თბილისი-სენაკი-ლესელიძის საავტომობილო გზის 87-ე კილომეტრზე განსახორციელებელ მეწყერსაწინააღმდეგო დროებით ღონისძიებათა შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №565
2007 წლის 10 ოქტომბერი
ქ. თბილისი
თბილისი-სენაკი-ლესელიძის საავტომობილო გზის 87-ე კილომეტრზე განსახორციელებელ მეწყერსაწინააღმდეგო დროებით ღონისძიებათა შესახებ
1. თბილისი-სენაკი-ლესელიძის საავტომობილო გზის 87-ე კილომეტრზე არსებულ გეოლოგიურად რთულ მონაკვეთზე მეწყრული მოვლენების გააქტიურების შედეგად მიწის ვაკისის მუდმივი ჯდენისა და ავტოტრანსპორტის შეზღუდული რეჟიმით მოძრაობის გამო საქართველოს ეკონომიკური განვითარების სამინისტროს სახელმწიფო საქვეუწყებო დაწესებულებამ – საქართველოს საავტომობილო გზების დეპარტამენტმა (რ. დალაქიშვილი):
ა) მიმდინარე წლის ბოლომდე უზრუნველყოს თბილისი-სენაკი-ლესელიძის საავტომობილო გზის 87-ე კილომეტრზე მიწის ვაკისის აღდგენისა და მისი მდგომარეობის გაუმჯობესების დროებით ღონისძიებათა განხორციელება;
ბ) გადაუდებელი აუცილებლობიდან გამომდინარე სამუშაოთა დაჩქარების, დეტალური დაპროექტების მომსახურებისა და შესასრულებელი სამუშაოების შესყიდვა განახორციელოს ერთიან კომპლექსში, „სახელმწიფო შესყიდვების შესახებ“საქართველოს კანონის მე-10 მუხლის მე-3 პუნქტის „ე“ქვეპუნქტის საფუძველზე ერთ პირთან მოლაპარაკების საშუალებით.
2. განკარგულება ძალაშია ხელმოწერის დღიდან.
პრემიერ-მინისტრი ზ. ნოღაიდელი