მუხლი 6. საინფორმაციო ტექნოლოგების ცენტრის სტრუქტურული ქვედანაყოფები

1. სისტემური  ანალიტიკისა  და   პროგრამული  მხარდაჭერის  სამმართველოს  ძირითადი ფუნქციებია:

ა) ცენტრის   მიერ  განსახორციელებელი   პროექტების   და   ტექნიკური   ამოცანების   შესრულებაში მონაწილეობა, ანალიტიკის განხორციელების მიზნით;

ბ) შემოსავლების სამსახურის შესაბამის ჩართულ/დაინტერესებულ დეპარტამენტებთან ერთად პროცესების შესწავლა და ანალიზი;

გ) ახალი პროდუქტების და სერვისების პროექტირება;

დ) ანალიზის შედეგად ამოცანის შესაბამისი ტექნიკური დავალების მომზადება და მისი შესრულების პროცესის ადმინისტრირება;

ე)  კომპეტენციის ფარგლებში, საინფორმაციო-საკომუნიკაციო სისტემების განვითარების, მართვის და მომსახურების სტანდარტების შემუშავებაში მონაწილეობის მიღება;

ვ) პროგრამული ინციდენტების შესახებ ინფორმაციის აღრიცხვა, ანალიზი და სათანადო რეაგირების /დაინტერესებული მხარეების მხარდაჭერის უზრუნველყოფა;

ზ) პროგრამის მომხმარებლებისთვის დეტალური მანუალების (მომხმარებლის სახელმძღვანელოების) მომზადება, პროგრამის ფუნქციონალთან დაკავშირებული კონსულტაციების გაწევა და საჭიროების შემთხვევაში ახალ პროგრამულ პროდუქტებზე მომხმარებლებისთვის ტრენინგების ჩატარება.

11. პროექტების მართვისა და განვითარების სამმართველოს ძირითადი ფუნქციებია:

ა) ცენტრის სტრატეგიებისა და სამოქმედო გეგმების შემუშავება, სამოქმედო გეგმებში ცვლილებების შეტანის უზრუნველყოფა და შესრულების კონტროლი;

ბ) კომპეტენციის ფარგლებში, საინფორმაციო-საკომუნიკაციო სისტემების განვითარების, მართვის და მომსახურების სტანდარტების შემუშავებასა და დანერგვაში მონაწილეობის მიღება;

გ)  შემოსავლების    სამსახურის    შესაბამის    ჩართულ/დაინტერესებულ    დეპარტამენტებთან,    სხვა დაინტერესებულ მხარეებთან/დონორებთან ერთად პროექტების დაგეგმვასა და მართვაში მონაწილეობა;

დ) პროექტების მართვისთვის საჭირო პროგრამულ უზრუნველყოფაში პროექტების აღრიცხვა, მართვა, საჭიროებისამებრ ცვლილების ინიცირება და მონიტორინგი;

ე) პროექტების ინიცირება, დაგეგმვა და მართვა (კოორდინაცია), პროექტების განხორციელებისათვის საჭირო რესურსების (ადამიანური, ტექნიკური) დაგეგმვა, განაწილება და უზრუნველყოფა, პროექტების მართვასთან დაკავშირებული სხვა ადმინისტრაციული ღონისძიებების განხორციელება;

ვ) ცენტრის პროექტების შემუშავება, მართვა, არსებულ და ახალ პროექტებზე წინადადებების შემუშავება და მათი განვითარებისათვის საჭირო ცვლილებების დაგეგმვა და ინიცირება;

ზ) ცენტრის მიერ გაწეული სამუშაოს შესახებ ანგარიშების მომზადება;

თ) ცენტრის საქმიანობასთან დაკავშირებული ბიზნესპროცესების მოდელირების, ოპტიმიზაციის, დოკუმენტირების, სტანდარტიზაციისა და სისტემატური განახლების უზრუნველყოფა;

ი) პროექტების მართვისთვის საჭირო პროგრამული უზრუნველყოფის ადმინისტრირება და შესაბამისი წესების შემუშავებისა და დანერგვის უზრუნველყოფა;

კ) თანამშრომელთა გადამზადების და განვითარებისთვის შესაბამისი წინადადებების შეგროვება და ინიცირება;

ლ) კომპეტენციის ფარგლებში, საერთაშორისო საუკეთესო პრაქტიკისა და სტანდარტების გაცნობა და მათ დასანერგად წინადადებების შემუშავება.

2. (ამოღებულია - 27.05.2014, №27265);

3. პროგრამული უზრუნველყოფის სამმართველოს ძირითადი ფუნქციებია:

ა) მონაცემთა ბაზის არქიტექტურის და დიზაინის შემუშავება;

ბ) პროგრამული უზრუნველყოფის ვერსიების და ცვლილებების აღრიცხვა;

გ) ტექნიკური დოკუმენტის შესაბამისად ახალი მოდულების შექმნა ან არსებულ სისტემებში ცვლილებების შეტანა;

დ) პროგრამულ ინციდენტებზე რეაგირება და გაუმართაობის აღმოფხვრა;

ე) შემოსავლების სამსახურის სტრუქტურული ერთეულებიდან მიღებული დავალების საფუძველზე შემოსავლების სამსახურისთვის სპეციალიზებული საინფორმაციო სისტემების შექმნა;

ვ) პროგრამული კოდის შექმნის სტანდარტის შემუშავება;

ზ) საჭიროების შემთხვევაში შესაბამისი სწავლების ინიცირება;

თ) ტექნოლოგიური სიახლეების გაცნობა და საჭიროების შემთხვევაში მათი დანერგვა.

