ფიზიკური პირი - ვაჟიკო ჩაჩხიანისთვის მერქნული რესურსის გადაცემის შესახებ

საქართველოს მთავრობის განკარგულება №1730

2014 წლის 1 9 სექტემბერი

 ქ. თბილისი

ფიზიკური პირი - ვაჟიკო ჩაჩხიანისთვის მერქნული რესურსის გადაცემის შესახებ

 „ტყის ფონდის მართვის შესახებ“ საქართველოს კანონის მე-6 მუხლის პირველი პუნქტის „ნ“ ქვეპუნქტის შესაბამისად:

1. გერმანიის ქალაქ ზიგენის, რუბენსის სახელობის მე-7 საპატიო პრიზით დაჯილდოებასთან დაკავშირებით, ქ. ზიგენის თანამედროვე ხელოვნების მუზეუმში პერსონალური გამოფენისთვის საჭირო ნამუშევრის („დაკარგული პეიზაჟი“) შექმნის მიზნით, ფიზიკურ პირს - ვაჟიკო ჩაჩხიანს გადაეცეს 60 (სამოცი) ძირი დამწვარი ხე.

2. ამ განკარგულების პირველი პუნქტით გათვალისწინებული მერქნული რესურსის მოსაპოვებლად, ვაჟიკო ჩაჩხიანს მიეცეს უფლება, სახელმწიფო ტყის ფონდში, ბორჯომ-ბაკურიანის სატყეო უბნის ტბის სატყეოს კვარტალ №6-ის ფარგლებში, 2008 წელს რუსეთ-საქართველოს შეიარაღებული კონფლიქტის შედეგად ხანძრით განადგურებული ტყის ტერიტორიაზე, სანიტარიული ჭრის წესით, დაამზადოს 60 (სამოცი) ძირი დამწვარი (ხმელი/სასიცოცხლოფუნქციაშეწყვეტილი) ხე.

3. ვაჟიკო ჩაჩხიანმა უზრუნველყოს „ბუნებრივი რესურსებით სარგებლობისათვის მოსაკრებლების შესახებ“ საქართველოს კანონით  სანიტარიული ჭრისათვის დადგენილი ბუნებრივი რესურსებით სარგებლობის მოსაკრებელის გადახდა.

4. საჯარო სამართლის იურიდიულმა პირმა - ეროვნულმა სატყეო სააგენტომ უზრუნველყოს, ამ განკარგულების პირველი პუნქტით განსაზღვრულ ხეებზე ხე-ტყის წარმოშობის დოკუმენტის გაცემა და სპეციალური ფირნიშებით მარკირება.

5. ვაჟიკო ჩაჩხიანმა უზრუნველყოს, ხე-ტყის წარმოშობის დოკუმენტის გაცემისათვის სსიპ - ეროვნული სატყეო სააგენტოს მომსახურების საფასურის (დღგ-ის ჩათვლით) - 1 კუბურ მეტრზე 3 (სამი) ლარის გადახდა.

პრემიერ-მინისტრი                                                 ი . ღარიბაშვილი