სამეგრელოს რეგიონში, ანაკლიის კურორტისა და მისი მიმდებარე სოფლების გაზიფიკაციის უზრუნველყოფისათვის განსახორციელებელი ღონისძიებების შესახებ

საქართველოს მთავრობის

განკარგულება №1807

2011 წლის 14 სექტემბერი

ქ. თბილისი

სამეგრელოს რეგიონში, ანაკლიის კურორტისა და მისი მიმდებარე სოფლების გაზიფიკაციის უზრუნველყოფისათვის განსახორციელებელი ღონისძიებების შესახებ

სამეგრელოს რეგიონში, ანაკლიის კურორტისა და მისი მიმდებარე სოფლების გაზიფიკაციის უზრუნველყოფის მიზნით:

ა) სს „საქართველოს ნავთობისა და გაზის კორპორაციამ“ საკუთარი სახსრებით უზრუნველყოს „ქუთაისი-სოხუმის“ მაგისტრალური გაზსადენის 9 კმ-იანი მონაკვეთის სარემონტო სამუშაოების განხორციელება;

ბ) სს „საქართველოს ნავთობისა და გაზის კორპორაცია“ უფლებამოსილია „ა“ ქვეპუნქტით გათვალისწინებული სამუშაოების განხორციელების მიზნით გამოიყენოს საქართველოს მთავრობის 2006 წლის 7 ოქტომბრის №473 განკარგულებით შპს „საქართველოს ნავთობისა და გაზის კორპორაციისათვის“ გამოყოფილი საბიუჯეტო სესხის ხარჯზე შეძენილი მილები და ფასონური ნაწილები;

გ) „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად, ამ განკარგულების „ა“ ქვეპუნქტით გათვალისწინებული სამუშაოების განხორციელების მიზნით, სს „საქართველოს ნავთობისა და გაზის კორპორაციამ“ საჭირო საქონლის, სამშენებლო სამუშაოებისა და მომსახურების სახელმწიფო შესყიდვა განახორციელოს გამარტივებული შესყიდვის საშუალებით.

პრემიერ-მინისტრი                                                            ნ. გილაური