ჯანმრთელობის დაზღვევის სახელმწიფო პროგრამების ფარგლებში 0-5 წლის (ჩათვლით) ასაკის ბავშვების, 60 წლისა და ზემოთ ასაკის ქალების და 65 წლისა და ზემოთ ასაკის მამაკაცების (საპენსიო ასაკის მოსახლეობა), სტუდენტების, შეზღუდული შესაძლებლობის მქონე ბავშვთა და მკვეთრად გამოხატული შეზღუდული შესაძლებლობის მქონე პირთა ჯანმრთელობის დაზღვევის ხელშეწყობისათვის საჭირო ზოგიერთ ღონისძიებათა ორგანიზების შესახებ

საქართველოს მთავრობის

განკარგულება №1685

2012 წლის 5 სექტემბერი

ქ. თბილისი

ჯანმრთელობის დაზღვევის სახელმწიფო პროგრამების ფარგლებში 0-5 წლის (ჩათვლით) ასაკის ბავშვების, 60 წლისა და ზემოთ ასაკის ქალების და 65 წლისა და ზემოთ ასაკის მამაკაცების (საპენსიო ასაკის მოსახლეობა), სტუდენტების, შეზღუდული შესაძლებლობის მქონე ბავშვთა და მკვეთრად გამოხატული შეზღუდული შესაძლებლობის მქონე პირთა ჯანმრთელობის დაზღვევის ხელშეწყობისათვის საჭირო ზოგიერთ ღონისძიებათა ორგანიზების შესახებ

1. „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადებში შეუფერხებლად ჩატარების მიზნით, საქართველოს შრომის, ჯანმრთელობისა და სოციალური დაცვის სამინისტროს ცენტრალურმა აპარატმა ჯანმრთელობის დაზღვევის სახელმწიფო პროგრამების ფარგლებში 0-5 წლის (ჩათვლით) ასაკის ბავშვების, 60 წლისა და ზემოთ ასაკის ქალების და 65 წლისა და ზემოთ ასაკის მამაკაცების (საპენსიო ასაკის მოსახლეობა), სტუდენტების, შეზღუდული შესაძლებლობის მქონე ბავშვთა და მკვეთრად გამოხატული შეზღუდული შესაძლებლობის მქონე პირთა ჯანმრთელობის დაზღვევის პროცესის უკეთ ორგანიზებისა და პროგრამაში ჩართულ სადაზღვევო კომპანიებსა და საქართველოს შრომის, ჯანმრთელობისა და სოციალური დაცვის სამინისტროს შორის კომუნიკაციის გაუმჯობესების მიზნით საჭირო ღონისძიებების უზრუნველსაყოფად შესაბამისი სახელმწიფო შესყიდვები და საკომუნიკაციო მომსახურების სახელმწიფო შესყიდვა განახორციელოს გამარტივებული შესყიდვის საშუალებით, „საქართველოს 2012 წლის სახელმწიფო ბიუჯეტის შესახებ“ საქართველოს კანონით „შრომის, ჯანმრთელობისა და სოციალური დაცვის სფეროში პოლიტიკის შემუშავება და მართვა“ პროგრამისათვის (პროგრამული კოდი – 35 01 01) გათვალისწინებული ასიგნებებიდან.

 2. განკარგულება ძალაშია 2012 წლის 30 აგვისტოდან.

პრემიერ-მინისტრი                                                            ი. მერაბიშვილი