სტანდარტული პერსონალური და სტანდარტული პორტაბელური/სატარებელი კომპიუტერების სახელმწიფო შესყიდვის კონსოლიდირებული ტენდერების საშუალებით განხორციელების თაობაზე

საქართველოს მთავრობის

განკარგულება №218

2013 წლის 1 მარტი

ქ. თბილისი

სტანდარტული პერსონალური და სტანდარტული პორტაბელური/სატარებელი კომპიუტერების სახელმწიფო შესყიდვის კონსოლიდირებული ტენდერების საშუალებით განხორციელების თაობაზე

1. „სახელმწიფო შესყიდვების შესახებ“ საქართველოს კანონის 20² მუხლის შესაბამისად, 2013 წლის განმავლობაში სტანდარტული პერსო­ნა­ლური და სტანდარტული პორტაბელური/სატარებელი კომპიუტერე­ბის სახელმწიფო შესყიდვის განსახორციელებლად ჩატარდეს კონსოლი­დირებული ტენდერები.

2. საჯარო სამართლის იურიდიულმა პირმა – კონკურენციისა და სა­ხელმწიფო შესყიდვების სააგენტომ უზრუნველყოს 2013 წლის სტანდარ­ტული პერსონალური და სტანდარტული პორტაბელური/სატარებელი კომპიუტერების კონსოლიდირებული ტენდერების სატენდერო დოკუ­მენ­ტაციის მომზადება და კონსოლიდირებული ტენდერების ჩატარები­სა­თვის კანონმდებლობით დადგენილი სხვა აუცილებელი სამართლებ­რივი და ორგანიზაციული ღონისძიებების განხორციელება.

3. დამტკიცდეს თანდართული სტანდარტული პერსონალური და სტანდარტული პორტაბელური/სატარებელი კომპიუტერების კონსოლი­დირებული ტენდერების სატენდერო კომისიის შემადგენლობა და საქ­მიანობის წესი.

4. „სახელმწიფო შესყიდვების შესახებ“ საქართველოს კანონის 19¹ მუხ­ლის პირველი პუნქტის შესაბამისად, სტანდარტული პერსონალური და სტანდარტული პორტაბელური/სატარებელი კომპიუტერების კონსო­ლი­დირებულ ტენდერებში სატენდერო წინადადების წარდგენის საფა­სური შეადგენს 500 ლარს.

პრემიერ‑მინისტრი                                          ბ. ივანიშვილი

 

2013 წლის სტანდარტული პერსონალური და სტანდარტული პორტაბელური/სატარებელი კომპიუტერების კონსოლიდირებული ტენდერების სატენდერო კომისიის შემადგენლობა და საქმიანობის წესი

1. სტანდარტული პერსონალური და სტანდარტული პორტაბელუ­რი/სატარებელი კომპიუტერების კონსოლიდირებული ტენდერების ჩა­ტა­რების მიზნით შეიქმნას სტანდარტული პერსონალური და სტან­დარ­ტული პორტაბელური/სატარებელი კომპიუტერების კონსოლიდი­რე­ბუ­ლი ტენდერების სატენდერო კომისია (შემდგომში ‑ სატენდერო კომისია).

2. სატენდერო კომისიის შემადგენლობაში შედიან:

ირაკლი ქარსელაძე – საქართველოს მთავრობის კანცელარიის ადმინისტრაციული დეპარტამენტის უფ­­როსი, სატენდერო კომისიის თავ­მჯდომარე

ტატო ურჯუმელაშვილი – სსიპ – კონკურენციისა და სახელმწიფო შესყიდვების სააგენტოს თავმჯდო­მარე, სატენდერო კომისიის წევრი

დიმიტრი ქუმსიშვილი – საქართველოს ეკონომიკისა და მდგრა­დი განვითარების მინისტრის პირველი მოადგილე, სატენდერო კომისიის წევრი

გიორგი თაბუაშვილი – საქართველოს ფინანსთა მინისტრის პირ­ველი მოადგილე, სატენდერო კომი­სიის წევრი

დავით ხუციშვილი – საქართველოს შინაგან საქმეთა სამინის­ტროს საფინანსო–სამეურნეო დეპარ­ტა­მენტის დირექტორი, სატენდერო კომი­სიის წევრი.

3. სატენდერო კომისიას ხელმძღვანელობს სატენდერო კომისიის თავ­მჯდომარე, ხოლო მისი არყოფნის შემთხვევაში – თავმჯდომარის და­ვა­ლებით სატენდერო კომისიის ერთ-ერთი წევრი.

4. სატენდერო კომისიის სხდომა უფლებამოსილია, თუ მას ესწრება სატენდერო კომისიის წევრთა სიითი შემადგენლობის ნახევარზე მეტი. სატენდერო კომისიის სხდომა ტარდება საჭიროებისამებრ.

5. სატენდერო კომისიის სხდომაზე გადაწყვეტილება მიიღება სა­ტენდერო კომისიის დამსწრე წევრთა ხმათა უმრავლესობით. ხმათა თა­ნაბრად გაყოფის შემთხვევაში, გადამწყვეტია სატენდერო კომისიის თავმ­ჯდომარის ხმა.

6. სატენდერო კომისიის წევრს, რომელიც არ ეთანხმება სატენდერო კომისიის გადაწყვეტილებას, უფლება აქვს, წერილობით წარადგინოს თავისი აზრი, რომელიც უნდა დაერთოს სატენდერო კომისიის გადაწ­ყვეტი­ლებას.

7. სატენდერო კომისიის მიერ მიღებული ნებიმისმიერი გადაწ­ყვეტილება ფორმდება ოქმით, რომელსაც ხელს აწერს სატენდერო კომი­სი­ის ყველა დამსწრე წევრი.

8. სატენდერო კომისიის ორგანიზაციულ საქმიანობას უზრუნველ­ყოფს საჯარო სამართლის იურიდიული პირი ‑ კონკურენციისა და სახე­ლ­მწიფო შესყიდვების სააგენტო.