ხელვაჩაურის მუნიციპალიტეტში პრემიის ოდენობის განსაზღვრის წესის დამტკიცების შესახებ

ა) ხელვაჩაურის მუნიციპალიტეტი - ხელვაჩაურის მუნიციპალიტეტის საკრებულო, ხელვაჩაურის მუნიციპალიტეტის გამგეობა.

ბ) პრემია - ხელვაჩაურის მუნიციპალიტეტში დასაქმებულ პირზე გაცემული შრომითი გასამრჯელო, რომელიც გაიცემა მის მიმართ დაკისრებული უფლებამოსილებების ზედმიწევნით და სანიმუშოდ შესრულებისათვის, ხანგრძლივი და კეთილსინდისიერი სამსახურისათვის, ან/და განსაკუთრებული სირთულის ან მნიშვნელობის დავალების შესრულებისათვის.

გ) ხელმძღვანელი თანამდებობის პირი - ხელვაჩაურის მუნიციპალიტეტის გამგეობის სტრუქტურული ერთეულის ხელმძღვანელი, ხელვაჩაურის მუნიციპალიტეტის საკრებულოს აპარატის უფროსი.

დ) ზემდგომი თანამდებობის პირი - ხელვაჩაურის მუნიციპალიტეტის გამგებელი, ხელვაჩაურის მუნიციპალიტეტის საკრებულოს თავმჯდომარე.

2. პრემიის მიზნებია, საჯარო დაწესებულებაში დასაქმებულ პირთა წახალისების და მოტივაციის გაზრდა, აგრეთვე, დასაქმების ბაზარზე არსებული კონკურენციის გათვალისწინებით, საჯარო დაწესებულებებში კვალიფიციური კადრების შენარჩუნება და მოზიდვა.

2. ხელვაჩაურის მუნიციპალიტეტის ხელმძღვანელ თანამდებობის პირებზე პრემიის გაცემის საკითხის ინიციირებას ახდენს ზემდგომი თანამდებობის პირი.

3. ამ მუხლის პირველი და მე-2 პუნქტებით გათვალისწინებულ შემთხვევებში, პრემიის გაცემის შესახებ გადაწყვეტილებას იღებს ხელვაჩაურის მუნიციპალიტეტის ზემდგომი თანამდებობის პირი, საკუთარი დისკრეციული უფლებამოსილების ფარგლებში.

4. ხელვაჩაურის მუნიციპალიტეტის ზემდგომ თანამდებობის პირებზე, პრემიის გაცემის გადაწყვეტილებას იღებს საქართველოს პრემიერ-მინისტრი.

2. ხელვაჩაურის მუნიციპალიტეტში დასაქმებულ პირზე პრემია შეიძლება გაიცეს კვარტალში ერთხელ.

3. პრემია შესაძლებელია გაიცეს, ასევე, არაუმეტეს წელიწადში სამჯერ, საქართველოს შრომის კოდექსით განსაზღვრულ უქმე დღეებთან დაკავშირებით, ამ წესით დადგენილი ზღვრული ოდენობისა და პრინციპების დაცვით.

4. ამ მუხლის პირველი და მე-2 პუნქტებით დადგენილი წესიდან გამონაკლისის დაშვება შესაძლებელია ხელვაჩაურის მუნიციპალიტეტის ხელმძღვანელი თანამდებობის პირის მოტივირებული შუამდგომლობით, ზემდგომი თანამდებობის პირის, ხოლო ასეთის არარსებობის შემთხვევაში (საჯარო სამართლის იურიდიული პირების შემთხვევაში, სახელმწიფო კონტროლის განმახორციელებელი ორგანოს არარსებობა), საქართველოს პრემიერ-მინისტრის თანხმობის საფუძველზე.