საქართველოში ატომური ელექტროსადგურის მშენებლობის საკითხის შემსწავლელი კომისიის შექმნის შესახებ

საქართველოს მთავრობის

განკარგულება №416

2007 წლის 16 აგვისტო

ქ. თბილისი

საქართველოში ატომური ელექტროსადგურის მშენებლობის საკითხის შემსწავლელი კომისიის შექმნის შესახებ

1. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 29-ე მუხლის შესაბამისად შეიქმნას საქართველოში ატომური ელექტროსადგურის მშენებლობის საკითხის შემსწავლელი კომისია შემდეგი შემადგენლობით:

ნიკა გილაური – საქართველოს ენერგეტიკის მინისტრი კომისიის თავმჯდომარე

კახა ბენდუქიძე – საქართველოს სახელმწიფო მინისტრი რეფორმების კოორდინაციის საკითხებში

გრიგოლ კაკაურიძე – საქართველოს ეკონომიკური განვითარების სამინისტროს ურბანიზაციისა და მშენებლობის დეპარტამენტის უფროსი

სერგო კაკუშაძე – საქართველოს გარემოს დაცვისა და ბუნებრივი რესურსების სამინისტროს ბირთვული და რადიაციული უსაფრთხოების სამსახურის უფროსის მოვალეობის შემსრულებელი

გიორგი კურტანიძე – საქართველოს ენერგეტიკის სამინისტროს ადმინისტრაციული დეპარტამენტის უფროსის მოადგილე

ზაალ ლომთაძე – საქართველოს გარემოს დაცვისა და ბუნებრივი რესურსების მინისტრის მოადგილე

არჩილ ნიკოლაიშვილი         – საქართველოს ენერგეტიკის მინისტრის მოადგილე

ენვერ ჩიჩუა – საქართველოს ენერგეტიკის სამინისტროს ენერგოსისტემის კოორდინაციისა და მონიტორინგის დეპარტამენტის უფროსი

დიმიტრი ძაგნიძე – საქართველოს იუსტიციის მინისტრის მოადგილე

2. კომისიის მუშაობაში მონაწილეობის მიღება ეთხოვოთ:

შუქრი აბრამიძეს        – საქართველოს ანდრონიკაშვილის ფიზიკის ინსტიტუტის გამოყენებითი კვლევების ცენტრის ხელმძღვანელს

გია არაბიძეს – საქართველოს ტექნიკური უნივერსიტეტის ენერგეტიკისა და ტელეკომუნიკაციის ფაკულტეტის დეკანს

ვაჟა გოგინაშვილს      – ბიოფიზიკოსს

გივი მაისურაძეს – საქართველოს განათლების სამინისტროს ალექსანდრე ჯანელიძის სახელობის გეოლოგიის ინსტიტუტის უფროს მეცნიერ-თანამშრომელს, წამყვან კონსულტანტს

პაატა რეკვავას – საქართველოს კირიაკ ზავრიევის სამშენებლო მექანიკის და სეისმომედეგობის ინსტიტუტის დირექტორს

თამაზ ჭელიძეს – მიხეილ ნოდიას სახელობის გეოფიზიკის ინსტიტუტის სამეცნიერო საბჭოს თავმჯდომარეს.

3. განკარგულება ძალაშია ხელმოწერის დღიდან.

 პრემიერ-მინისტრი                     ზ. ნოღაიდელი