საჯარო სამართლის იურიდიული პირის - სოფლის მეურნეობის სამეცნიერო - კვლევითი ცენტრის დებულების დამტკიცების შესახებ

ა)  ცენტრის საქმისწარმოების ორგანიზება და არქივის წარმოება, სახელმწიფო უწყებიდან, ფიზიკური ან იურიდიული პირებისაგან, შემოსული წერილების ან ცენტრში წარმოებული სხვა ნებისმიერი დოკუმენტაციის თუ კორესპონდენციის  რეგისტრაცია, მათი მოძრაობის ან შესრულებულ დავალებათა აღრიცხვა;

ბ) ცენტრის საქმიანობის სამართლებრივი უზრუნველყოფა, დირექტორის ინდივიდუალური ადმინისტრაციულ-სამართლებრივი აქტების პროექტების მომზადება, ცენტრის ინტერესების სამართლებრივი დაცვა;

გ) იმ ხელშეკრულებათა შედგენა ან/და მათ შედგენაში მონაწილეობის მიღება, რომლებშიც მხარედ წარმოდგენილია  ცენტრი;

დ) კომპეტენციის ფარგლებში, შესაბამისი დარგის სპეციალისტების მონაწილეობით, ფიზიკური და იურიდიული პირებისაგან მიღებული განცხადებების, საჩივრებისა და წერილების განხილვა;

ე) საერთაშორისო ურთიერთობებში, სამეცნიერო კვლევითი ცენტრის ინტერესების წარმოდგენა;

ვ) საქართველოს კანონმდებლობით დადგენილი წესით საჯარო ინფორმაციის გაცემა;

ზ) ცენტრის თანამშრომელთა პირადი საქმეების წარმოება და თანამშრომელთა სამსახურში გამოცხადების აღრიცხვა;

თ) ცენტრის თანამშრომლების საქართველოში და საზღვარგარეთ (სემინარებზე, კონფერენციებზე და სხვა) სამივლინებო დოკუმენტების მომზადების უზრუნველყოფა;

ი) ცენტრის საინფორმაციო ტექნოლოგიების ტექნიკური უზრუნველყოფა;

კ) სამეურნეო საქმიანობის უზრუნველყოფა და ცენტრის ქონების ინვენტარიზაციის ჩატარების ორგანიზება;

ლ) სამეურნეო და მატერიალურ ტექნიკური მომსახურების უზრუნველყოფა;

მ) ცენტრის ფუნქციონირებისათვის საჭიროა მატერიალურ-ტექნიკური და სხვა რესურსების გამართული მუშაობის უზრუნველყოფა;

ნ) მატერიალურ ფასეულობათა მიღების,   აღრიცხვის, შენახვისა და მათი მდგომარეობის კონტროლის განხორციელება;

ო) სასაწყობო მეურნეობის წარმართვა.

2. ფინანსური და საბუღალტრო სამსახურის ფუნქციებია:

ა) საფინანსო-საბიუჯეტო ურთიერთობების წარმართვა, ბუღალტრული აღრიცხვის ორგანიზება, ფინანსური ანალიზი;

ბ) ფულადი სახსრებისა და მატერიალურ ფასეულობათა მიზნობრივი დანიშნულებით გამოყენებაზე კონტროლი;

გ) საქართველოს კანონმდებლობის შესაბამისად სახელმწიფო შესყიდვების       განხორციელება.

3. მრავალწლიანი კულტურების კვლევისა და სარგავი მასალების წარმოების  დეპარტამენტის ფუნქციებია:

ა) სასოფლო–სამეურნეო მცენარეთა გაშენებისა და  მოვლის უსაფრთხო, თანამედროვე ბიოდინამიკური ტექნოლოგიების კვლევა, დამუშავება, დანერგვა;

ბ) ჯანსაღი სამყნობი და სარგავი მასალების ქვეყნის შიგნით წარმოების ინტენსიური ტექნოლოგიების კვლევა, შემუშავება, სერტიფიცირებული ნერგის წარმოების ხელშეწყობა;

გ) სასოფლო–სამეურნეო კულტურათა გენეტიკური და ფენოტიპური კვლევა, მოძიება, გენოფონდის დაცვა–კონსერვაცია;

დ) ახალი ჯიშების ინტროდუქცია, სელექცია და ჯიშთა გამოცდა, პროდუქტიულობისა და კონკურენტუნარიანობის გაუმჯობესება;

ე) სასოფლო–სამეურნეო პროდუქტების ორგანოლეპტიკური და სამეურნეო ტექნოლოგიური მახასიათებლების კვლევა;

ვ) სასოფლო–სამეურნეო პროდუქტთა შენახვა–გადამუშავების თანამედროვე ტექნოლოგიების კვლევა.

