შპს „საქართველოს აეროპორტების გაერთიანების“ მიერ სახელმწიფო შესყიდვების გამარტივებული შესყიდვის საშუალებით განხორციელებისა და შპს „საქართველოს აეროპორტების გაერთიანებასა“ და კომპანია Société Internationale de Télécommunications Aéronautiques S.C. (SITA)-ს შორის გასაფორმებელი ხელშეკრულების პროექტის მოწონების შესახებ

საქართველოს მთავრობის

განკარგულება №1096

 2013 წლის 21 აგვისტო

ქ. თბილისი

შპს „საქართველოს აეროპორტების გაერთიანების“ მიერ სახელმწიფო შესყიდვების გამარტივებული შესყიდვის საშუალებით განხორციელებისა და შპს „საქართველოს აეროპორტების გაერთიანებასა“ და კომპანია Société Internationale de Télécommunications Aéronautiques S.C. (SITA)-ს შორის გასაფორმებელი ხელშეკრულების პროექტის მოწონების შესახებ

1. „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიებების შეზღუდულ ვადებში შეუფერხებლად გატარების მიზნით, შპს „საქართველოს აეროპორტების გაერთიანებამ“, ქუთაისის დავით აღმაშენებლის საერთაშორისო აეროპორტის სრულყოფილად ფუნქციონირების მიზნით, საკომუნიკაციო სისტემით უზრუნველყოფის მომსახურების შესყიდვა განახორციელოს კომპანია Société Internationale de Télécommunications Aéronautiques S.C. (SITA)-სგან გამარტივებული შესყიდვის საშუალებით.

2. „უცხოელი კონტრაჰენტების მონაწილეობით ხელშეკრულებების გაფორმებასთან დაკავშირებულ ზოგიერთ ღონისძიებათა შესახებ“ საქართველოს მთავრობის 2010 წლის 11 მაისის №139 დადგენილების პირველი მუხლის „ა“ ქვეპუნქტის საფუძველზე, მოწონებულ იქნეს შპს „საქართველოს აეროპორტების გაერთიანებასა“ და კომპანია Société Internationale de Télécommunications Aéronautiques S.C. (SITA)-ს შორის გასაფორმებელი ხელშეკრულების პროექტი.

3. „სახელმწიფო შესყიდვების შესახებ“ საქართველოს კანონის 21-ე მუხლის მე-4 პუნქტისა და „გამარტივებული შესყიდვის, გამარტივებული ელექტრონული ტენდერისა და ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2011 წლის 7 აპრილის №9 ბრძანებით დამტკიცებული წესის მე-19 მუხლის მე-12 პუნქტის შესაბამისად, ამ განკარგულების მე-2 პუნქტით გათვალისწინებული ხელშეკრულების მიმართ არ გავრცელდეს ზემოაღნიშნული ბრძანებით დამტკიცებული წესის მე-19 მუხლის მე-7 პუნქტითა და 21-ე მუხლით დადგენილი მოთხოვნები.

პრემიერ-მინისტრი                                                                      ბ. ივანიშვილი