სს „დარიალი ენერჯისათვის“ სახელმწიფო საკუთრებაში არსებული ქონების აღნაგობის უფლებით გადაცემის თაობაზე თანხმობის მიცემის შესახებ

საქართველოს მთავრობის

განკარგულება №173

2013 წლის 20 თებერვალი

ქ. თბილისი

სს „დარიალი ენერჯისათვის“ სახელმწიფო საკუთრებაში არსებული ქონების აღნაგობის უფლებით გადაცემის თაობაზე თანხმობის მიცემის შესახებ

1. „სახელმწიფო ქონების შესახებ“ საქართველოს კანონის 36-ე მუხ­ლის მე-2 პუნქტის შესაბამისად, მიეცეს თანხმობა საქართველოს ეკონო­მიკისა და მდგრადი განვითარების სამინისტროს სისტემაში შემავალ სსიპ ‑ სახელმწიფო ქონების ეროვნულ სააგენტოს, რომ სს „დარიალი ენერჯის“ (საიდენტიფიკაციო კოდი 401953061) შესაბამისი ხელშეკრულების გაფორმე­ბიდან 99 წლის ვადით, უსასყიდლო აღნაგობის უფლებით გადასცეს ყაზბე­გის მუნიციპალიტეტის დაბა სტეფანწმინდაში მდებარე 736 კვ.მ. არასასოფ­ლო-სამეურნეო დანიშნულების მიწის ნაკვეთი (მიწის (უძრავი ქონების) სა­კა­დასტრო კოდი №74.01.14.029) და ყაზბეგის მუნიციპალიტეტში, დარია­ლის ხეობაში მდებარე 14855 კვ.მ. არასასოფლო-სამეურნეო დანიშნულების მიწის ნაკვეთი (მიწის (უძრავი ქონების) საკადასტრო კოდი №74.01.14.055).

2. საქართველოს მთავრობას, შპს „დარიალი ენერჯის“, შპს „ელექ­ტროენერგეტიკული სისტემის კომერციულ ოპერატორსა“ და შპს „ენერგო­ტრანსს“ შორის 2011 წლის 19 მაისს გაფორმებული ურთიერთგაგების მემორანდუმით გათვალისწინებული დარიალი ჰესის მშენებლობის დას­რულებისა და ექსპლუატაციაში მიღებისთანავე, ჰესისთვის გამოუსადეგარ მიწის ნაკვეთებზე შეწყდეს საქართველოს მთავრობის შესაბამისი განკარ­გულებებიდან წარმოშობილი სარგებლობის უფლებები.

3. საქართველოს ეკონომიკისა და მდგრადი განვითარების სამი­ნისტროს სისტემაში შემავალმა სსიპ ‑ სახელმწიფო ქონების ეროვნულმა საა­გენ­ტომ განკარგულების შესრულების მიზნით განახორციელოს კანონმდებ­ლობით გათვალისწინებული შესაბამისი ღონისძიებები.

პრემიერ-მინისტრი                                ბ. ივანიშვილი