1. ექსპლუატანტს უნდა ჰქონდეს საფრენოსნო ეკიპაჟების სახმელეთო და საფრენოსნო მომზადების პროგრამა, დამტკიცებული სააგენტოს მიერ, რომლის შესრულებაც იძლევა იმის გარანტიას, რომ ეკიპაჟის ყველა წევრი მასზედ დაკისრებულ მოვალეობას ასრულებს სათანადო დონეზე.
2. მომზადების პროგრამა არის ფშს-ს ნაწილი და შეიცავს:
ა) პირველადი მომზადებას;
ბ) განმეორებითი მომზადებას;
გ) გადამზადებას (სხ-ის ტიპიდან ტიპზე ან სხვა კომპანიაში გადასვლისას);
დ) კვალიფიკაციის ამაღლებასთან დაკავშირებით მომზადებას;
ე) ფრენებიდან შესვენების შემდეგ მომზადებას;
ვ) გაცნობით მომზადებას;
ზ) სხ-ის მეთაურის მომზადება მარჯვენა სავარძლიდან ფრენისთვის;
თ) განსხვავებების შესწავლას;
ი) მომზადებას ფრენის უსაფრთხოების საკითხებში;
კ) მომზადებას უშიშროების საკითხებში;
ლ) CRM-ის მომზადებას;
მ) საავარიო-სამაშველო მომზადებას;
ნ) სახიფათო ტვირთების გადაზიდვის მომზადებას.
3. პროგრამა უნდა შეიცავდეს:
ა) მასწავლებლების, ინსტრუქტორების, სახმელეთო და საფრენოსნო ტრენინგის საშუალებებს (საწაფების ყველა სახეობა და კომპიუტერზე ბაზირებული ტრენინგის ჩათვლით - CBT) და სასწავლო მასალას, სააგენტოს მიერ დადგენილი მოთხოვნების შესაბამისად.
ბ) საფრენოსნო შემადგენლობის მიწისზედა და საფრენოსნო მომზადების საკითხებს კონკრეტული სხ-ის ტიპ(ებ)ის შესაბამისად.
გ) ეკიპაჟის წევრებს შორის ურთირეთქმედების საკითხებს, ავარიულ და არასტანდარტულ სიტუაციებში, რომლებიც შეიძლება გამოწვეული იყოს: ძრავის, სხ-ის და მისი სისტემების მტყუნების, ხანძრის ან სხვა უარყოფითი ფაქტორების გამო.
დ) საკითხებს, რომელის მიზანია: ვფწ-ით და სფწ-ით, ფრენების წარმოების სავარაუდო არეალში გამოცდილებისა და ცოდნის გაღრმავება; ადამიანის შესაძლებლობის მახასიათებლების, კონტროლის ფაქტორისა და შეცდომების დაშვების გამორიცხვის გათვალისწინება; სახიფათო ტვირთების გადატანა.
ე) სწავლების პროცედურებს, რათა საფრენოსნო ეკიპაჟის ყველა წევრმა იცოდეს თავიანთი პასუხისმგებლობის ფუნქციები და ამ ფუნქციების კავშირი სხვა ეკიპაჟის წევრების ფუნქციების მიმართ არასტანდარტულ და ავარიულ სიტუაციებშიც.
ვ) სწავლების, ტრენინგების პერიოდულობას სააგენტოს მიერ დადგენილ ვადებში და მომზადების შეფასებას.
შენიშვნა: 1. საფრენოსნო მომზადება შეიძლება ჩატარდეს იმ საწაფებზე, რომლებზეც შესაძლებელია ფრენის იმიტირება და რომლებიც დამტკიცებულია/აღიარებულია ამ მიზნებისთვის სააგენტოს მიერ.
2. განმეორებითი მომზადების (ტრენინგის) მოცულობა, შეიძლება იყოს შეცვლილი ან არ იყოს ისეთივე სრული, როგორც პირველადი მომზადების პროგრამა კონკრეტულ ტიპზე.
3. პერიოდული მიწისზედა მომზადება, შეიძლება ჩატარდეს, კურსების და წერილობითი გამოცდების სახით ან სააგენტოსთან შეთანხმებული სხვა მეთოდით.
4. სახიფათო ტვირთების გადატანასთან დაკვშირებული სწავლებების საკითხები მოცემულია იკაოს მე-18 დანართში და იკაოს DOC-9284-ში.
5. ადამიანის შესაძლებლობებთან, ადამიანურ ფაქტორთან დაკავშირებული სწავლებების საკითხები მოცემულია „ადამიანური ფაქტორის შესწავლის სახელმძღვანელო“-ში (იკაოს DOC-9683)
6. ინფორმაცია, რომელიც ეხება ფრენის სქემების პარამეტრებს და საექსპლუტაციო პროცედურებს, მოცემულია PANS-OPS-ის (იკაოს DOC-8168) I ტომში. ვფწ და სფწ სქემების შედგენისათვის საჭირო კრიტერიები მოცემულია PANS-OPS-ის (იკაოს DOC-8168) II ტომში. დაბრკოლებების გადაფრენის კრიტერიები და სქემები შეიძლება განსხვავდებოდეს სხვადასხვა სახელმწიფოებს შორის და ასეთი განსხვავებების ცოდნა ფრენის უსაფრთხოების თვალსაზრისით მნიშვნელოვანია.
7. საფრენოსნო ეკიპაჟების მოსამზადებელი პროგრამების სახელმძღვანელო მასალა მოცემულია იკაოს DOC-9376-ში.
8. საკვალიფიკაციო შეფასების სახელმძღვანელო ინსტრუქცია მოცემულია იკაოს DOC-9868-ის მე-2 თავში.
4. კონკრეტული სხ-ის ტიპზე განმეორებითი საფრენონო მომზადება ჩატარებულად ითვლება, თუ:
ა) მომზადების პროცესში გამოყენებული იყო საწაფი, რომელიც დამტკიცებულია/აღიარებულია სააგენტოს მიერ; ან
ბ) კონკრეტულ სხ-ის ტიპზე, გარკვეული პერიოდის შუალედებში ტარდებოდა მზადყოფნის შემოწმებები ამ წესის 87-ე მუხლის თანახმად.
5. აკრძალულია, არასტანდარტული ან ავარიული სიტუაციის იმიტაცია, როდესაც სხ-ის ბორტზე არის მგზავრები ან ტვირთ