ადგილობრივი თვითმმართველი ერთეულებისათვის საქართველოს სახელმწიფო ბიუჯეტიდან თანხის გამოყოფის შესახებ

საქართველოს მთავრობის

განკარგულება №683

2007 წლის 21 ნოემბერი

ქ. თბილისი

ადგილობრივი თვითმმართველი ერთეულებისათვის საქართველოს სახელმწიფო ბიუჯეტიდან თანხის გამოყოფის შესახებ

1. „საქართველოს 2007 წლის სახელმწიფო ბიუჯეტის შესახებ“საქართველოს კანონის 42-ე მუხლის მე-9 პუნქტით „საქართველოს რეგიონებში განსახორციელებელი პროექტებისათვის“გათვალისწინებული ასიგნებიდან საქართველოს ფინანსთა სამინისტრომ (ნ. გილაური) ინფრასტრუქტურის განვითარებისათვის, კერძოდ, გზების, ხიდების, წყალსადენებისა და შენობების სახურავების რეაბილიტაციის სამუშაოთა შესასრულებლად და გაზიფიცირების პროგრამის განსახორციელებლად გამოუყოს 500 000 (ხუთასი ათასი) ლარი შემდეგ მუნიციპალიტეტებს:

ა) გორის მუნიციპალიტეტის გამგეობას – 200 000 (ორასი ათასი) ლარი;

ბ) ქარელის მუნიციპალიტეტის გამგეობას  – 100 000 (ასი ათასი) ლარი;

გ) ხაშურის მუნიციპალიტეტის გამგეობას – 100 000 (ასი ათასი) ლარი;

დ) კასპის მუნიციპალიტეტის გამგეობას – 100 000 (ასი ათასი) ლარი.

2. „სახელმწიფო შესყიდვების შესახებ“საქართველოს კანონის მე-10 მუხლის მე-3 პუნქტის „ე“ქვეპუნქტის შესაბამისად, უფლება მიეცეთ საქართველოს ადმინისტრაციულ-ტერიტორიული ერთეულების აღმასრულებელ ორგანოებს შესყიდვა განახორციელონ ერთ პირთან მოლაპარაკების საშუალებით.

3. განკარგულების შესრულების კონტროლი უზრუნველყოს საქართველოს ფინანსთა სამინისტრომ.  ასევე, კონტროლის განხორციელება ეთხოვოს სახელმწიფო რწმუნებულს – გუბერნატორს საქართველოს ადმინისტრაციულ-ტერიტორიულ ერთეულებში (გორის, კასპის, ქარელის, ხაშურის მუნიციპალიტეტები) ვ. გეგელაშვილს.

4. განკარგულება ძალაშია ხელმოწერის დღიდან.

ვიცე-პრემიერი                      გ. ბარამიძე