეშა ელექტროტრანსპორტით ( მეტრო) და M₃ კატეგორიის ავტობუსებით ადგილობრივი საქალაქო რეგულარული სამგზავრო გადაყვანისას მგზავრობის მინიმალური ტარიფი განისაზღვროს 0,2 ლარის ოდენობით, ხოლო მაქსიმალური – 0,5 ლარის ოდენობით.”.

2. პირველი მუხლის მე-5 პუნქტი ამოღებულ იქნეს.

3. პირველი მუხლის მე-6 პუნქტი ჩამოყალიბდეს შემდეგი რედაქციით:

„6. ქმედუნარიანობის შეზღუდვის მკვეთრად გამოხატული ხარისხის მქონე უსინათლო პირთათვის და გადაადგილებ ისას მათთან ერთად მყოფ დამხმარე ნებისმიერი პირისათვის, ქ. თბილისში მიწისქვეშა ელექტროტრანსპორტით (მეტრო) და M₃ კატეგორიების ავტობუსებით ადგილობრივი საქალაქო რეგულარული სამგზავრო გადაყვანისას მგზავრობა გახდეს უფასო.”.

4. მე-2 მუხლის მე-2 პუნქტი ჩამოყალიბდეს შემდეგი რედაქციით:

„2. ქ. თბილისის მთავრობამ:

ა) შეიმუშაოს და დაამტკიცოს ქ. თბილისში მიწისქვეშა ელექტროტრანსპორტით (მეტრო) და M₃ კატეგორიის ავტობუსებით ადგილობრივი საქალაქო რეგულარული სამგზავრო გადაყვანისას ფასდაკლების სისტემა იმ მომხმარებელთათვის, რომელთაც სურთ მრავალჯერადი გამოყენების სამგზავრო ბარათებით სარგებლობა;

ბ) უზრუნველყოს ქ. თბილისში მიწისქვეშა ელექტროტრანსპორტით (მეტრო)და M₃ კატეგორიის ავტობუსებით ადგილობრივი საქალაქო რეგულარული სამგზავრო გადაყვანისას მარშრუტებზე მგზავრობის ტარიფების შეთანხმება.”.

5. მე-2 მუხლის მე-3 პუნქტი ამოღებულ იქნეს.

    მუხლი 2

1. ეს გადაწყვეტილება, გარდა ამ გადაწყვეტილების პირველი მუხლის მე-3 პუნქტისა,ამოქმედდეს2010 წლის 6 დეკემბრიდან.

2. ამ გადაწყვეტილების პირველი მუხლის მე-3 პუნქტი ამოქმედდეს2011წლის1 იანვრიდან.

საკრებულოს თავმჯდომარე         ზ. სამადაშვილი