„საქართველოს ევროკავშირში ინტეგრაციის კომისიის შექმნის შესახებ“ საქართველოს მთავრობის 2004 წლის 10 ივლისის №76 განკარგულებაში ცვლილების შეტანის თაობაზე

საქართველოს მთავრობის

განკარგულება №192 1

2012 წლის 2 ნოემბერი

ქ. თბილისი

 „საქართველოს ევროკავშირში ინტეგრაციის კომისიის შექმნის შესახებ“ საქართველოს მთავრობის 2004 წლის 10 ივლისის №76 განკარგულებაში ცვლილების შეტანის თაობაზე

საქართველოს ზოგადი ადმინისტრაციული კოდექსის63 -ე მუხლის შესაბამისად, „საქართველოს ევროკავშირში ინტეგრაციის კომისიის შექმნის შესახებ“ საქართველოს მთავრობის 2004 წლის 10 ივლისის №76 განკარ­გულებაში შეტანილ იქნეს ცვლილება და პირველი პუნქტი ჩამოყალიბდეს შემდეგი რედაქციით:

„1. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 29-ე მუხლის პირველი პუნქტის შესაბამისად, შეიქმნას საქართველოს ევროკავშირში ინტეგრაციის კომისია (შემდგომში – კომისია) შემდეგი შემადგენლობით:

1.საქართველოს პრემიერ-მინისტრი, კომისიის თავმჯდომარე;

2. ევროპულ და ევროატლანტიკურ სტრუქტურებში ინტეგრაციის საკით­ხებში საქართველოს სახელმწიფო მინისტრი, კომისიის თავმჯდომარის მოადგილე;

3. საქართველოს საგარეო საქმეთა მინისტრი, კომისიის თავმჯდომარის მოადგილე;

4. საქართველოს ენერგეტიკისა და ბუნებრივი რესურსების მინისტრი;

5. საქართველოს იუსტიციის მინისტრი;

6. საქართველოს განათლებისა და მეცნიერების მინისტრი;

7. საქართველოს კულტურისა და ძეგლთა დაცვის მინისტრი;

8. საქართველოს შინაგან საქმეთა მინისტრი;

9. საქართველოს შრომის, ჯანმრთელობისა და სოციალური დაცვის მინისტრი;

10. რეინტეგრაციის საკითხებში საქართველოს სახელმწიფო მინისტრი;

11. საქართველოს სპორტისა და ახალგაზრდობის საქმეთა მინისტრი;

12. საქართველოს გარემოს დაცვის მინისტრი;

13. საქართველოს ოკუპირებული ტერიტორიებიდან იძულებით გადაად­გილებულ პირთა, განსახლებისა და ლტოლვილთა მინისტრი;

14. საქართველოს ეკონომიკისა და მდგრადი განვითარების მინისტრი;

15. საქართველოს სოფლის მეურნეობის მინისტრი;

16. საქართველოს ფინანსთა მინისტრი;

17. საქართველოს სასჯელაღსრულების, პრობაციისა და იურიდიული დახმარების საკითხთა მინისტრი;

18. დიასპორის საკითხებში საქართველოს სახელმწიფო მინისტრი;

19. საქართველოს რეგიონული განვითარებისა და ინფრასტრუქტურის მინისტრი;

20. დასაქმების სახელმწიფო მინისტრი;

21. ევროპულ და ევროატლანტიკურ სტრუქტურებში ინტეგრაციის საკით­ხებში საქართველოს სახელმწიფო მინისტრის მოადგილე;

22. ევროპულ და ევროატლანტიკურ სტრუქტურებში ინტეგრაციის საკით­ხებში საქართველოს სახელმწიფო მინისტრის აპარატის ევროინ­ ტეგ­ რაციის საკითხთა კოორდინაციის დეპარტამენტის უფროსი, კომისიის მდივანი.“.

პრემიერ-მინისტრი  ბ . ივანიშვილი