მუნიციპალიტეტების დასახლებებში მცხოვრები ოჯახებისათვის გამოყოფილი დიზელის საწვავის დარჩენილი მარაგის სახელმწიფო რწმუნებულების – გუბერნატორების ადმინისტრაციებისა და ადგილობრივი თვითმმართველობის ორგანოებისათვის გადაცემის შესახებ

საქართველოს მთავრობ ი ს

განკარგულება№628

2008 წლის 29 სექტემბერი

ქ. თბილისი

მუნიციპალიტეტების დასახლებებში მცხოვრები ოჯახებისათვის გამოყოფილი დიზელის საწვავის დარჩენილი მარაგის სახელმწიფო რწმუნებულების – გუბერნატორების ადმინისტრაციებისა და ადგილობრივი თვითმმართველობის ორგანოებისათვის გადაცემის შესახებ

„საქართველოს 2008 წლის სახელმწიფო ბიუჯეტის შესახებ“საქართველოს კანონით გათვალისწინებული პროგრამის – „მუნიციპალიტეტების დასახლებებში მცხოვრები ოჯახების დიზელის საწვავით უზრუნველყოფის ღონისძიებები“(ორგანიზაციული კოდი 37 01 16), „მუნიციპალიტეტების დასახლებებში მცხოვრები ოჯახების დიზელის საწვავით უზრუნველყოფის ღონისძიებათა შესახებ“საქართველოს მთავრობის 2008 წლის 15 მარტის № 128 და „მუნიციპალიტეტების დასახლებებში მცხოვრები ოჯახების დიზელის საწვავით უზრუნველყოფის შესახებ“საქართველოს მთავრობის 2008 წლის 17 აპრილის № 237 განკარგულებების საფუძველზე საქართველოს

სოფლის მეურნეობის სამინისტრომ შეისყიდა 18,606,680 ლიტრი „ლ-62“მარკის დიზელის საწვავი. დიზელის საწვავის რაოდენობა განისაზღვრა  თვითმმართველი ერთეულების მიერ ოჯახების შესახებ წარმოდგენილი ინფორმაციის საფუძველზე. მუნიციპალიტეტების დასახლებებში მცხოვრები ოჯახების უზრუნველყოფის, სახელმწიფო რწმუნებულების – გუბერნატორების ადმინისტრაციებისა და ადგილობრივი თვითმმართველობის ორგანოებისათვის გადაცემის შემდეგ გაუნაწილებელი დარჩა 173005 ლიტრი დიზელის საწვავი.

დარჩენილი დიზელის საწვავის მარაგის ნაწილის შემდგომი გამოყენების მიზნით:

1. საქართველოს სოფლის მეურნეობის სამინისტრომ (ბ. კვეზერელი) უზრუნველყოს სახელმწიფო რწმუნებულების – გუბერნატორების ადმინისტრაციებისა და ადგილობრივი თვითმმართველობის ორგანოებისათვის დიზელის საწვავის გადაცემა დანართის მიხედვით.

2. სახელმწიფო რწმუნებულებმა – გუბერნატორებმა უზრუნველყონ მიღებული საწვავის გადაცემა ადგილობრივი თვითმმართველობის ორგანოებისათვის.

3. ადგილობრივი თვითმმართველობის ორგანოებმა გადაცემული დიზელის საწვავი გამოიყენონ მუნიციპალური განვითარების ხელშეწყობისათვის.

4. განკარგულება ძალაშია ხელმოწერის დღიდან.

  პრემიერ-მინისტრი                  ვ. გურგენიძე

დანართი

დიზელის საწვავის ნაშთი