ვეტერანების საქმეთა სახელმწიფო სამსახურის ორგანიზებისა და ვეტერანთა სოციალური დაცვის საკითხთა სამთავრობო კომისიის შექმნის შესახებ

საქართველოს მთავრობის

განკარგულება №20 10

2012 წლის 13 დეკემბერი

ქ. თბილისი

ვეტერანების საქმეთა სახელმწიფო სამსახურის ორგანიზებისა და ვეტერანთა სოციალური დაცვის საკითხთა სამთავრობო კომისიის შექმნის შესახებ

1. „საქართველოს მთავრობის სტრუქტურის, უფლებამოსი­ლე­ბი­სა და საქ­მიანობის წესის შესახებ“ საქართველოს კანონის 29-ე მუხლის პირვე­ლი პუნქტის შესაბამისად, შეიქმნას ვეტერანების საქმეთა სახელმ­წი­ფო სამსახურის ორგანიზებისა და ვეტერანთა სოციალური დაცვის სა­კითხთა სამთავრობო კომისია (შემდგომში – კომისია) შემდეგი შემად­გენ­ლობით:

ა) საქართველოს შრომის, ჯანმრთელობისა და სოციალური დაცვის სა­მინისტროს წარმომადგენელი, კომისიის თავმჯდომარე;

ბ) საქართველოს თავდაცვის სამინისტოს წარმომადგენელი;

გ) საქართველოს იუსტიციის სამინისტროს წარმომადგენელი;

დ) საქართველოს შინაგან საქმეთა სამინისტროს წარმომადგენელი;

ე) საქართველოს ფინანსთა სამინისტროს წარმომადგენელი.

2. კომისია იქმნება ვეტერანების საქმეთა სახელმწიფო სამსა­ხუ­რის ორ­გა­ნი­ზებასთან, ომისა და სამხედრო ძალების ვეტერანთა და მათი ოჯახის წევრთა, ასევე საქართველოს ტერიტორიული მთლიანობისა­თვის, თავის­უფ­ლებისა და დამოუკიდებლობისათვის დაღუპულ, უგზო-უკვლოდ დაკარგულ, მიღებული ჭრილობების შედეგად გარდაცვლილ პირთა ოჯა­ხებთან დაკავშირებულ საკითხებში საქართველოს მთავრობის ერთი­ანი პოლი­ტიკის განსაზღვრისა და დაცვის ღონისძიებების გაუმჯო­ბესე­ბის მიზნით.

3.კომისიის ფუნქციები და ამოცანებია:

ა) წინადადებებისა და რეკომენდაციების, სამართლებრივი ხასიათის პროექტების მომზადება ვეტერანების საქმეთა სახელმწიფო სამსახურის ორგანიზებასთან დაკავშირებული საკითხების თაობაზე;

ბ) წინადადებების, რეკომენდაციების, სამართლებრივი ხასიათის პრო­ექ­ტების შემუშავება ომისა და სამხედრო ძალების ვეტერანთა და მათი ოჯახის წევრთა, ასევე საქართველოს ტერიტორიული მთლიანო­ბი­სა­თვის, თავისუფლებისა და დამოუკიდებლობისათვის დაღუპულ, უგზო-უკვლოდ დაკარგულ, მიღებული ჭრილობების შედეგად გარდაცვლილ პირთა ოჯახების სოციალური მდგომარეობის გაუმჯობესებისაკენ მიმარ­თული პროცესების მართვის სახელმწიფოებრივი სისტემის გაუმჯობე­სების მიზნით.

4. კომისია უფლებამოსილია:

ა) შეისწავლოს და წარმოადგინოს წინადადებები ვეტერანების საქმეთა სახელმწიფო სამსახურის ორგანიზებასთან და ომისა და სამხედრო ძალე­ბის ვეტერანებთან დაკავშირებულ საკითხებზე საერთა­შო­რისო გამოც­დი­ლების გაზიარების თაობაზე;

ბ) შეიმუშავოს წინადადებები ვეტერანების საქმეთა სახელმწიფო სამსა­ხურის ორგანიზაციული ფორმის, სტრუქტურული დაქვემდებარების და სახელმწიფოს მმართველობის ორგანოთა სისტემაში მისი ადგილის შე­სახებ;

გ) განიხილოს სამართლებრივი აქტების პროექტები, რომლებიც უკავ­შირ­დება ომისა და სამხედრო ძალების ვეტერანების, ასევე საქართველოს ტერიტორიული მთლიანობისათვის, თავისუფლებისა და დამოუკიდე­ბ­ლობისათვის დაღუპულ, უგზო-უკვლოდ დაკარგულ, მიღებული ჭრი­ლო­ბების შედეგად გარდაცვლილ პირთა ოჯახების სოციალური დაცვის საკითხებს და წარმოადგინოს წინადადებები მათი სრულყოფის შესახებ;

დ) საქართველოს სამინისტროებისაგან, სხვა საჯარო დაწესებულებე­ბისა და ორგანიზაციებისაგან მოითხოვოს და მიიღოს კომისიის საქმია­ნო­­ბი­სათვის აუცილებელი ინფორმაცია;

ე) შექმნას თემატური სამუშაო ჯგუფები შესაბამისი სამინისტროების, სახელ­მწიფო უწყებების, ორგანიზაციებისა და დამოუკიდებელი ექსპერ­ტების მონაწილეობით;

ვ) მოამზადოს და საქართველოს მთავრობას განსახილველად წარუდ­გი­ნოს შესაბამისი გადაწყვეტილებებისა და სამართლებრივი აქტების პროექტები.

5. კომისიის მუშაობის წესი განისაზღვრება კომისიის თავ­მჯ­დომარის მიერ.

 პრემიერ-მინისტრი ბ . ივანიშვილი