შპს "ჭოროხი-2009"-ის მიერ "საქართველოს ტერიტორიაზე ნარჩენის (კატეგორია "GG"-ის "GG040/EX 2621"-ის სახეობა (ნახშირზე მომუშავე თბოელექტროსადგურებიდან წარმოქმნილი აქროლადი ნაცარი) იმპორტის განხორციელების შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №589
2015 წლის 19 მარტი
ქ. თბილისი
შპს ,,ჭოროხი-2009“-ის მიერ „საქართველოს ტერიტორიაზე ნარჩენის (კატეგორია „GG“-ის „GG040/EX 2621“-ის სახეობა (ნახშირზე მომუშავე თბოელექტროსადგურებიდან წარმოქმნილი აქროლადი ნაცარი) იმპორტის განხორციელების შესახებ
1. „საქართველოს ტერიტორიაზე ნარჩენის (კატეგორია „GG“-ის „GG040/ EX 2621“-ის სახეობა (ნახშირზე მომუშავე თბოელექტროსადგურებიდან წარმოქმნილი აქროლადი ნაცარი) იმპორტის დაშვების შემთხვევებისა და პირობების განსაზღვრის შესახებ“ დებულების დამტკიცების თაობაზე“ საქართველოს მთავრობის 2013 წლის 19 სექტემბრის №243 დადგენილების შესაბამისად, თანხმობა მიეცეს შპს ,,ჭოროხი-2009“-ს (ს/კ 245626595) განახორციელოს ნარჩენის (კატეგორია „GG“-ის „GG040/ EX 2621“-ის სახეობა (ნახშირზე მომუშავე თბოელექტროსადგურებიდან წარმოქმნილი აქროლადი ნაცარი) (შემდგომში - ნარჩენი) იმპორტი.
2. შპს „ჭოროხი-2009“-ის მიერ ნარჩენის იმპორტი განხორციელდეს შპს „აჭარ ენერჯი-2007“-ისათვის, მის მიერ ასაშენებელი ჰიდროელექტროსადგურების მშენებლობისათვის საჭირო უმაღლესი ხარისხის ბეტონის საწარმოებლად. ამ მიზნით:
ა) ნარჩენის იმპორტი განხორციელდეს თურქეთის რესპუბლიკიდან;
ბ) ნარჩენის ოდენობა განისაზღვროს 17 040 ტონით;
გ) ნარჩენის იმპორტი განხორციელდეს საავტომობილო გზის საშუალებით;
დ) ნარჩენის იმპორტი განხორციელდეს 2016 წლის 31 დეკემბრამდე.
პრემიერ-მინისტრი ი. ღარიბაშვილი