ერთობლივი კომუნიკე დიპლომატიური ურთიერთობების დამყარების შესახებ საქართველოსა და უგანდის რესპუბლიკას შორის

ერთობლივი კომუნიკე

დიპლომატიური ურთიერთობების დამყარების შესახებ

საქართველოსა

და

 უგანდის რესპუბლიკას შორის

 

საქართველო და უგანდის რესპუბლიკა,

 

სურვილი აქვთ რა, განავითარონ ურთიერთგაგება, გააძლიერონ მეგობრული ურთიერთობები და თანამშრომლობა ორ ქვეყანას შორის;

ხელმძღვანელობენ რა გაერთიანებული ერების ორგანიზაციის წესდებაში გაცხადებული პრინციპებითა და მიზნებით და საერთაშორისო სამართლის პრინციპებით, განსაკუთრებით კი საერთაშორისო მშვიდობისა და უსაფრთხოების დაცვა და ხელშეწყობა, სახელმწიფოთა შორის თანასწორობა, ეროვნული სუვერენიტეტისა და ტერიტორიული მთლიანობის პატივისცემა და სახელმწიფოს შიდა საქმეებში ჩაურევლობა;

იღებენ გადაწყვეტილებას წინამდებარე ერთობლივი კომუნიკეს ხელმოწერის დღიდან დიპლომატიური ურთიერთობების დამყარების თაობაზე 1961 წლის 18 აპრილის დიპლომატიური ურთიერთობების შესახებ ვენის კონვენციისა და 1963 წლის 24 აპრილის საკონსულო ურთიერთობების შესახებ ვენის კონვენციის დებულებებისა და გაეროს წესდებაში გაცხადებული პრინციპების შესაბამისად;

რის დასტურად, ქვემორე ხელმომწერმა პირებმა, თავიანთი მთავრობების მიერ ჯეროვნად უფლებამოსილებმა, ხელი მოაწერეს წინამდებარე ერთობლივი კომუნიკეს ორ დედანს ქართულ და ინგლისურ ენებზე.

 

შესრულებულია ქ. ნიუ-იორკში,2010 წლის 9 დეკემბერს.

 

საქართველოს სახელით _______________________________   მისი უდიდებულესობა ბატონი ალექსანდრე ლომაია ელჩი და მუდმივი წარმომადგენელი გაერთიანებულ ერებთან

უგანდის რესპუბლიკის სახელით _______________________________   მისი უდიდებულესობა დოქტორი რუჰაკანა რუგუნდა ელჩი და მუდმივი წარმომადგენელი გაერთიანებულ ერებთან