„საქართველოს ენერგეტიკული სისტემისა და მოსახლეობის ბუნებრივი აირით სტაბილური მომარაგების უზრუნველყოფის ღონისძიებათა შესახებ“ საქართველოს მთავრობის 2007 წლის 3 იანვრის №1 განკარგულებაში ცვლილებისა და დამატების შეტანის თაობაზე

საქართველოს მთავრობის

განკარგულება№337

2007 წლის 27 ივნისი

ქ. თბილისი

„საქართველოს ენერგეტიკული სისტემისა და მოსახლეობის ბუნებრივი აირით სტაბილური მომარაგების უზრუნველყოფის ღონისძიებათა შესახებ“საქართველოს მთავრობის 2007 წლის 3 იანვრის №1 განკარგულებაში ცვლილებისა და დამატების შეტანის თაობაზე

1. „საქართველოს ენერგეტი­კუ­ლი სისტემისა და მოსა­ხლეო­ბის ბუნებრივი აირით სტაბი­ლური მომარაგების უზრუნ­ველყოფის ღონისძიებათა შესახებ“საქართველოს მთავრობის 2007 წლის 3 იანვრის №1 გან­კარგულებაში შეტანილ იქნეს შე­მ­­დეგი ცვლილება და დამატება:

ა) განკარგულების პირველი პუნქტი ჩამოყალიბდეს შემ­დე­გი რედაქციით:

„1. საქართველოს ენერგოსისტემისა და მოსახლეობის ბუ­ნებრივი აირით სტაბილური მომარაგების უზრუნველყოფის მიზ­­ნით:

ა) საქართველოს ფინანსთა სამინისტრომ (ა. ალექსიშვი­ლი) „საქართველოს 2007 წლის სახელმწიფო ბიუჯეტის შესა­ხებ“საქართვე­ლოს კანონით საქართველოს ენერგეტიკის სა­მინის­ტროსათვის გათვალისწინებული ასიგნებებიდან საკრედი­ტო რესურსად გამოყოს არა უმეტეს 125 000 000 (ას ოცდახუ­თი მილიონი) ლარისა და საქართველოს ენერგეტიკის სამინის­ტროსთან ერთად სათანადო სასესხო ხელშეკრულებები გაუ­ფორმოს სს „ენერჯი-ინვესტს“ (არა უმეტეს 3,3 მილიონი ლა­რისა), შპს „მტკვარი ენერგეტიკას“ (არა უმეტეს 32 მილიონი ლარისა), სს „იტერა-საქართველოს“ (არა უმეტეს 14,6 მილი­ონი ლარისა), შპს „ყაზტრანსგაზ-თბილისს“ (არა უმეტეს 58,6 მილიონი ლარისა) და შპს „საქართველოს საერთაშორისო ენერგეტიკულ კორპორაციას“ (არა უმეტეს 16,5 მილიონი ლარისა) მათ მიერ შესყიდული და ჩვენს ქვეყანაში იმპორტი­რებული ბუნებრივი აირის გაზრდილი საფასურის შედეგად საქართველოში ბუნებრივი აირის ტარიფების ზრდის დროე­ბითი კომპენსირების მიზნით. სესხი გაიცეს 2007 წლის 1 იან­ვრიდან სემეკის მიერ ტარიფის დადგენამდე პერიოდში მოხმა­რებული ბუნებრივი აირისათვის შემდეგი პირობების გათვალისწინებით:

ა.ა) 2007 წლის 1 იანვრიდან 1 მაისამდე ელექტრო­ენერგიის საწარმოებლად შესყიდული და მოხმარებული ბუნებრივი აირისათვის;

ა.ბ) 2007 წლის 1 იანვრიდან 1 მაისამდე იმ საცალო მომ­ხმა­რებლებისათვის მიწოდებული და მოხმარებული ბუნებრივი აირისათვის, რომლებიც ბუნებრივ აირს მოიხმარენ გამანა­წილებელი ქსელის დაბალი წნევის გაზსადენიდან არა უმეტეს 0,05 ატმოსფერული წნევით;

ა.გ) 2007 წლის 1 იანვრიდან 1 მაისამდე იმ საცალო მო­მხმარებლებისათვის მიწოდებული და მოხმარებული ბუნებრივი აირისათვის, რომლებიც ბუნებრივ აირს მოიხმარენ გამანა­წილებელი ქსელის 0,05-ზე მაღალი ატმოსფერული წნევით;

