„საჯარო სამართლის იურიდიული პირის – სამოქალაქო ავიაციის სააგენტოს დებულების დამტკიცების შესახებ“ საქართველოს ეკონომიკისა და მდგრადი განვითარების მინისტრის 2011 წლის 14 აპრილის №1-1/583 ბრძანებაში ცვლილების შეტანის თაობაზე

საქართველოს ეკონომიკისა და მდგრადი განვითარების მინისტრის

ბრძანება №1-1/2713

2011 წლის 26 დეკემბერი

ქ. თბილისი

„საჯარო სამართლის იურიდიული პირის – სამოქალაქო ავიაციის სააგენტოს დებულების დამტკიცების შესახებ“ საქართველოს ეკონომიკისა და მდგრადი განვითარების მინისტრის 2011 წლის 14 აპრილის №1-1/583 ბრძანებაში ცვლილების შეტანის თაობაზე

„ნორმატიული აქტების შესახებ” საქართველოს კანონის მე-20 მუხლის მე-4 პუნქტის შესაბამისად, ვბრძანებ:

მუხლი 1. „საჯარო სამართლის იურიდიული პირის – სამოქალაქო ავიაციის სააგენტოს დებულების დამტკიცების შესახებ“ საქართველოს ეკონომიკისა და მდგრადი განვითარების მინისტრის 2011 წლის 14 აპრილის №1-1/583 ბრძანებ ით (სსმ, ვებპორტალი, 110414010, 14/04/2011) დამტკიცებულ დებულებაში შეტანილ იქნეს შემდეგი ცვლილებები:

 1. მე-4 მუხლს დაემატოს „კ“  პუნქტი შემდეგი რედაქციით:

„კ) ხარისხის მართვის დეპარტამენტი.“

2.  მე-5 მუხლს დაემატოს „კ“ პუნქტი შემდეგი რედაქციით: 

„კ) ხარისხის მართვის დეპარტამენტი – სააგენტოს მიერ დასახული ხარისხის მართვის  და ხარისხის მაჩვენებლების განხორციელება და კონტროლი;  სააგენტოში მიმდინარე ძირითადი პროცესების ასახვა შესაბამის სახელმძღვანელო დოკუმენტში;  ხარისხის მართვის სფეროში არსებული საერთაშორისო სტანდარტების შესაბამისად ხარისხის მართვის სისტემის ჩამოყალიბება, მისი დანერგვის გეგმის შემუშავება და ამოქმედება;  ხარისხის მართვის დეპარტამენტის სამოქმედო სახელმძღვანელოს შემუშავება და მისი განხორციელების უზრუნველყოფა სააგენტოს სპეციფიკის გათვალისწინებით;  მომსახურების ხარისხის დონის შეფასებისა  და კონტროლის ეფექტური მეთოდების შემუშავება; სააგენტოში მიმდინარე პროცესების ეფექტურობის შესახებ ინფორმაციის შეკრება-ანალიზი;  სააგენტოს მომსახურების ხარისხის, ძირითადი და დამატებითი პროცესების ეფექტურობის შესაფასებელი ღონისძიებების (შემოწმება, მონიტორინგი, ინსპექტირება, შიდა აუდიტი) რეგულარული გატარება; მონიტორინგის შედეგებიდან გამომდინარე, პრევენციული და გამოსასწორებელი ღონისძიებების შემუშავება და განხორციელება; მონიტორინგის შედეგების გაანალიზების საფუძველზე, ხარისხის სისტემის გაუმჯობესების ღონისძიებების დასახვა ხელმძღვანელობასთან შეთანხმება და გატარება; სააგენტოს ხელმძღვანელობისათვის მონიტორინგისა და კონტროლის შედეგების გაცნობა; ხარისხის სისტემის ეფექტურობის ყოველწლიური შეფასება და  ანალიზი, მისი შემდგომი გაუმჯობესების მიზნით; ამ დებულებითა და კანონმდებლობით განსაზღვრული სხვა უფლება-მოვალეობების განხორციელება.“.

 მუხლი  2.  ბრძანება   ამოქმედ დეს  გამოქვეყნებისთანავე.

მინისტრის მოვალეობის შემსრულებელი                                        დ. გიორგაძე