საქართველოს სისხლის სამართლის კოდექსში დამატებისა და ცვლილებების შეტანის შესახებ

საქართველოს კანონი

საქართველოს სისხლის სამართლის კოდექსში დამატებისა და ცვლილებების შეტანის შესახებ

საქართველოს პარლამენტი ადგენს:

    მუხლი 1

 საქართველოს სისხლის სამართლის კოდექსში (საქართველოს საკანონმდებლო მაცნე, №41(48), 1999 წ., მუხ. 209) შეტანილ იქნეს შემდეგი დამატება და ცვლილებები:

1. 42-ე მუხლის მე-7 პუნქტში სიტყვების „თუ მსჯავრდებული ჯიუტად თავს აარიდებს ჯარიმას“ შემდეგ დაემატოს სიტყვები „ან თუ გადახდევინება შეუძლებელია“.

2. 65-ე მუხლში სიტყვები „პრობაციის სამსახურის“ შეიცვალოს სიტყვებით „სააღსრულებო ბიუროს“.

3. 66-ე მუხლის პირველ პუნქტსა და 72-ე მუხლის მე-5 პუნქტში სიტყვები „პრობაციის სამსახური“ შეიცვალოს სიტყვებით „სააღსრულებო ბიურო“, ხოლო 66-ე მუხლის პირველ პუნქტში სიტყვა „სამსახური“ – სიტყვით „ორგანო“.

4. 75-ე მუხლის მე-2 პუნქტში სიტყვები „პრობაციის სამსახურმა“ შეიცვალოს სიტყვებით „სააღსრულებო ბიურომ“, ხოლო სიტყვა „სამსახურის“ – სიტყვით „ორგანოს“.

5. 414-ე მუხლიდან ამოღებულ იქნეს მე-2 და მე-4 პუნქტები.

6. 415-ე მუხლის მე-2 პუნქტი ჩამოყალიბდეს შემდეგი რედაქციით:

„2. 44-ე მუხლი ამოქმედდეს „არასაპატიმრო სასჯელების აღსრულების წესისა და პრობაციის შესახებ“ საქართველოს კანონის ძალაში შესვლის დღიდან.“.

    მუხლი 2

 ეს კანონი ამოქმედდეს გამოქვეყნებიდან მე-15 დღეს.

საქართველოს პრეზიდენტი        ედუარდ შევარდნაძე.

თბილისი,

2001 წლის 20 ივნისი.

N945_IIს