„სახელმწიფო საკუთრებაში არსებული უძრავი ქონების შპს „საქართველოს საავიაციო უნივერსიტეტისათვის“ პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2011 წლის 11 ნოემბრის #11/11/03 განკარგულებით განსაზღვრულისაგან განსხვავებული პირობების დადგენისა და შპს „საქართველოს საავიაციო უნივერსიტეტის“ საქმიანობის ხელშესაწყობად რიგ ღონისძიებათა განხორციელების თაობაზე

საქართველოს მთავრობის

განკარგ უ ლება №928

2014 წლის 27 მაისი

ქ. თბილისი

 „სახელმწიფო საკუთრებაში არსებული უძრავი ქონების შპს „საქართველოს საავიაციო უნივერსიტეტისათვის“ პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2011 წლის 11 ნოემბრის №11/11/03 განკარგულები თ განსაზღვრულისაგან განსხვავებული  პირობების დადგენისა და   შპს „საქართველოს საავიაციო უნივერსიტეტის“ საქმიანობის ხელშესაწყობად რიგ ღონისძიებათა განხორციელების თაობაზე

1. „სახელმწიფო ქონების შესახებ“ საქართველოს კანონში ცვლილების შეტანის თაობაზე“ 2013 წლის 6 სექტემბრის №1037- Iს საქართველოს კანონის მე-2 მუხლის პირველი პუნქტისა და „სახელმწიფო ქონების შესახებ“ საქართველოს კანონის 49¹ მუხლის პირველი პუნქტის შესაბამისად,  დადგინდეს „სახელმწიფო საკუთრებაში არსებული უძრავი ქონების შპს „საქართველოს საავიაციო უნივერსიტეტისათვის“ პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2011 წლის 11 ნოემბრის №11/11/03 განკარგულების მე-2 პუნქტის:

ა) „ბ“ და „გ“ ქვეპუნქტებით განსაზღვრულისაგან განსხვავებული შემდეგი საპრივატიზებო პირობები:

ა.ა) „სახელმწიფო საკუთრებაში არსებული უძრავი ქონების შპს „საქართველოს საავიაციო უნივერსიტეტისათვის“ პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2011 წლის 11 ნოემბრის №11/11/03 განკარგულებით გადაცემულ ქონებაზე აეროპორტის აღდგენისა და ექსპლუატაციაში გაშვების მიზნით,  2012 წლის 1 აპრილიდან სამშენებლო-სარეაბილიტაციო სამუშაოების დაწყება და ამ განკარგულების მიღებიდან  2 თვის   ვადაში მათი დასრულება და აეროპორტის ექსპლუატაციაში შეყვანა;

ა.ბ) ამ პუნქტის „ა“ ქვეპუნქტის „ა.ა“ ქვეპუნქტით გათვალისწინებული აეროპორტი უნდა აკმაყოფილებდეს „საერთაშორისო სამოქალაქო ავიაციის შესახებ“ ჩიკაგოს 1944 წლის კონვენციის დანართით 2B კატეგორიის აეროდრომისადმი წაყენებულ მოთხოვნებს და სერტიფიცირებული უნდა იყოს საქართველოს მოქმედი კანონმდებლობის შესაბამისად;

ბ) „ზ“ქვეპუნქტით განსაზღვრულისაგან განსხვავებული საპრივატიზებო პირობა, კერძოდ, ამ პუნქტის „ა“ ქვეპუნქტის „ა.ა“ ქვეპუნქტით გათვალისწინებული აეროპორტის ექსპლუატაციაში შეყვანის შემდეგ ადგილობრივი, საავიაციო დარგის პროფესიონალი კადრებისა და დამხმარე პერსონალის (მფრინავთა შემადგენლობა, საინჟინრო-ტექნიკური პერსონალი და სხვა) დასაქმება.

2. ამ განკარგულების საფუძველზე, შესაბამისი ცვლილების ხელშეკრულების გაფორმებამდე, შპს „საქართველოს საავიაციო უნივერსიტეტმა“ უზრუნველყოს, „სახელმწიფო საკუთრებაში არსებული უძრავი ქონების შპს „საქართველოს საავიაციო უნივერსიტეტისათვის“ პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2011 წლის 11 ნოემბრის №11/11/03 განკარგულების მე-2 პუნქტის „დ“ ქვეპუნქტით გათვალისწინებული საპრივატიზებო პირობის შესრულების უზრუნველსაყოფად, იმავე განკარგულების „ი“ ქვეპუნქტის შესაბამისად წარდგენილი საბანკო გარანტიის მოქმედების ვადის არანაკლებ ამ განკარგულების მიღებიდან 4 თვით გაგრძელება და წარდგენა, ან ამ განკარგულების პირველი პუნქტით გათვალისწინებული საპრივატიზებო პირობების უზრუნველსაყოფად, არანაკლებ 50 000 (ორმოცდაათი ათასი) ლარის ოდენობის უპირობო და გამოუხმობი საბანკო გარანტიის წარდგენა, რომლის მოქმედების ვადა ამ განკარგულების მიღების ვადას უნდა აღემატებოდეს 4 (ოთხი) თვით.

3. „სახელმწიფო ქონების შესახებ“ საქართველოს კანონის 49 ¹ მუხლის პირველი პუნქტის შესაბამისად, შპს „საქართველოს საავიაციო უნივერსიტეტი“  გათავისუფლდეს საქართველოს ეკონომიკისა და მდგრადი განვითარების სამინისტროსა და შპს „საქართველოს საავიაციო უნივერსიტეტს“შორის 2011წლის25ნოემბერს გაფორმებული ნასყიდობის ხელშეკრულების5.2.5 მუხლის შესაბამისად, ამ განკარგულების საფუძველზე,შესაბამისი ცვლილების ხელშეკრულების გაფორმებამდე,დაკისრებული/დასაკისრებელი პირგასამტეხლოსაგან იმ პირობით, რომ შპს „საქართველოს საავიაციო უნივერსიტეტი“ჯეროვნად შეასრულებს ამ განკარგულების პირველი პუნქტით გათვალისწინებულ საპრივატიზებო პირობებს.

4. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა – სახელმწიფო ქონების ეროვნულმა სააგენტომ, ამ განკარგულების შესრულების მიზნით, განახორციელოს კანონმდებლობით გათვალის­წინებული შესაბამისი ღონისძიებები.

პრემიერ-მინისტრი                                                            ი. ღარიბაშვილი