4. ტექნიკური მხარდაჭერის და მომსახურების სამმართველოს ძირითადი ფუნქციებია:

ა)  საგადასახადო და საბაჟო ორგანოების მოქმედი ოპერაციული სისტემებითა და კომპიუტერული პროგრამებით უზრუნველყოფა;

ბ) მომხმარებლებისათვის სათანადო კონსულტაციების გაწევა, არსებული პროგრამული და ოპერაციული სისტემების შესახებ;

გ) პროგრამული და ოპერაციული სისტემების საოპერაციო გარემოში გასაშვებად მომზადება და გაშვების უზრუნველყოფა;

დ) შემოსავლების სამსახურში საინფორმაციო სისტემების ტექნიკური მხარდაჭერის კოორდინაცია;

ე) ახალი და არსებული ავტომატიზებული სამუშაო ადგილების ტექნიკურად გამართული მუშაობის უზრუნველყოფა;

ვ) სისტემაში რეგისტრირებულ მოთხოვნებზე და ინციდენტებზე ოპერატიული რეაგირება მათი აღმოფხვრის მიზნით, წამოჭრილი პრობლემების იდენტიფიცირება და მათი აღმოფხვრისათვის საჭირო ღონისძიებების ჩატარება;

ზ) რეგისტრირებული ინციდენტების ინფორმაციაზე დაყრდნობით, წამოჭრილი პრობლემის იდენტიფიცირება და აღრიცხვა. მათი აღმოფხვრისათვის საჭირო ღონისძიებების ჩატარება. საჭიროების შემთხვევაში, პრობლემების გადაჭრაზე მოთხოვნის გადაცემა სხვა პასუხისმგებელი სტრუქტურული ერთეულისთვის;

თ)
ფინანსური დეპარტამენტის მიერ წარმოდგენილი დოკუმენტების მიხედვით, მოთხოვნილი და მოწოდებული კომპიუტერული და სხვა დამხმარე ტექნიკის და სათადარიგო ნაწილების ტექნიკური მახასიათებლების შედარება და შედეგების დადასტურება;

ი) კომპიუტერული და სხვა დამხმარე ტექნიკის დაზიანებული ნაწილების დიაგნოსტიკა და ფინანსური დეპარტამენტის მიერ წარმოდგენილი დეფექტური აქტის დადასტურება;

კ) მონაცემთა ავტომატიზებულ სისტემა „eCustoms“-ში თანამშრომელთა დაშვების და გაუქმების ტექნიკური უზრუნველყოფა (საბაჟო დეპარტამენტის თანამშრომლების გარდა);

ლ
) შემოსავლების სამსახურში არსებულ დომეინ სისტემაში მომხმარებლების შექმნა, მათთვის შესაბამისი უფლებების მინიჭება და მართვა;

მ) შემოსავლების სამსახურის სისტემაში არსებულ FTP ფაილსევრეზე მომხმარებლების წვდომის უზრუნველყოფა შესაბამისი უფლებების დაცვით;

ნ) არსებული კომპიუტერული ქსელის მომსახურება და ლოკალურ დონეზე პრობლემების აღმოფხვრა.

ო) შემოსავლების სამსახურის სისტემაში კომპიუტერული ვირუსების აღმოჩენის შემთხვევაში სსიპ – შემოსავლების სამსახურის „ინფორმაციული უსაფრთხოების ინციდენტების მართვის პროცედურის“ შესაბამისად მოქმედება და სამსახურებრივი მონიტორინგის დეპარტამენტის ინფორმაციული უსაფრთხოების მენეჯერის/ოფიცრის ინფორმირება;

პ) საინფორმაციო-საკომუნიკაციო ინფრასტრუქტურის მუშაობის უწყვეტობის უზრუნველყოფის გეგმის შემუშავებაში მონაწილეობის მიღება;

ჟ) საინფორმაციო-საკომუნიკაციო ინფრასტრუქტურის უწყვეტი მონიტორინგი და ინციდენტების წინასწარ გამორიცხვის მიზნით შესაბამისი პრევენციული ღონისძიებების უზრუნველყოფა;

რ) შემოსავლების სამსახურისთვის შესასყიდი კომპიუტერული, ქსელური და სხვა დამხმარე მოწყობილობების ტექნიკური მახასიათებლების ფინანსური დეპარტამენტისთვის მიწოდება.

41.
(ამოღებულია - 12.06.2014, №29912).

