„ნიქოზი-ავნევის საავტომობილო გზის მოწყობისა და ტირძნისი-დიცი-ერედვი-ხეითის საავტომობილო გზის, ერედვი-ხეითის (ცხინვალის შემოვლითი გზა) მონაკვეთის საავტომობილო გზის საფარის კონსტრუქციის გაძლიერების შესახებ“ საქართველოს მთავრობის 2007 წლის 27 მარტის №150 განკარგულებაში დამატებების შეტანის თაობაზე

საქართველოს მთავრობის

განკარგულება №564

2007 წლის 10 ოქტომბერი

ქ. თბილისი

„ნიქოზი-ავნევის საავტომობილო გზის მოწყობისა და ტირძნისი-დიცი-ერედვი-ხეითის საავტომობილო გზის, ერედვი-ხეითის (ცხინვალის შემოვლითი გზა) მონაკვეთის საავტომობილო გზის საფარის კონსტრუქციის გაძლიერების შესახებ“საქართველოს მთავრობის 2007 წლის 27 მარტის № 150 განკარგულებაში დამატებების შეტანის თაობაზე

1. „ნიქოზი-ავნევის საავტომობილო გზის მოწყობისა და ტირძნისი-დიცი-ერედვი-ხეითის საავტომობილო გზის, ერედვი-ხეითის (ცხინვალის შემოვლითი გზა) მონაკვეთის საავტომობილო გზის საფარის კონსტრუქციის გაძლიერების შესა­ხებ“საქართველოს მთავრობის 2007 წლის 27 მარტის № 150 განკარგულებაში შეტანილ იქნეს ცვლილებები და დაემატოს მე-3, მე-4 და მე-5 პუნქტები:

„3. საქართველოს ეკონომიკური განვითარების სამინის­ტროს სახელმწიფო საქვეუწყებო დაწესებულებამ – საქარ­თველოს საავტომობილო გზების დეპარტამენტმა (რ. დალა­ქიშვილი):

ა) ერედვი-ხეითის 4-6 კმ მონაკვეთზე (ცხინვალის შემოვ­ლითი გზა) რთული კლიმატური პირობების დროს ავტო­ტრანსპორტის განვლადობისა და აღნიშნული მო­ნაკ­ვეთის საექსპლუატაციო პირობების გაუმჯობესების მიზნით უზრუნ­ველყოს ახალი მიმართულებით გზის გაყვანა წვერიახოს უღელტე­ხილის გვერდის ავლით, რაც უნდა განხორციელდეს გრძივი ქანობების შემცირებით – არსებულ პროექტში შესა­ბამისი კორექტივების შეტანის გზით;

ბ) ამ პუნქტის „ა“ქვეპუნქტით გათვალისწინებულ სამუ­შაოთა გადაუდებლად და დროულად შესრულების მიზნით პარალელურ რეჟიმში განახორციელოს დაპროექტება და რეაბილიტაცია, ხოლო აღნიშნულ სამუშაოთა დაფინანსება განახორციელოს მიმდინარე წლის ბიუჯეტით საავტომობილო გზების რეაბილიტაციისათვის გამოყოფილ ასიგნებათა ფარგლებში.

4. საქართველოს გარემოს დაცვისა და ბუნებრივი რესურ­სების სამინისტრომ (დ. ჩანტლაძე) და საქართველოს ფინანს­თა სამინისტრომ (ნ. გილაური) უზრუნველყონ ერედვი-ხეითის საავტომობილო გზის რეაბილიტაციის საპროექტო დოკუმენტაციით განსაზღვრული ხე-ტყის მოჭრასა და რეალიზაციასთან დაკავშირებულ ღონისძიებათა განხორციელება საქარ­თველოს მოქმედი კანონმდებლობის შესაბამისად. ამასთან, გაითვალისწინონ ხე-ტყის საჭიროება აღნიშნული გზის ხელოვნური ნაგებობების მოსაწყობად.

5. „სახელმწიფო შესყიდვების შესახებ“საქართველოს კანონის მე-10 მუხლის მე-3 პუნქტის „ე“ქვეპუნქტის შესა­ბამისად სამუშაოთა უმოკლეს დროში შესრულებისათვის საქართველოს ეკონომიკური განვითარების სამინისტროს სა­ხელმწიფო საქვეუწყებო დაწესებულებამ – საქართველოს საავ­ტო­მობილო გზების დეპარტამენტმა სახელმწიფო შესყიდვა განახორციელოს ერთ პირთან მოლაპარაკების საშუალებით.“.

2. განკარგულება ძალაშია ხელმოწერის დღიდან.

პრემიერ-მინისტრი           ზ. ნოღაიდელი