4.  ერთწლიანი კულტურების კვლევის დეპარტამენტის ფუნქციებია: 

ა) კარტოფილის, ბოსტნეულის, ბაღჩეული, მარცვლეული და პარკოსანი კულტურების თესვისა და მოვლა–მოყვანის ტექნოლოგიების კვლევა, დამუშავება, გავრცელება, ადგილი თესლბრუნვაში;

ბ) ჯიშთა გამოცდა, შერჩევა, სელექციურ მიღწევათა პოპულარიზაცია;

გ) რეგიონებში ჯიშთა გამოცდის ნაკვეთების მოწყობა;

დ) კარტოფილის ელიტური სათესლე მასალის მიღების თანამედროვე ტექნოლოგიების სრულყოფა, დამუშავება, დანერგვა In vitro პირობებში;

ე) სათესლე, საჩითილე და სარგავი მასალის წარმოების ტექნოლოგიების კვლევა, შემუშავება ღია და დახურულ გრუნტში;

ვ) საქართველოს პირობებისთვის აპრობირებული ამჟამად არაკულტივირებული, მივიწყებული ჯიშების კვლევა და აღდგენის ხელშეწყობა;

ზ) მარცვლოვანი და პარკოსანი კულტურების ჯიშების გავრცელების ხელშეწყობა.  

5. ნიადაგის ნაყოფიერების კვლევის სამსახურის ფუნქციებია:

ა) ნიადაგების ნაყოფიერების შესწავლა;

ბ) დეგრადირებული ნიადაგების სტრუქტურის გაუმჯობესება და ნაყოფიერების ამაღლების კვლევა, დანერგვა;

გ) ნიადაგის ტენმომარაგებისა და რწყვის წესების მეცნიერული უზრუნველყოფა;

დ) ნიადაგის დამუშავების სისტემები ერთწლიან და მრავალწლიან კულტურებში;

ე) ნიადაგის განოყიერების სისტემების (ორგანული, მინერალური) რეგულირება, ნარჩენი ნივთიერებების ზემოქმედების შესწავლა;

ვ) ნიადაგთან დაკავშირებული რისკის ფაქტორების კვლევა და შეფასება.

6. ბიოაგროწარმოების სამსახურის  ფუნქციებია:

ა) ბიოაგროწარმოების თვისებრივი მახასიათებლების (ნიადაგი, ტექნიკური პირობები, ბიოეკოლოგიური ფაქტორები) კვლევა და რეკომენდაციების შემუშავება;

ბ) ბიოლოგიურად აქტიური ნივთიერებების კვლევა და მათი გამოყენების რეკომენდაციების შემუშავება;

გ) ბიოაგროწარმოების ბიოეკოლოგიური  და ეკონომიკური ეფექტურობის კვლევის მეთოდების შემუშავება.     

7. მეცხოველეობის და საკვებწარმოების კვლევის დეპარტამენტის ფუნქციებია:

ა) სასოფლო–სამეურნეო ცხოველთა და ფრინველთა ენდემური ჯიშების სანაშენე და პროდუქტიული თვისებების გაუმჯობესების მიზნით კვლევა;

 ბ) მაღალპროდუქტიული ჯიშების გავრცელება, გამრავლება და მოვლის თანამედროვე ტექნოლოგიური კვლევის შემუშავება;

გ) სანაშენე აღრიცხვის ერთიანი სისტემის შემუშავება და სანაშენე პირუტყვზე საინფორმაციო ბანკის შექმნა;

 დ) ცხოველთა ადგილობრივი ჯიშების გენოფონდის გენ–ბანკის შექმნა.

8. მცენარეთა ინტეგრირებული დაცვის კვლევის სამსახურის ფუნქციებია:

ა) მცენარეთა დაცვის ინტეგრირებული სისტემების კვლევა და დანერგვის ღონისძიებების შემუშავება;

ბ) მცენარეთა მავნებლებისა და დაავადებების (სოკოვანი, ბაქტერიული, ვირუსული, ვიროიდული და ფიტოპლაზმური) კვლევა და ბრძოლის თანამედროვე ღონისძიებების შემუშავება;

გ) სარეველა მცენარეების კვლევა და ბრძოლის თანამედროვე ღონისძიებების შემუშავება;

 დ) მცენარეთა ქიმიური და ბიოლოგიური დაცვის მეთოდების (ახალი პესტიციდების) კვლევა;

 ე) საკარანტინო მავნე ორგანიზმების კონტროლის მექანიზმების შემუშავება.