5. ვებრესურსების მართვის სამმართველოს ძირითადი ფუნქციებია:

ა) ვებ და ანდროიდ აპლიკაციების არქიტექტურის შემუშავება და დიზაინის განსაზღვრა;

ბ) ტექნიკური დოკუმენტის შესაბამისად ერთიანი საჯარო და შიდა კორპორატიული პორტალის მომსახურება;

გ) კომპეტენციის ფარგლებში, მონაცემთა ბაზების არქიტექტურის და დიზაინის შემუშავება;

დ) კომპეტენციის ფარგლებში, პროგრამული კოდის შექმნის სტანდარტის შემუშავება;

ე) კომპეტენციის ფარგლებში, ტექნოლოგიური სიახლეების გაცნობა და საჭიროების შემთხვევაში მათი დანერგვა;

ვ)    კომპეტენციის    ფარგლებში,    პროგრამულ    ინციდენტებზე    რეაგირება    და    გაუმართაობის აღმოფხვრა.

6. ვებ სერვისების მართვის სამმართველოს ძირითადი ფუნქციებია:

ა) კომპეტენციის ფარგლებში, მონაცემთა ბაზების არქიტექტურის და დიზაინის შემუშავება;

ბ) კომპეტენციის ფარგლებში, ტექნოლოგიური სიახლეების გაცნობა და საჭიროების შემთხვევაში მათი დანერგვა;

გ)    კომპეტენციის    ფარგლებში,    პროგრამულ    ინციდენტებზე    რეაგირება    და    გაუმართაობის აღმოფხვრა;

დ) ტექნიკური დოკუმენტის შესაბამისად ვებსერვისების, API-ის შემუშავება;

ე) ვებსერვისების და API-ის არქიტექტურის განსაზღვრა;

ვ) პროგრამული კოდის შექმნის სტანდარტის შემუშავება (.NET ტექნოლოგიაში);

ზ) სხვა ორგანიზაციების ვებ სერვისების ინტეგრირება შემოსავლების სამსახურის სისტემაში.

7. საინფორმაციო სისტემების ხარისხის კონტროლის სამმართველოს ძირითადი ფუნქციებია:

ა)  ცენტრის    მიერ    შექმნილი    საინფორმაციო    სისტემების    ხარისხის    კონტროლი,    ტესტირების სცენარების შექმნა და დოკუმენტირება;

ბ) ცენტრის    მიერ    შექმნილი    საინფორმაციო    სისტემების    სასიცოცხლო    ციკლის    პროცესის მხარდაჭერა, ხარისხის კონტროლის მონიტორინგი;

გ) ხარისხიანი საინფორმაციო სისტემების მისაღებად ტესტირების გეგმის შემუშავება და შეთანხმება ცენტრის სხვა სტრუქტურულ ქვედანაყოფებთან;

დ) ხარისხის კონტროლის დამატებითი მექანიზმების შემუშავება (სპეციალიზებული პროგრამული უზრუნველყოფის დანერგვა, შესაბამისი სწავლების და ტრენინგის ინიცირება);

ე)   საინფორმაციო   სისტემის   პროგრამული   უზრუნველყოფის   ტესტირება   სატესტო   გარემოში, ხარვეზების ანგარიშის მომზადება.

შემოსავლების სამსახურის უფროსის 2013 წლის 11 ივნისის ბრძანება №25868 - ვებგვერდი, 14.06.2013წ.

შემოსავლების სამსახურის უფროსის 2014 წლის 27 მაისის ბრძანება №27265 - ვებგვერდი, 29.05.2014წ.

შემოსავლების სამსახურის უფროსის 2014 წლის 12 ივნისის ბრძანება №29912 - ვებგვერდი, 18.06.2014წ.

შემოსავლების სამსახურის უფროსის 2016 წლის 16 მარტის ბრძანება №6701 - ვებგვერდი, 16.03.2016წ.

შემოსავლების სამსახურის უფროსის 2016 წლის 28 აპრილის ბრძანება №12070 - ვებგვერდი, 06.05.2016წ.

შემოსავლების სამსახურის უფროსის 2016 წლის 15 ნოემბრის ბრძანება №31599 - ვებგვერდი, 17.11.2016წ.

შემოსავლების სამსახურის უფროსის 2019 წლის 30 აგვისტოს ბრძანება №30470 - ვებგვერდი,  10.09.2019წ.

შემოსავლების სამსახურის უფროსის 2020 წლის 17 აგვისტოს ბრძანება №24293 - ვებგვერდი,  21.08.2020წ.

შემოსავლების სამსახურის უფროსის 2024 წლის 25 იანვრის ბრძანება №1086 - ვებგვერდი,  26.01.2024წ.

შემოსავლების სამსახურის უფროსის 2024 წლის 28 ნოემბრის ბრძანება №25075 - ვებგვერდი,  04.12.2024წ.

დანართი №5

შემოსავლების სამსახურის უფროსის 2016 წლის 16 მარტის ბრძანება №6701 - ვებგვერდი, 16.03.2016წ.

საჯარო სამართლის იურიდიული პირის – შემოსავლების სამსახურის ფინანსური დეპარტამენტის დებულე