საქართველოს შრომის, ჯანმრთელობისა და სოციალური დაცვის სამინისტროს ბალანსზე რიცხული სახელმწიფო ქონების თხოვების ფორმით გადაცემის შესახებ

საქართველოს მთავრობის

განკარგულება №180

2009 წლის 10 მარტი

ქ. თბილისი

საქართველოს შრომის, ჯანმრთელობისა და სოციალური დაცვის სამინისტროს ბალანსზე რიცხული სახელმწიფო ქონების თხოვების ფორმით გადაცემის შესახებ

1. „სახელმწიფო საკუთრებაში არსებული მოძრავი ნივთის საქართველოს სამოქალაქო კოდექსით გათვალისწინებული ფორმებით სარგებლობის უფლებით მართვის (გადაცემის) წესის შესახებ დებულების დამტკიცების თაობაზე“ საქართველოს მთავრობის 2005 წლის 3 დეკემბრის №218 დადგენილებით დამტკიცებული დებულების მე-2 მუხლის მე-6 პუნქტის შესაბამისად „საქართველოს მეან-გინეკოლოგთა ასოციაციას“ არსებობის ვადით, თხოვების ფორმით გადაეცეს საქართველოს შრომის, ჯანმრთელობისა და სოციალური დაცვის სამინისტროს ბალანსზე რიცხული სახელმწიფო საკუთრებაში არსებული მოძრავი ქონება – სამი ელექტროკოაგულატორი (ელექტროდანა), MEDILAP 4000 (ფაქტურა/ინვოისის ნომერი: FA CA 060964; ღირებულება 5716 ევრო).

2. საქართველოს ეკონომიკური განვითარების სამინისტრომ უზრუნველყოს „საქართველოს მეან-გინეკოლოგთა ასოციაციისათვის“ ზემოაღნიშნული ქონების გადასაცემად საჭირო ღონისძიებათა განხორციელება მოქმედი კანონმდებლობის შესაბამისად.

3. განკარგულება ძალაშია ხელმოწერის დღიდან.

პრემიერ-მინისტრი                                                                             ნ. გილაური