„საჯარო სამართლის იურიდიული პირის - აჭარის მ. კუხიანიძის სახელობის სიმღერისა და ცეკვის სახელმწიფო ანსამბლის დაფუძნებისა და დებულების დამტკიცების შესახებ“ აჭარის ავტონომიური რესპუბლიკის მთავრობის 2005 წლის 5 ივლისის N63 დადგენილებაში ცვლილების შეტანის თაობაზე

აჭარის ავტონომიური რესპუბლიკის მთავრობის

დადგენილება №19

2014 წლის 20 მაისი

ქ. ბათუმი

„მუხლი 4. ანსამბლის ხელმძღვანელობა

1. ანსამბლის საერთო საქმიანობას ხელმძღვანელობს ანსამბლის დირექტორი, რო­მელსაც აჭარის ავტონომიური რესპუბლიკის განათლების, კულტურისა და სპორტის მი­ნისტრის (შემდგომში – მინისტრი) წარდგინებით თანამდებობაზე ნიშნავს მთავრობა, ხოლო თანამდებობიდან ათავისუფლებს მთავრობა მინისტრის წარდგინებით ან საკუთარი ინიციატივით.

2. ანსამბლის შემოქმედებით საქმიანობას წარმართავს ანსამბლის დირექტორის პირ­ველი მოადგილე (სამხატვრო ხელმძღვანელი), რომელსაც მინისტრის წარდგინებით თანამ­დებობაზე ნიშნავს და ათავისუფლებს აჭარის ავტონომიური რესპუბლიკის მთავრობის თავმჯდომარე.

3. ანსამბლის მოსამზადებელი ქორეოგრაფიული ჯგუფისა და ანსამბლთან არსებული სკოლა-სტუდიების საქმიანობას წარმართავს ანსამბლის დირექტორის მოადგილე (ქორე­ოგ­რაფიის დარგში),  რომელსაც მინისტრის წარდგინებით თანამდებობაზე ნიშნავს და ათა­ვისუფლებს აჭარის ავტონომიური რესპუბლიკის მთავრობის თავმჯდომარე.

4. ანსამბლის შემოქმედებითი განვითარების მიზნით ანსამბლის დირიჟორი, ორკესტრის ხელმძღვანელი და ქორეოგრაფი დირექტორის პირველ მოადგილესთან შეთანხმებით დირექტორს წარუდგენს მოცეკვავე, მომღერალი და მუსიკოსი მსახიობების კანდიდატურებს კანონმდებლობით  გათვალისწინებული წესით.

5. ანსამბლის დირექტორის მიერ თავისი მოვალეობის შესრულების შეუძლებლობის, ადგილზე არყოფნის ან უფლებამოსილების ვადამდე შეწყვეტის შემთხვევაში ანსამბლის დირექტორის მოვალეობას დროებით ასრულებს ანსამბლის დირექტორის პირველი მოადგილე (სამხატვრო ხელმძღვანელი), ხოლო მის მიერ მოვალეობის შესრულების შეუძლებლობის, ადგილზე არყოფნის ან უფლებამოსილების ვადამდე შეწყვეტის შემთხვევაში – ანსამბლის დირექტორის მოადგილე (ქორეოგრაფიის დარგში).’’;

,,მუხლი 6.  სამხატვრო საბჭო

1. სამხატვრო საბჭო წარმოადგენს ანსამბლის საკონსულტაციო ორგანოს შემოქ­მე­დებითი საქმიანობის სფეროში.  

2. სამხატვრო საბჭო განიხილავს:

ა) ანსამბლის შემოქმედებითი განვითარების გეგმასა და ანსამბლის შემოქმედებით მოღვაწეობასთან დაკავშირებულ საკითხებს;

ბ)  ანსამბლის შემოქმედებითი საქმიანობის მიმდინარეობას და აფასებს მიღწეულ   შემოქმედებით შედეგებს;

გ) განიხილავს სხვა შემოქმედებით დაწესებულებებთან თანამშრომლობის, ერთობ­ლივ შემოქმედებით სამუშაოთა დაგეგმვისა და მათ მიმდინარეობასთან დაკავშირებულ საკითხებს.

3. სამხატვრო საბჭოს წევრთა რაოდენობა განისაზღვრება არანაკლებ 7 წევრით.

4. სამხატვრო საბჭოს შემადგენლობაში შედიან: სამხატვრო ხელმძღვანელი; სამ­ხატვრო ხელმძღვანელის მიერ მოწვეული შესაბამისი კომპეტენციის მქონე პირები; ანსამბ­ლის შემოქმედებითი კოლექტივის 2/3-ის მიერ არჩეული სამი წევრი (მოცეკვავე მსახიობი,  მომღერალი მსახიობი და  ორკესტრის მსახიობი).

5. სამხატვრო საბჭოს სხდომაზე განხილულ საკითხებთან დაკავშირებით გადაწყვე­ტილება მიიღება სამხატვრო საბჭოს  შემადგენლობის უმრავლესობით. სამხატვრო საბჭო გადაწყვეტილებაუნარიანია, თუ სხდომას ესწრება სამხატვრო საბჭოს შემადგენლობის 2/3.

6. სამხატვრო საბჭოს სხდომას ხელმძღვანელობს ანსამბლის სამხატვრო ხელმძღ­ვანელი.’’;

,,მუხლი 5¹. ანსამბლის სამხატვრო ხელმძღვანელის უფლებამოსილება

ანსამბლის სამხატვრო ხელმძღვანელი უშუალოდ მონაწილეობს შემოქმედებით საქმიანობაში, ანსამბლის რეპერტუართან დაკავშირებულ გადაწყვეტილებათა მიღებაში და პასუხისმგებელია რეპერტუარის ხარისხზე.

მუხლი 5². ანსამბლის დირექტორის მოადგილის (ქორეოგრაფიის დარგში) უფ­ლებამოსილება

ანსამბლის დირექტორის მოადგილე (ქორეოგრაფიის დარგში):  

ა) სამხატვრო ხელმძღვანელთან შეთანხმებით იღებს გადაწყვეტილებებს ანსამბლში ქორეოგრაფიის მიმართულებით, გარდა ძირითადი ქორეოგრაფიული ჯგუფისა, რომელსაც ხელმძღვანელობს მთავარი ქორეოგრაფი;

ბ) ანსამბლის დირექტორსა და სამხატვრო ხელმძღვანელთან შეთანხმებით მო­ნა­წილეობს და გეგმავს საგასტროლო ტურნეებს როგორც ქვეყნის შიგნით, ასევე ქვეყნის გარეთ;

გ) წარმართავს ანსამბლის მოსამზადებელი ქორეოგრაფიული ჯგუფისა და ანსამბლთან არსებული სკოლა-სტუდიების საქმიანობას;

დ) ანსამბლის სამხატვრო ხელმძღვანელთან შეთანხმებით იღებს გადაწყვეტილებებს ანსამბლის მოსამზადებელი ქორეოგრაფიული ჯგუფისა და ანსამბლთან არსებული სკოლა-სტუდიების  მუშაობის პროცესთან  დაკავშირებულ საკითხებზე;

ე) ანსამბლის დირექტორს დასანიშნად წარუდგენს ანსამბლის მოსამზადებელი ქო­რეოგრაფიული ჯგუფისა და ანსამბლთან არსებული სკოლა-სტუდიების ქორეოგრაფის, რე­პეტიტორისა და პედაგოგის კანდიდატურებს.’’.