მუხლი 13. 1. ქონებით სარგებლობის უფლებით გადაცემის ინიციატორები შეიძლება იყვნენ:

ა) მესტიის მუნიციპალიტეტის გამგეობა;
ბ) საქართველოს სამინისტროები და უწყებები საქართველოს ზოგადი ადმინისტრაციული კოდექსით განსაზღვრული სხვა ადმინისტრაციული ორგანოები, საწარმოები, ორგანიზაციები, საქართველოსა და უცხო ქვეყნის ქვეყნების ფიზიკური და იურიდიული პირები, საერთაშორისო ორგანიზაციები.
2. ქონების სარგებლობის უფლებით გაცემა შეიძლება:
ა) ვადით და სასყიდლით (სასყიდლიანი აღნაგობა, სასყიდლიანი უზურფრუქტი, ქირავნობა, იჯარა, საქართველოს სამოქალაქო კოდექსით განსაზღვრული სხვა ფორმები);
ბ) უსასყიდლოდ (აღნაგობა, უზურფრუქტი, თხოვება).
3. ქონებით სარგებლობის უფლებით გადაცემა ხორციელდება საქართველოს კონსტიტუციის, საქართველოს სამოქალაქო კოდექსის „სახელმწიფო ქონების შესახებ’’ საქართველოს კანონისა და ამ წესის შესაბამისად.
4. ქონების სარგებლობის უფლებით გადაცემა ხორციელდება საქართველოს სამოქალაქო კოდექსით განსაზღვრული შემდეგი ფორმებით: აღნაგობა, უზუფრუქტი, ქირავნობა, იჯარა, თხოვება, საქართველოს სამოქალაქო კოდექსით გათვალისწინებული სხვა კოდექსით, ქონების გადაცემის შე
სახებ გადაწყვეტილებას იღებს მესტიის მუნიციპალიტეტის საკრებულო.
5. ქონების სარგებლობის ფორმით გადაცემის ინიციატორი განაცხადს წარუდგენს მესტიის მუნიციპალიტეტის საკრებულოს, რომელიც, თავის მხრივ,აღნიშნული საკითხის განხილვის შემდგომ წინადადებებს წარუდგენს მესტიის მუნიციპალიტეტის საკრებულოს თავმჯდომარეს საკრებულოს სხდომაზე დასამტკიცებლად.
6. ქონების სარგებლობის ფორმით გადაცემის ვადას განსაზღვრავს მესტიის მუნიციპალიტეტის საკრებულო,მოქმედი კანონმდებლობის შესაბამისად