"ქალაქ თბილისის დიდგორის რაიონის გამგეობის დებულების დამტკიცების შესახებ" ქ.თბილისის მერის 2007 წლის 8 იანვრის N3 ბრძანებაში დამატებების შეტანის თაობაზე

ქ. თბილისის მერის

ბრძანება №9

2011 წლის 6 იანვარი

ქ. თბილისი

„ქალაქ თბილისის დიდგორის რაიონის გამგეობის დებულების დამტკიცების შესახებ”              ქ. თბილისის მერის 2007 წლის 8 იანვრის №3 ბრძანებაში დამატებების შეტანის თაობაზე

ნორმატიული აქტების შესახებ” საქართველოს კანონის მე-20 მუხლის შესაბამისად, ვბრძანებ:

1.,,ქ. თბილისის დიდგორის რაიონის გამგეობის დებულების დამტკიცების შესახებ” ქალაქ თბილისის მერის 2007 წლის 8 იანვრის №3 ბრძანებით დამტკიცებულ ქალაქ თბილისის დიდგორის რაიონის გამგეობის დებულებაში განხორციელდეს შემდეგი სახის დამატებები:

ა) მე-4 მუხლს დაემატოს შემდეგი შინაარსის ,,ზ’’ და ,,თ’’ ქვეპუნქტები:

,,ზ) შეიმუშავებს და ახორციელებს რაიონში სამოქალაქო მონაწილეობის პროგრამებს;

თ) ხელს უწყობს რაიონში ბინათმესაკუთრეთა ამხანაგობების განვითარებას.’’.

ბ) მე-11 მუხლის პირველ პუნქტს დაემატოს შემდეგი შინაარსის ,,პ“, ,,ჟ’’, ,,რ’’, ,,ს’’, ,,ტ’’, , ,უ’’, ,,ფ’’, ,,ქ’’, ,,ღ’’, ,,ყ’’, ,,შ’’ და ,,ჩ’’ ქვეპუნქტები:

,,პ) ბინათმესაკუთრეთა ამხანაგობის აღრიცხვა;

ჟ) თანხმობის გაცემა ერთ მიწის ნაკვეთზე განთავსებულ მრავალბინიან სახლში ბინათმესაკუთრეთა ამხანაგობის ყველა წევრის მიერ ერთხმად მიღებული გადაწყვეტილების საფუძველზე ერთი ან რამდენიმე სადარბაზოს ბინათმესაკუთრეთა ამხანაგობის დასაფუძნებლად;

რ) თანხმობის გაცემა მომიჯნავე მიწის ნაკვეთებზე მდებარე რამდენიმე მრავალბინიანი სახლის ყველა ბინის მესაკუთრის მიერ მიღებული გადაწყვეტილების საფუძველზე, ერთი ბინათმესაკუთრეთა ამხანაგობის დასაფუძნებლად;

ს) ბინათმესაკუთრეთა ამხანაგობების განვითარების ხელშეწყობის პროგრამების შემუშავება და განხორციელება;

 ტ) ბინათმესაკუთრეთა ამხანაგობის ინსტიტუტის განვითარების მიზნით, ამხანაგობებისათვის კონსულტაციების გაწევა;

უ) ბინათმესაკუთრეთა ამხანაგობების განცხადების განხილვა და შესაბამისი განკარგულების პროექტების მომზადება;

ფ) ამხანაგობებსა და გამგეობას შორის დასადები ხელშეკრულებების, სამუშაოს დასრულების დამადასტურებელი მიღება-ჩაბარების აქტების მომზადება;

ქ) არსებული ინფორმაციის ანალიზი და სტატისტიკური დამუშავების უზრუნველყოფა;

ღ) ბინათმესაკუთრეთა ამხანაგობების აღრიცხვის პროცესში კონსულტაციების გაწევა;

ყ) ბინათმესაკუთრეთა ამხანაგობების განაცხადების მიღება და მათი პირველადი შემოწმება;

შ) ავანსის სახით, ამხანაგობის წილის შესაბამისი თანხის გადახდის დამადასტურებელი საბანკო ქვითრის, მომსახურე ორგანიზაციასა და ამხანაგობას შორის დადებული ხელშეკრულებებისა და სამუშაოს დასრულების დამადასტურებელი მიღება-ჩაბარების აქტების მიღება და პირველადი შემოწმება.“;

გ) დებულებას დაემატოს შემდეგი შინაარსის 14¹ მუხლი:

,,14¹. გამგეობის სტრუქტურა

გამგეობის სტრუქტურული ერთეულებია:

ა) გამგეობის აპარატი;

ბ) სამხედრო სამსახური (განყოფილება);

გ) საფინანსო-ეკონომიკური სამსახური (განყოფილება);

დ) სოციალურ საკითხთა სამსახური (განყოფილება);

ე) ინფრასტრუქტურისა და ბინათმესაკუთრეთა ამხანაგობის განვითარების სამსახური (განყოფილება).’’.

2. ბრძანება ძალაში შედის გამოქვეყნებისთანავე.

გ. უგულავა