2006 წლის სახელმწიფო სამეცნიერო საგრანტო კონკურსში გამარჯვებული პროექტების 2006-2009 წლებისათვის დაფინანსების ოდენობის დამტკიცების თაობაზე

საქართველოს მთავრობის

განკარგულება №440

2006 წლის 21 სექტემბერი

ქ. თბილისი

2006 წლის სახელმწიფო სამეცნიერო საგრანტო კონკურსში გამარჯვებული პროექტების 2006-2009 წლებისათვის დაფინანსების ოდენობის დამტკიცების თაობაზე

საქართველოში მეცნიერების განვითარებისა და მისი დაფინანსების ხელშეწყობის მიზნით, „სახელმწიფო სამეცნიერო გრანტების გაცემის შესახებ დებულებისა და საგრანტო პროექტის შეფასების კრიტერიუმების დამტკიცების თაობაზე” საქართველოს მთავრობის 2006 წლის 19 აპრილის №81 დადგენილების მე-4 მუხლის პირველი და მე-2 პუნქტების შესაბამისად:

1. დამტკიცდეს 2006 წლის სახელმწიფო სამეცნიერო საგრანტო კონკურსში გამარჯვებული პროექტების დაფინანსების ოდენობა 2006-2009 წლებისათვის:

ა) ქართველოლოგიური მეცნიერებები – 233 850 ლარი;

ბ) ჰუმანიტარული, ეკონომიკური და სოციალური მეცნიერებები – 153 750 ლარი;

გ) მათემატიკა, მექანიკა, ტელეკომუნიკაციები, საინფორმაციო ტექნოლოგიები – 181 800 ლარი;

დ) საბუნებისმეტყველო მეცნიერებები – 249 900 ლარი;

ე) დედამიწის შემსწავლელი მეცნიერებები და გარემო – 169 200 ლარი;

ვ) სიცოცხლის შემსწავლელი და სამედიცინო მეცნიერებები – 191 250 ლარი;

ზ) საინჟინრო მეცნიერებები, მაღალტექნოლოგიური მასალები – 157 050 ლარი;

თ) აგრარული მეცნიერებები – 163 200 ლარი.

2. საქართველოს განათლებისა და მეცნიერების სამინისტრომ ამ განკარგულების პირველი პუნქტით გათვალისწინებული სახელმწიფო სამეცნიერო საგრანტო კონკურსში გამარჯვებული პროექტების 2007-2009 წლებში დაფინანსების მიზნით საქართველოს ფინანსთა სამინისტროს წარუდგინოს წინადადებები 2007, 2008 და 2009 წლების სახელმწიფო ბიუჯეტების შესახებ საქართველოს კანონთა პროექტებში შესაბამის ასიგნებათა გათვალისწინების თაობაზე.

3. განკარგულება ძალაშია ხელმოწერის დღიდან.

 

პრემიერ-მინისტრი          ზ. ნოღაიდელი