9. სათესლე და სარგავი მასალების სტანდარტებისა და სერტიფიცირების სამსახური:

ა) მცენარეთა სათესლე და სარგავი მასალების სტანდარტის – ტექნიკური (ბიომეტრიული) მახასიათებლების  კონტროლის მექანიზმების შემუშავება;

 ბ) სათესლე და სარგავი მასალების ფიტოსანიტარული  კონტროლის მექანიზმების შემუშავება;

 გ) სათესლე და სარგავი მასალების ხარისხის საერთაშორისო სტანდარტებთან შესაბამისობის კვლევა;

 დ) სათესლე და სარგავი მასალების სერტიფიცირების საერთაშორისო სისტემების კვლევა და საქართველოს პირობებისთვის წინადადებების შემუშავება.

10. აგროსექტორის მექანიზირებული სერვისების კვლევის სამსახურის ფუნქციებია:

ა) სასოფლო–სამეურნეო ოპერაციებისათვის განკუთვნილი თანამედროვე ტექნიკური საშუალებების კვლევა, კლასიფიცირება – საქართველოს მრავალფეროვანი ნიადაგური და კლიმატური პირობების გათვალისწინებით;

ბ) ნიადაგის დასამუშავებელი სასოფლო–სამეურნეო აგრეგატების კვლევა;

გ) მცირემიწიანი, მთაგორიანი ადგილების ნიადაგების მექანიზებული ღინისძიებების კვლევა და გავრცელება.

11. რეგიონებთან ურთიერთობისა და ექსტენციის სამსახურის ფუნქციებია:

ა) მუნიციპალიტეტებში სამინისტროს საინფორმაციო-საკონსულტაციო სამსახურებთან  თანამშრომლობა;

ბ) სამეცნიერო კვლევებისა და ანალიზის შედეგად მიღებული ინოვაციური ტექნოლოგიების, სასოფლო – სამეურნეო კულტურათა, ახალი ჯიშების და ჰიბრიდების, სათესლე და სარგავი მასალების ბეჭდური და საილუსტრაციო მასალების გავრცელება;

გ) რეგიონებში ლექცია-სემინარების ჩატარება: მცენარეთა და ცხოველთა ახალი ჯიშების მოვლა-მოყვანის, დაცვის, სასოფლო–სამეურნეო პროდუქტთა წარმოების, შენახვა – გადამუშავების და სხვა სამეწარმეო საქმიანობის შესახებ;

დ) სადემონსტრაციო დღეების მოწყობა.

12. რისკის  შეფასების  სამსახურის ფუნქციებია:

ა) მოსახლეობის ჯანმრთელობაზე, მცენარეთა სიჯანსაღეზე და ცხოველთა ჯანმრთელობაზე  საფრთხეების რეალური ან/და პოტენციური ზეგავლენის  გამოვლენის ალბათობისა და  სიმძიმის შეფასება;

ბ) სურსათის/ცხოველის საკვების, ვეტერინარიისა და მცენარეთა დაცვის სფეროში რისკებთან  დაკავშირებული  ხელმისაწვდომი, ადგილობრივ და საერთაშორისო დონეზე მეცნიერულად დასაბუთებული შედეგებისა და მონაცემების მოძიება და ანალიზი;

გ) ახალი საფრთხეების იდენტიფიცირება და აღწერა;

დ) საფრთხის თავისებურებიდან გამომდინარე, რისკების მისაღები დონის დადგენა;

ე) რისკის შეფასებისას გაუთვალისწინებელი ფაქტორების დადგენა და ანალიზი;

ვ) რისკის შეფასების მეთოდური უზრუნველყოფა;

ზ) დაინტერესებული მხარეების თანამშრომლობის ხელშეწყობა;

თ) შესაძლო საფრთხეებთან დაკავშირებით სამეცნიერო დასკვნის წარდგენა შესაბამისი უფლებამოსილი ორგანოებისა და სხვა დაინტერესებული მხარეებისათვის;

ი) მეცნიერული და საექსპერტო დახმარება საგანგებო ვითარების დროს საგანგებო ზომების მიღებისას.