„ქ. თბილისის წმინდა სამების ტაძრისა და სახელმწიფო ავტოინსპექციის ყოფილი შენობის მიმდებარე ტერიტორიის განაშენიანებისა და რეკონსტრუქციის შესახებ” საქართველოს მთავრობის 2004 წლის 4 ივნისის №41 განკარგულებაში ცვლილებებისა და დამატებების შეტანის თაობაზე

საქართველოს მთავრობის

განკარგულება №178

2005 წლის 8 მაისი

ქ. თბილისი

 „ქ. თბილისის წმინდა სამების ტაძრისა და სახელმწიფო ავტოინსპექციის ყოფილი შენობის მიმდებარე ტერიტორიის განაშენიანებისა და რეკონსტრუქციის შესახებ” საქართველოს მთავრობის 2004 წლის 4 ივნისის №41 განკარგულებაში ცვლილებებისა და დამატებების შეტანის თაობაზე

საქართველოს მთავრობაში განხორციელებული საკადრო ცვლილებების საფუძველზე, ავლაბრის ადმინისტრაციული კომპლექსის მშენებლობასა და აღჭურვასთან დაკავშირებული საკითხების მოწესრიგების მიზნით:

1. შეტანილ იქნეს ცვლილებები „ქ. თბილისის წმინდა სამების ტაძრისა და სახელმწიფო ავტოინსპექციის ყოფილი შენობის მიმდებარე ტერიტორიის განაშენიანებისა და რეკონსტრუქციის შესახებ” საქართველოს მთავრობის 2004 წლის 4 ივნისის №41 განკარგულებაში:

ა) პირველ პუნქტში სიტყვები „საქართველოს პრეზიდენტის ავლაბრის რეზიდენცია” (შემდგომში – რეზიდენცია)” შეიცვალოს სიტყვებით `ავლაბრის ადმინისტრაციული კომპლექსი” (შემდგომში – კომპლექსი)”;

ბ) მე-2 პუნქტში სიტყვები „საქართველოს პრეზიდენტის ავლაბრის რეზიდენცია” შეიცვალოს სიტყვებით „ავლაბრის ადმინისტრაციული კომპლექსი”;

გ) მე-4 პუნქტი ჩამოყალიბდეს შემდეგი რედაქციით:

„4. ავლაბრის ადმინისტრაციული კომპლექსის დაპროექტებისა და მშენებლობის ოპერატიულად წარმართვისათვის შეიქმნას სამთავრობო კომისია შემდეგი შემადგენლობით:

ზურაბ ნოღაიდელი - საქარველოს პრემიერ-მინისტრი, კომისის თავმჯდომარე

ალექსი ალექსიშვილი - საქართველოს ეკონომიკური განვითარების მინისტრი

კახა ბენდუქიძე - საქართველოს სახელმწიფო მინისტრი რეფორმების კოორდინაციის საკითხებში

გიორგი გაბაშვილი - საქართველოს კულტურის, ძეგლთა დაცვისა და სპორტის მინისტრი

კახა თოდუა - შპს „სახელმწიფო უზრუნველყოფის” დირექტორი

კონსტანტინე კემულარია - საქართველოს იუსტიციის მინისტრი

გიგი უგულავა - საქართველოს პრეზიდენტის ადმინისტრაციის უფროსი

დავით საყვარელიძე - საქართველოს პრეზიდენტის ადმინისტრაციის მთავარი მრჩეველი, კომისიის მდივანი

ოთარ ქველიძე - საქართველოს სახელმწიფო დაცვის სპეციალური სამსახურის უფროსი

ვალერი ჩეჩელაშვილი - საქართველოს ფინანსთა მინისტრი

ზურაბ ჭიაბერაშვილი - ქ. თბილისის მერი.

დ) მე-5 პუნქტის „ა” ქვეპუნქტიდან ამოღებულ იქნეს სიტყვა „რეზიდენციის”;

ე) მე-5 პუნქტს დაემატოს შემდეგი შინაარსის „დ”, „ე” და „ვ” ქვეპუნქტები:

„დ) კომპლექსის საპროექტო დავალების ახალი რედაქციით დამტკიცება;

ე) კომპლექსის პროექტის შეთანხმება;

ვ) კომპლექსის ხარღთა ნუსხის შეთანხმება.”

2. „ქ. თბილისის წმინდა სამების ტაძრისა და სახელმწიფო ავტოინსპექცის ყოფილი შენობის მიმდებარე ტერიტორიის განაშენიანებისა და რეკონსტრუქციის შესახებ” საქართველოს მთავრობის 2004 წლის 4 ივნისის №41 განკარგულებით დამტკიცებულ „საქართველოს პრეზიდენტის ავლაბრის რეზიდენცის საპროექტო დავალების” ტექსტში სიტყვები „საქართველოს პრეზიდენტის ავლაბრის რეზიდენცია” შეიცვალოს სიტყვებით - „ავლაბრის ადმინისტრაციული კომპლექსი”, ხოლო სიტყვა „რეზიდენცია” შეიცვალოს სიტყვით - „კომპლექსი”;

3.  განკარგულება ძალაშია ხელმოწერის დღიდან.

პრემიერ-მინისტრი            ზ. ნოღაიდელი