საქართველოს მთავრობის სარეზერვო ფონდიდან სახელმწიფო რწმუნებულების - გუბერნატორების ადმინისტრაციებისათვის თანხის გამოყოფის შესახებ

საქართველოს მთავრობის

განკარგულება №1478

 2014 წლის 26 აგვისტო

ქ. თბილისი

საქართველოს მთავრობის სარეზერვო ფონდიდან სახელმწიფო რწმუნებულების – გუბერნატორების ადმინისტრაციებისათვის თანხის გამოყოფის შესახებ

შეუფერხებელი ფუნქციონირების მიზნით, საქართველოს ფინანსთა სამინისტრომ, „საქართველოს 2014 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს მთავრობის სარეზერვო ფონდიდან, სახელმწიფო რწმუნებულების –  გუბერნატორების ადმინისტრაციებს გამოუყოს 840 000 (რვაას ორმოცი ათასი) ლარი, მათ შორის:

ა) სახელმწიფო რწმუნებულის – გუბერნატორის, რომლის სამოქმედო ტერიტორია მოიცავს აბაშის, ზუგდიდის, მარტვილის, მესტიის, სენაკის, ჩხოროწყუს, წალენჯიხის, ხობის მუნიციპალიტეტებისა და თვითმმართველი ქალაქი ფოთის ადმინისტრაციულ-ტერიტორიულ საზღვრებს, ადმინისტრაციას - 75 000 (სამოცდათხუთმეტი ათასი) ლარი;

ბ) სახელმწიფო რწმუნებულის - გუბერნატორის, რომლის სამოქმედო ტერიტორია მოიცავს ლანჩხუთის, ოზურგეთისა და ჩოხატაურის მუნიციპალიტეტების ადმინისტრაციულ-ტერიტორიულ საზღვრებს, ადმინისტრაციას –  70 000 (სამოცდაათი ათასი) ლარი;

გ) სახელმწიფო რწმუნებულის – გუბერნატორის, რომლის სამოქმედო ტერიტორია მოიცავს ბაღდათის, ვანის, ზესტაფონის, თერჯოლის, სამტრედიის, საჩხერის, ტყიბულის, წყალტუბოს, ჭიათურის, ხარაგაულის, ხონის მუნიციპალიტეტებისა და თვითმმართველი ქალაქი ქუთაისის ადმინისტრაციულ-ტერიტორიულ საზღვრებს, ადმინისტრაციას –  200 000 (ორასი ათასი) ლარი;

დ) სახელმწიფო რწმუნებულის - გუბერნატორის, რომლის სამოქმედო ტერიტორია მოიცავს ახმეტის, გურჯაანის, დედოფლისწყაროს, თელავის, ლაგოდეხის, საგარეჯოს, სიღნაღისა და ყვარლის მუნიციპალიტეტების ადმინისტრაციულ-ტერიტორიულ საზღვრებს, ადმინისტრაციას - 75 000 (სამოცდათხუთმეტი ათასი) ლარი;

ე) სახელმწიფო რწმუნებულის – გუბერნატორის, რომლის სამოქმედო ტერიტორია მოიცავს დუშეთის, თიანეთის, მცხეთისა და ყაზბეგის მუნიციპალიტეტების ადმინისტრაციულ-ტერიტორიულ საზღვრებს, ადმინისტრაციას –  100 000 (ასი ათასი) ლარი;

ვ) სახელმწიფო რწმუნებულის – გუბერნატორის, რომლის სამოქმედო ტერიტორია მოიცავს ამბროლაურის, ლენტეხის, ონისა და ცაგერის მუნიციპალიტეტების ადმინისტრაციულ-ტერიტორიულ საზღვრებს, ადმინისტრაციას - 95 000 (ოთხმოცდათხუთმეტი ათასი) ლარი;

ზ) სახელმწიფო რწმუნებულის – გუბერნატორის, რომლის სამოქმედო ტერიტორია მოიცავს ადიგენის, ასპინძის, ახალციხის, ახალქალაქის, ბორჯომისა და ნინოწმინდის მუნიციპალიტეტების ადმინისტრაციულ-ტერიტორიულ საზღვრებს, ადმინისტრაციას - 75 000 (სამოცდათხუთმეტი ათასი) ლარი;

თ) სახელმწიფო რწმუნებულის –  გუბერნატორის, რომლის სამოქმედო ტერიტორია მოიცავს ბოლნისის, გარდაბნის, დმანისის, თეთრიწყაროს, მარნეულის, წალკის მუნიციპალიტეტებისა და თვითმმართველი ქალაქი რუსთავის ადმინისტრაციულ-ტერიტორიულ საზღვრებს, ადმინისტრაციას –  90 000 (ოთხმოცდაათი ათასი) ლარი;

ი) სახელმწიფო რწმუნებულის –  გუბერნატორის, რომლის სამოქმედო ტერიტორია მოიცავს გორის, კასპის, ქარელისა და ხაშურის მუნიციპალიტეტების ადმინისტრაციულ-ტერიტორიულ საზღვრებს, ადმინისტრაციას - 60 000 (სამოცი ათასი) ლარი.

  პრემიერ-მინისტრი                        ირაკლი ღარიბაშვილი