„საჯარო სამართლის იურიდიული პირის - საქართველოს მოსწავლე-ახალგაზრდობის ეროვნული სასახლისათვის „საქართველოს 2013 წლის სახელმწიფო ბიუჯეტის შესახებ“ საქართველოს კანონის 23-ე მუხლის მე-5 პუნქტით გათვალისწინებულ შეზღუდვაზე გამონაკლისის დაშვების თაობაზე“ საქართველოს მთავრობის 2013 წლის 2 დეკემბრის №1795 განკარგულებაში ცვლილების შეტანის შესახებ

საქართველოს მთავრობის

განკარგულება№1988

2013 წლის 19 დეკემბერი

ქ. თბილისი

„საქართველოს რეგიონების ბუნებრივი აირით მომარაგების უზრუნველყოფისა და შესაბამის დარგში ინვესტიციების მოზიდვის მიზნით გასატარებელ ღონისძიებათა შესახებ“ საქართველოს პრეზიდენტის 2008 წლის 25 დეკემბრის №888 განკარგულებით განსაზღვრულისგან განსხვავებული საპრივატიზებო პირობების დადგენისა და შპს „ბლექ სი ინდასტრისა“ და შპს „შავი ზღვის ტერმინალის“ მიმართ საქმიანობის ხელშესაწყობად რიგ ღონისძიებათა განხორციელების შესახებ

1. „სახელმწიფო ქონების შესახებ“ საქართველოს კანონის 49¹ მუხ­ლის პირველი პუნქტისა და საქართველოს მთავრობის 2013 წლის 13 დე­კემბრის სხდომის №32 ოქმის შესაბამისად, შპს „ბლექ სი ინდასტრი“ და შპს „შავი ზღვის ტერმინალი“ გათავისუფლდნენ საქართველოს ეკონო­მიკური განვითარების სამინისტროსა და შპს „ბლექ სი ინდასტრის“ შო­რის 2007 წლის 16 ივლისს გაფორმებული ნასყიდობის ხელშეკრულების საფუძველზე, ნასყიდობის ხელშეკრულების ცალმხრივად შეწყვეტამდე მყიდველისათვის დაკისრებული ან/და დასაკისრებელი პირგასამტეხ­ლოს გადახდისგან იმ პირობით, რომ:

ა) შპს „სოკარ ჯორჯია გაზი“, საქართველოს ეკონომიკური განვი­თარების სამინისტროსა და შპს „სოკარ ჯორჯია გაზს“ შორის 2008 წლის 26 დეკემბერს გაფორმებულ ნასყიდობის ხელშეკრულებაში (შემდგომ­ში ‑ „ხელშეკრულება“) ცვლილებების შეტანის თაობაზე ხელშეკრულების (შემდგომში - „ცვლილების ხელშეკრულება“) საფუძველზე, იკისრებს ამ განკარგულების მე-2 პუნქტით დადგენილ, „საქართველოს რეგიონების ბუნებრივი აირით მომარაგების უზრუნველყოფისა და შესაბამის დარგში ინვესტიციების მოზიდვის მიზნით გასატარებელ ღონისძიებათა შესახებ“ საქართველოს პრეზიდენტის 2008 წლის 25 დეკემბრის №888 განკარგუ­ლებით განსაზღვრულისგან განსხვავებულ საპრივატიზებო პირობებს;

ბ) ამ განკარგულების მე-2 პუნქტით გათვალისწინებული პირობე-ბის შესრულების უზრუნველსაყოფად, შპს „სოკარ ჯორჯია გაზის“ მიერ შე­საბამისი ცვლილების ხელშეკრულების გაფორმებამდე, კანონით დადგე­ნილი წესით წარმოდგენილი იქნება 210 000 (ორას ათი ათასი) აშშ დო­ლარის ოდენობის უპირობო და გამოუხმობი საბანკო გარანტია, რომ­ლის მოქმედების ვადაც სულ მცირე 3 თვით უნდა აღემატებოდეს ამ გან­კა­რ­გულების მე-2 პუნქტის „ა“-„გ“ ქვეპუნქტებით გათვალისწინებული ვალ­დებულებების შესრულების ვადას.

2. „სახელმწიფო ქონების შესახებ“ საქართველოს კანონში ცვლილე­ბის შეტანის თაობაზე“ N1037-1ს 2013 წლის 6 სექტემბრის საქართველოს კანონის მე-2 მუხლის პირველი პუნქტის საფუძველზე, დადგინდეს „სა­ქარ­თველოს რეგიონების ბუნებრივი აირით მომარაგების უზრუნველ­ყოფისა და შესაბამის დარგში ინვესტიციების მოზიდვის მიზნით გასა­ტა­რებელ ღონისძიებათა შესახებ“ საქართველოს პრეზიდენტის 2008 წლის 25 დეკემბრის №888 განკარგულების მეორე პუნქტის „ბ“ ქვეპუნქტითა და მესამე პუნქტით განსაზღვრული საპრივატიზებო პირობისაგან განსხვა­ვე­ბული შემდეგი საპრივატიზებო პირობები:

ა) გადაცემულ ქონებაზე საკუთრების დამადასტურებელი მოწმო­ბის გაცემის დღიდან არანაკლებ 250 000 000 (ორასორმოცდაათი მილი­ონი) აშშ დოლარის ინვესტიციის განხორციელება ამ პუნქტის „ბ“ ქვე­პუნქ­ტით გათვალისწინებული გაზიფიცირებისა და „საქართველოს რე­გი­ო­ნე­ბის ბუნებრივი აირით მომარაგების უზრუნველყოფისა და შესაბა­მის დარგში ინვესტიციების მოზიდვის მიზნით გასატარებელ ღონისძიე­ბათა შესახებ“ საქართველოს პრეზიდენტის 2008 წლის 25 დეკემბრის №888 განკარგულების გამოცემის დროისათვის კომპანიებზე რიცხული კრედიტორული დავალიანების დაფარვის მიზნით, გარდა სს „საგარეჯო­გაზის“ კრედიტორული დავალიანებისა შპს „ნავთობისა და გაზის კორ­პო­რაციის“ მიმართ, რომლის დაფარვაც უზრუნველყოფილ უნდა იქნეს 2013 წლის ბოლომდე იმ პირობით, რომ სს „საგარეჯოგაზის“ მომხმარებ­ლების (მოსახლეობა) მიმართ არსებული დებიტორული დავალიანების ამოღების პერიოდი გადაიწევს 2013 წლის ბოლომდე;

ბ) გადაცემულ ქონებაზე საკუთრების დამადასტურებელი მოწმო­ბის გაცემის დღიდან საქართველოს ტერიტორიაზე არანაკლებ 250 000 (ორასორმოცდაათი ათასი) პოტენციური მომხმარებლის (აბონენტის) გა­ზი­ფიცირება (გაზსადენის მიყვანა ობიექტამდე გაზიფიცირების არსებუ­ლი წესით, ნორმატიული დოკუმენტების შესაბამისად, რაც საშუალებას მისცემს პოტენციურ მომხმარებელს (აბონენტს) ჩაერთოს გაზსადენის საერთო ქსელში);

გ) ამ პუნქტის „ბ“ ქვეპუნქტით გათვალისწინებული გაზიფიცირება განხორციელდეს საქართველოს ენერგეტიკის სამინისტროსთან (შემდ­გომ­ში - სამინისტრო) შეთანხმებულ ტერიტორიულ ერთეულებში სამი­ნისტროსთან შეთანხმებული გეგმა-გრაფიკის მიხედვით;

დ) შპს „სოკარ ჯორჯია გაზმა“ უზრუნველყოს, რომ მისი ან/და შე­საბამისი მესამე პირ(ებ)ის მიერ „ხელშეკრულებით“ გათვალისწინებული გაზიფიცირების მიზნით გაზრდილი საინვესტიციო დანახარჯების ნაწი­ლის - 150 000 000 (ასორმოცდაათი მილიონი) აშშ დოლარის ოდენობით, ბუნებრივი გაზის განაწილების ტარიფის დაანგარიშებისას გათვალის­წინება მოხდეს არაუადრეს 2020 წლიდან;

ე) ამ პუნქტის „ა“-„გ“ ქვეპუნქტებით გათვალისწინებული ვალდე­ბუ­ლებების შესრულება განხორციელდეს უშუალოდ შპს „სოკარ ჯორჯია გაზის“ ან/და მესამე პირ(ებ)ის მეშვეობით; ამასთან, საქართველოს მასშ­ტა­ბით განხორციელებულ ამ პუნქტის „ა“ ქვეპუნქტში მითითებული გა­ზი­ფიცირებული აბონენტების რაოდენობასა და შესაბამისი ინვესტიციის ოდენობაში ჩაითვალოს მესამე პირ(ებ)ის მიერ ამ განკარგულების პირ­ველი პუნქტით გათვალისწინებული „ცვლილების ხელშეკრულების“ გა­ფორ­მების შემდეგ გაზიფიცირებული აბონენტები და აღნიშნულში გაწე­უ­ლი საინვესტიციო დანახარჯები, გარდა იმ დანახარჯებისა და გაზიფი­ცირებული აბონენტებისა, რომლებიც შესაბამისი მესამე პირ(ებ)ის მიერ „ცვლილების ხელშეკრულების“ გაფორმების შემდეგ განხორციელებული იქნება „ცვლილების ხელშეკრულების“ გაფორმებამდე ნაკისრი ვალდე­ბუ­ლებების შესრულების მიზნით.

3. ამ განკარგულების მეორე პუნქტის „ა“-„გ“ ქვეპუნქტებით განსაზ­ღვ­რული გაზიფიცირებისა და ინვესტიციის გახორციელების საპრივატი­ზებო ვალდებულებების შესრულების ვადად განისაზღვროს ამ განკარ­გუ­ლების პირველ პუნქტში მითითებული „ცვლილების ხელშეკრულე­ბის“ ხელმოწერიდან 3 (სამი) წელი.

4. დაევალოს საქართველოს ეკონომიკისა და მდგრადი განვითარე­ბის სამინისტროს სისტემაში შემავალ სსიპ ‑ სახელმწიფო ქონების ეროვ­ნულ სააგენტოს, „საქართველოს მთავრობის სტრუქტურის, უფლებამო­სილებისა და საქმიანობის წესის შესახებ“ საქართველოს კანონის მე-5 მუხლის „ი“ და „კ“ ქვეპუნქტების საფუძველზე, საქართველოს მთავრო­ბის სხდომაზე მოწონების მიზნით წარმოადგინოს ამ განკარგულების სა­ფუძ­ველზე მომზადებული წინამდებარე განკარგულების პირველ პუნქტ­ში მითითებული „ცვლილების ხელშეკრულების“ პროექტი.

5. ამ განკარგულების შესრულების მიზნით, საქართველოს ეკონო­მიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა - სახელმწიფო ქონების ეროვ­ნულმა სააგენტომ განახორციელოს შესაბამისი ღონისძიებები.

პრემიერ‑მინისტრი ირაკლი ღარიბაშვილი