არასამეწარმეო (არაკომერციული) იურიდიული პირისათვის – ასოციაცია საქართველოს ეს-ო-ეს ბავშვთა სოფლისათვის უძრავი ქონების უსასყიდლო უზუფრუქტის ფორმით გადაცემაზე თანხმობის მიცემის შესახებ

საქართველოს მთავრობის

განკარგულება №331

2014 წლის 21 თებერვალი

ქ. თბილისი

არასამეწარმეო (არაკომერციული) იურიდიული პირის ათვის – ასოციაცია საქართველოს ეს-ო-ეს ბავშვთა სოფლისათვის  უძრავი ქონების უსასყიდლო უზუფრუქტის ფორმით გადაცემაზე თანხმობის მიცემის შესახებ

1. „სახელმწიფო ქონების შესახებ“ საქართველოს კანონის 36-ე მუხლის მე-2 პუნქტის შესაბამისად, მიეცეს თანხმობა საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებულ სსიპ – სოციალური მომსახურების სააგენტოს , რომ არასამეწარმეო (არაკომერციულ) იურიდიულ პირს –ასოციაცია  საქართველოს ეს-ო-ეს ბავშვთა სოფელს (ს /კ 203839427) უ სასყიდლო უზუფრუქტის ფორმით, 2017 წლის 1 იანვრამდე,  გადასცეს  სსიპ – სოციალური მომსახურების სააგენტოს ბალანსზე რიცხული  ქ. ზუგდიდში, რუსთაველის ქ. №93-ში მდებარე შენობა­‑ნაგებობის მე-3 სართულზე არსებული 257.00 კვ.მ არასაცხოვრებელი ფართი (საკადასტრო კოდი – №43.34.03.006.01.506). 

2. ამ განკარგულების პირველი პუნქტით გათვალისწინებული უსასყიდლო უზუფრუქტის ფორმით გადაცემა განხორციელდეს შემდეგი პირობებით:

ა) ა(ა)იპ – ასოციაცია საქართველოს ეს-ო-ეს ბავშვთა სოფელმა განახორციელოს შენობის რეაბილიტაცია;

ბ) ა(ა)იპ - ასოციაცია საქართველოს ეს-ო-ეს ბავშვთა სოფელმა ამ განკარგულებით გადაცემულ  ქონებაზე განახორციელოს სოციალური სერვისები.

3.  ამ განკარგულების  მე-2 პუნქტით გათვალისწინებული პირობები განხორციელდეს შესაბამისი ხელშეკრულების დადებიდან ხელშეკრულების მოქმედების პერიოდში – 2017 წლის 1 იანვრამდე .

4. ამ განკარგულების შესრულების მიზნით, საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებულმა სსიპ –სოციალური მომსახურების სააგენტომ განახორციელოს შესაბამისი ღონისძიებები.

პრემიერ-მინისტრი                                                                                    ი . ღარიბაშვილი