რიგ საწარმოებსა და ორგანიზაციებზე რიცხულ ვადაგადაცილებულ საგადასახადო და სასესხო დავალიანებათა შესახებ

საქართველოს მთავრობის

განკარგულება №23

2005 წლის 24 თებერვალი

ქ. თბილისი

რიგ საწარმოებსა და ორგანიზაციებზე რიცხულ ვადაგადაცილებულ საგადასახადო და სასესხო დავალიანებათა შესახებ

1. ,,საგადასახადო დავალიანებებისა და სახელმწიფო სესხების რესტრუქტურიზაციის შესახებ“საქართველოს კანონის მე-3 მუხლის მე-3 პუნქტის ,,ა“ქვეპუნქტის თანახმად, მიღებულ იქნეს საქართველოს ფინანსთა სამინისტროსთან შექმნილი ვადაგადაცილებულ საგადასახადო და სასესხო დავალიანებათა რესტრუქტურიზაციის მიზანშეწონილობის საკითხის შემსწავლელი კომისიის წინადადება და განხორციელდეს შეზღუდული პასუხისმგებლობის საზოგადოება აეროპორტ ,,კოლხას“მიმართ რიცხული ვადაგადა ი ცლებული საგადასახადო დავალიანების რესტრუქტურიზაცია. რესტრუქტურიზაციის პირობები განისაზღვროს ,,საგადასახადო დავალიანებებისა და სახელ-მწიფო სესხების რესტრუქტურიზაციის შესახებ“საქართველოს კანონის მე-4 მუხლის შესაბამისი ნორმებით, დანართის მიხედვით.

2. ,,საგადასახადო დავალიანებებისა და სახელმწიფო სესხების რესტრუქტურიზაციის შესახებ~ საქართველოს კანონის მე-3 მუხლის მე-3 პუნქტის ,,ბ“ქვეპუნქტის შესაბამისად, როგორც უიმედო სასესხო დავალიანება, საქართველოს პურპროდუქტების სახელმწიფო-სააქციო კომერციულ კორპორაციას ჩამოეწეროს:

ა) საქართველოს რესპუბლიკის მინისტრთა კაბინეტის აპარატის 1993 წლის 29 ოქტომბრის № 2139 საოქმო გადაწყვეტილების საფუძველზე გამოყოფილი სესხი (11784625 აშშ დოლარი), სარგებელი (1074806 აშშ დოლარი) და განკარგულების ამოქმედების დღისათვის რიცხული საურავი;

ბ) საქართველოს რესპუბლიკის პრემიერ-მინისტრის 1995 წლის 27 ივლისის № 497 განკარგულების საფუძველზე გამოყოფილი სესხი (2737783 აშშ დოლარი), სარგებელი (250000 აშშ დოლარი) და განკარგულების ამოქმედების დღისათვის რიცხული საურავი.

3. ,,საგადასახადო დავალიანებებისა და სახელმწიფო სესხების რესტრუქტურიზაციის შესახებ“საქართველოს კანონის მე-3 მუხლის მე-3 პუნქტის ,,ბ“ქვეპუნქტის შესაბამისად, როგორც უიმედო სასესხო დავალიანება, სს ,,ჭიჭნაურს“ჩამოეწეროს საქართველოს პრეზიდენტის 1999 წლის 3 მაისის № 328 განკარგულების საფუძველზე გამოყოფილი სესხი (300000 ლარი), სარგებელი (84600 ლარი) და მისი გაკოტრების დასრულების დღისათვის რიცხული საურავი.

4. საქართველოს ეკონომიკური განვითარების სამინისტრომ (ა. ალექსიშვილი) მოახდინოს საქართველოს პურპროდუქტების სახელმწიფო-სააქციო კომერციული კორპორაციის ბალანსზე რიცხული ქონების ინვენტარიზაცია და ბალანსზე აღება.

5. განკარგულება ძალაშია ხელმოწერის დღიდან.

პრემიერ-მინისტრი                                ზ. ნოღაიდელი

 

დანართი

რიგ საწარმოებსა და ორგანიზაციებზე რიცხულ ვადაგადაცილებულ საგადასახადო და სასესხო დავალიანებათა შესახებ