გუდაურში, საძელეს მთაზე საბაგირო გზის მშენებლობის ნებართვის გამარტივებული წესით გაცემის ღონისძიებათა შესახებ

საქართველოს მთავრობის

განკარგულება№259

2008 წლის 24 აპრილი

ქ. თბილისი

გუდაურში, საძელეს მთაზე საბაგირო გზის მშენებლობის ნებართვის გამარტივებული წესით გაცემის ღონისძიებათა შესახებ

1. გუდაურში, საძელეს მთაზე არსებული საბაგირო გზის ქვეყნისათვის განსაკუთრებულ სოციალურ-ეკონომიკური მნიშვნელობიდან გამომდინარე „მშენებლობის ნებართვის გაცემის წესისა და სანებართვო პირობების შესახებ“საქართველოს მთავრობის 2005 წლის 11 აგვისტოს №140 დადგენილების მე-3 მუხლის მე-3 პუნქტის „დ“ქვეპუნქტის შესაბამისად:

ა) ეთხოვოს ყაზბეგის მუნიციპალიტეტის გამგეობას არსებული საპროექტო დოკუმენტაციის საფუძველზე შეითანხმოს გუდაურში, საძელეს მთაზე საბაგირო გზის მშენებლობის პროექტი;

ბ) საქართველოს ეკონომიკური განვითარების სამინისტრომ ამ პუნქტის „ა” ქვეპუნქტის შესაბამისად შეთანხმებული პროექტისა და წარმოდგენილი საექსპერტო დასკვნის საფუძველზე გასცეს მშენებლობის ნებართვა.

2. განკარგულება ძალაშია ხელმოწერის დღიდან.

პრემიერ-მინისტრი                     ვ. გურგენიძე