ქ. თბილისში 2006 წლის 8-9 დეკემბერს აზერბაიჯანის რესპუბლიკის ენერგეტიკის მინისტრის, თურქეთის რესპუბლიკის ენერგეტიკის და ბუნებრივი რესურსების მინისტრისა და საქართველოს ენერგეტიკის მინისტრის შეხვედრის ორგანიზების შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №572
2006 წლის 3 დეკემბერი
ქ. თბილისი
ქ. თბილისში 2006 წლის 8-9 დეკემბერს აზერბაიჯანის რესპუბლიკის ენერგეტიკის მინისტრის, თურქეთის რესპუბლიკის ენერგეტიკის და ბუნებრივი რესურსების მინისტრისა და საქართველოს ენერგეტიკის მინისტრის შეხვედრის ორგანიზების შესახებ
1. ქ. თბილისში 2006 წლის 8-9 დეკემბერს აზერბაიჯანის რესპუბლიკის ენერგეტიკის მინისტრის, თურქეთის რესპუბლიკის ენერგეტიკის და ბუნებრივი რესურსების მინისტრისა და საქართველოს ენერგეტიკის მინისტრის შეხვედრის ორგანიზების მიზნით:
ა) საქართველოს ენერგეტიკის სამინისტრომ (ნ. გილაური) აზერბაიჯანის რესპუბლიკის ენერგეტიკის მინისტრისა და თურქეთის რესპუბლიკის ენერგეტიკის და ბუნებრივი რესურსების მინისტრის ვიზიტთან დაკავშირებულ ღონისძიებათა განსახორციელებლად საქართველოს 2006 წლის სახელმწიფო ბიუჯეტით საქართველოს ენერგეტიკის სამინისტროსათვის გათვალისწინებული საერთო ასიგნებებიდან გამოყოს 18 000 (თვრამეტი ათასი) ლარი თანდართული ხარჯთა ნუსხის შესაბამისად;
ბ) საქართველოს შინაგან საქმეთა სამინისტრომ (ი. მერაბიშვილი) უზრუნველყოს დელეგაციების მიღებისა და გაცილების ღონისძიებათა სათანადოდ განხორციელება;
გ) ეთხოვოს საქართველოს პრეზიდენტის ადმინისტრაციის პროტოკოლის სამსახურს უზრუნველყოს დელეგაციის წევრთა თბილისის საერთაშორისო აეროპორტში VIP-2 სამთავრობო გასასვლელით სარგებლობა.
2. განკარგულების შესრულებას კონტროლი გაუწიოს საქართველოს ენერგეტიკის მინისტრმა ნ. გილაურმა.
3. განკარგულება ძალაშია ხელმოწერის დღიდან.
პრემიერ-მინისტრი ზ. ნოღაიდელი
საქართველოს მთავრობის
2006 წლის 3 დეკემბრის
# 572 განკარგულების
დანართი
ხარჯთა ნუსხა
| დასახელება | თანხა (ლარობით) |
| სასტუმრო | 5300 |
| დარბაზის დაქირავება შეხვედრისათვის | 1200 |
| ვახშამი | 2000 |
| საჩუქრები სტუმრებისათვის | 5000 |
| ტრანსპორტის ხარჯები | 1500 |
| გაუთვალისწინებელი ხარჯები | 3000 |
| სულ ხარჯები: | 18000 |