ბ) სასესხო რესურსის გაცემის დრო და მოცულობა გან­საზღვროს საქართველოს ენერგეტიკის სამინისტრომ (ნ. გი­ლაური) ზემოაღნიშნული საწარმოების მიერ წარმოდგენილი ბუნებრივი აირის მოხმარების ბალანსების შესაბამისად, მომ­ხმარებელთა კატეგორიების მიხედვით (ელექტროენერგიის მწარმოებლები; აბონენტთა ის კატეგორია, რომელიც გამანა­წილებელი კომპანიების მიერ მიწოდებულ ბუნებრივ აირს მოიხმარს დაბალი წნევით; აბონენტთა ის კატეგორია, რომე­ლიც გამანაწილებელი კომპანიების მიერ მიწოდებულ ბუნე­ბ­რივ აირს მოიხმარს საშუალო და მაღალი წნევით), ხოლო და­ფარვის პირობების განსაზღვრისას გათვალისწინებულ იქნეს შემდეგი ობიექტური გარემოებები:

ბ.ა) სესხის მიმღების მიერ ბუნებრივი აირის მოხმარე­ბის ოდენობა და, შესაბამისად, გამომუშავებული ელექტრო­ე­ნერ­­გიის მოცულობა, რასაც კანონმდებლობით ენერგობალან­სებში ამტკიცებს საქართველოს ენერგეტიკის სამინისტრო;

ბ.ბ) სესხის მიმღებისათვის სესხის ვადებში მიწოდე­ბული ბუნებრივი აირის ღირებულება და მოცულობა;

ბ.გ) სესხის ძირითადი თანხის გასტუმრების ერთადერთ წყაროს სესხის ვადებში წარმოადგენს სესხის მიმღებისათ­ვის დამტკიცებულ ტარიფში (ადგენს სემეკი) გაზის კომპო­ნენტის გაანგარიშებისას მიღებული ბუნებრივი აირის ფასი და მისთვის სესხის ვადებში მიწოდებული და სესხის მიმღე­ბის მიერ მოხმარებული ბუნებრივი აირის ღირებუ­ლე­ბებს შორის დადებითი ფასთა სხვაობა;

გ) თუ ზემოაღნიშნული პირობებიდან ნებისმიერი ერთის, ან მათი ნებისმიერი კომბინაციის შეუსრულებლობა შეუძლე­ბელს ხდის ან ართულებს სესხის გასტუმრებას და/ან მის გასტუმრებას სრულად და დათქმულ ვადებში, საქართველოს მთავრობა ნებისმიერი ზემოაღნიშნული პირობის შეუსრუ­ლებ­ლობის შემთხვევაში სესხის დაუბრუნებლობას დათქმულ ვა­დებში არ მიიჩნევს სასესხო ხელშეკრულების დარღვევად სეს­ხის მიმღების მხრიდან, თუ იგი აღნიშნულის შესა­ხებ 10 კალენდარული დღით ადრე აცნობებს საქართველოს ენერგეტიკის სამინისტროს. ამგვარი პირობების დადგომისას საქართველოს მთავრობა კისრულობს ვალდებულებას გადა-ხედოს სესხის ვადებს და სესხის მიმღებთან შეთანხმებით იმგვარად შეცვალოს სესხის დაფარვის ვადები, რომ არ გაუარესდეს სესხის მიმღების პირობები. ასეთი პირობების დადგომისას საქართველოს მთავრობა შეიკავებს თავს რაიმე მოქმედებისაგან სესხის მიმღების საწინააღმდეგოდ, გამომ­დი­ნარე ხელშეკრულების პირობებიდან;

დ) საჭიროების შემთხვევაში თავისი კომპეტენციის ფარ­გლებში საქართველოს ფინანსთა სამინისტრომ ენერგე­ტიკის სამინისტროს წინადადების საფუძველზე შეიტანოს შესაბამისი ცვლილებები საქართველოს 2007 წლის სახელმწიფო ბიუ­ჯეტის კვარტალურ განწერასა და ოპერატიულ-ფინანსურ განწერაში.“;

ბ) განკარგულებას დაემატოს შემდეგი შინაარსის 1² პუნქტი:

„1². ა) საქართველოს ფინანსთა სამინისტრომ და ენერ­გეტიკის სამინისტრომ 2007 წლის 1 ივლისამდე უზრუნველყონ სესხით მოსარგებლე საწარმოებთან გაფორმებული სესხის დაბრუნების გრაფიკების გაუქმება;

ბ) საქართველოს ენერგეტიკის სამინისტრომ სესხის მიმ­ღებ საწარმოებთან შეთანხმებით 2007 წლის 1 ოქტომბრამდე ფინანსთა სამინისტროში წარმოადგინოს წინადადებები მათ­თვის გაცემული სესხის დაფარვის ვადებთან და გრაფიკებთან დაკავშირებით;

გ) საქართველოს ფინანსთა სამინისტრომ ენერგეტიკის სამინისტროს წინადადებების საფუძველზე უზრუნველყოს სეს­ხის დაფარვის გრაფიკების გაფორმება.“.

2. განკარგულება ძალაშია ხელმოწერის დღიდან.

პრემიერ-მინისტრი           ზ. ნოღაიდელი