საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ - სახელმწიფო ქონების ეროვნული სააგენტოსათვის სახელმწიფოს საკუთრებაში არსებული უძრავი ქონების შეზღუდული პასუხისმგებლობის საზოგადოება „ბლექ სი რიზორთსისათვის“ აღნაგობის უფლებით გადაცემაზე თანხმობის მიცემის შესახე

საქართველოს მთავრობის

განკარგულება №492

2015 წლის 12მარტი

ქ. თბილისი

საქართველოს ეკონომიკისა და მდგრადი განვითარების სამინისტროს სისტემაში შემავალი   სსიპ - სახელმწიფო ქონების ეროვნული სააგენტოსათვის სახელმწიფოს საკუთრებაში არსებული უძრავი ქონების შეზღუდული პასუხისმგებლობის  საზოგადოება „ბლექ სი რიზორთსისათვის“ აღნაგობის უფლებით გადაცემაზე თანხმობის მიცემის შესახებ

1. „სახელმწიფო ქონების შესახებ“ საქართველოს კანონის 36-ე მუხლის მე–2 პუნქტის შესაბამისად, მიეცეს თანხმობა სსიპ - სახელმწიფო ქონების ეროვნულ სააგენტოს, რომ შპს „ბლექ სი რიზორთსს“ (ს/კ 405046542) უსასყიდლო აღნაგობის უფლებით გადასცეს სახელმწიფო საკუთრებაში არსებული, ოზურგეთის მუნიციპალიტეტში, სოფელ ნატანებში (შეკვეთილი) მდებარე 9174 კვ.მ არასასოფლო-სამეურნეო დანიშნულების მიწის ნაკვეთი  (მიწის (უძრავი ქონების) საკადასტრო კოდი : №26.01.45.485) და ოზურგეთის მუნიციპალიტეტში, სოფელ ნატანებში (შეკვეთილი) მდებარე 10420კვ.მ არასასოფლო-სამეურნეო დანიშნულების მიწის ნაკვეთი (მიწის (უძრავი ქონების) საკადასტრო კოდი : №26.01.45. 508) შე საბამისი ხელშეკრულების გაფორმებიდან 99 (ოთხმოცხდაცხრამეტი) წლის ვადით .

2. ამ განკარგულების პირველი პუნქტით განსაზღვრული უძრავი ქონების აღნაგობის უფლებით გადაცემის პირობებად განისაზღვროს, პირადად ან/და მესამე პირების მეშვეობით:

ა) №26.01.45.485 საკადასტრო კოდით რეგისტრირებულ მიწის ნაკვეთზე შპს „ბლექ სი რიზორთსის“ საკუთრებაში არსებულ მიწის ნაკვეთთან (ს /კ №26.01.45.443) დამაკავშირებელი  გზის მოასფალტება და საგუშაგო ჯიხურის (შენობა) მოწყობა შესაბამისი ხელშეკრულების გაფორმებიდან არა უმეტეს 18 (თვრამეტი) თვის განმავლობაში;

ბ) №26.01.45.508 საკადასტრო კოდით რეგისტრირებულ მიწის ნაკვეთზე პლაჟის კეთილმოწყობა და ზღვაში შეჭრილი საცურაო აუზის მოწყობა შესაბამისი ხელშეკრულების გაფორმებიდან არა უმეტეს 18 (თვრამეტი) თვის განმავლობაში;

გ) ამ პუნქტის „ა“ და „ბ“ ქვეპუნქტებით განსაზღვრული ვალდებულების შესრულების მიზნით, არანაკლებ 8 000 000 (რვა მილიონი) ლარის ინვესტიციის განხორციელება შესაბამისი ხელშეკრულების გაფორმებიდან არა უმეტეს 18 (თვრამეტი) თვის განმავლობაში .

3. ამ განკარგულების მე-2 პუნქტი თ გათვალისწინებული სარგებლობის პირობ ებ ის შესრულების უზრუნველყოფის მიზნით, (მათ შორის, ვალდებულებ(ებ)ის შეუსრულებლობისათვის შესაბამისი ხელშეკრულების საფუძველზე დაკისრებული პირგასამტეხლოს გადახდის უზრუნველსაყოფად), შპს „ბლექ სი რიზორთსმა“, შესაბამისი ხელშეკრულების გაფორმებამდე, სსიპ - სახელმწიფო ქონების ეროვნულ სააგენტოს წარუდგინოს ამ განკარგულების მე-2 პუნქტის „გ“ ქვეპუნქტით განსაზღვრული საინვესტიციო ვალდებულების 10 %-ის ოდენობის უპირობო და გამოუხმობი საბანკო გარანტია, რომლის მოქმედების ვადაც არანაკლებ 4 (ოთხი) თვით უნდა აღემატებოდეს ამავე  ქვეპუნქტით განსაზღვრულ საინვესტიციო ვალდებულების შესრულების ვადას.

4. სსიპ - სახელმწიფო ქონების ეროვნულმა სააგენტომ, ამ განკარგულების შესრულების მიზნით, უზრუნველყოს კანონმდებლობით გათვალისწინებული შესაბამისი ღონისძიების განხორციელება.

პრემიერ-მინისტრი                                                       ი . ღარიბაშვილი