სოციალურად დაუცველი მოსახლეობის სურსათით უზრუნველყოფის შესახებ

საქართველოს მთავრობის

განკარგულება № 665

2007 წლის 13 ნოემბერი

ქ. თბილისი

სოციალურად დაუცველი მოსახლეობის სურსათით უზრუნველყოფის შესახებ

1. „საქართველოს მთავრობის სტრუქტურის, უფლებამოსი­ლე­ბისა და საქმიანობის წესის შესახებ“საქართველოს კანონის მე-5 მუხლის შესაბამისად, სოციალურად დაუცველი მოსახლეობის სურსათით უზრუნველყოფის მიზნით:

ა) საქართველოს ტერიტორიაზე მცხოვრები სოციალურად დაუცველი ოჯახების მონაცემთა ერთიან ბაზაში რეგისტრირე­ბული იმ ოჯახებისათვის, რომელთაც მინიჭებული აქვთ 70 000-ის ტოლი ან ნაკლები სოციალურ-ეკონომიკური მდგომარეობის ამსახველი სარეიტინგო ქულა, ერთჯერადად გაიცეს საკვები პროდუქტები და ღვინო (შაქარი – 2 კგ, ბრინჯი – 2 კგ, შესქელებული რძე – 2 ქილა, მანდარინი – 3 კგ, ვაშლი – 2 კგ, ზეთი – 1 ლიტრი, ბისკვიტი – 200 გრ, ღვინო – 1 ბოთლი);

ბ) საქართველოს ფინანსთა სამინისტრომ (ნ. გილაური) ამ განკარგულების შესასრულებლად საჭირო ღონისძიებათა დასაფინანსებლად „საქართველოს 2007 წლის სახელმწიფო ბიუჯეტის შესახებ“საქართველოს კანონით გათვალისწინებუ­ლი საქართველოს მთავრობის სარეზერვო ფონდიდან საქარ­თველოს სოფლის მეურნეობის სამინისტროს გამოუყოს 6 000 000 (ექვსი მილიონი) ლარი და საქართველოს სოფლის მეურნეობის სამინისტროს წინადადების საფუძველზე შეიტა­ნოს შესაბამისი ცვლილებები 2007 წლის სახელმწიფო ბიუ­ჯეტის კვარტალურ განწერაში;

გ) საჯარო სამართლის იურიდიულმა პირმა – სოცია­ლური სუბსიდიების სააგენტომ საქართველოს სოფლის მეურ­ნეობის სამინისტროს მიაწოდოს დაზუსტებული მონაცემები ამ განკარგულების პირველი პუნქტით გათვალისწინებული ოჯა­ხე­ბის შესახებ;

დ) „სახელმწიფო შესყიდვების შესახებ“საქართველოს კანონის მე-10 მუხლის მე-3 პუნქტის „ე“ქვეპუნქტის შესაბა­მისად, აღნიშნულ ღონისძიებათა შეზღუდულ ვადებში შესრუ­ლების უზრუნველსაყოფად საქართველოს სოფლის მეურ­ნეობის სამინისტრომ ზემოთ ჩამოთვლილი პროდუქტების შეძენა და თითოეული ოჯახისათვის გადაცემისათვის საჭირო მომ­სა­ხურების შესყიდვა განახორციელოს ერთ პირთან მოლა­პარაკების საშუალებით.

2. განკარგულების შესრულების კონტროლი განახორციე­ლოს საქართველოს სოფლის მეურნეობის მინისტრმა პ. ცისკა­რიშვილმა.

3. განკარგულება ძალაშია ხელმოწერის დღიდან.

პრემიერ-მინისტრი           ზ. ნოღაიდელი