შპს„თაუერს +“-ის I ხარისხის ხე-ტყით უზრუნველყოფის შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №1891
2016 წლის 16 სექტემბერი
ქ. თბილისი
შპს „თაუერს +“-ის I ხარისხის ხე-ტყით უზრუნველყოფის შესახებ
„ტყის ფონდის მართვის შესახებ“ საქართველოს კანონის მე-6 მუხლის „ნ“ ქვეპუნქტის შესაბამისად:
1. მსოფლიო მემკვიდრეობის ძეგლის, სოფ. ჩაჟაშის (მესტიის მუნიციპალიტეტი, უშგულის თემი) სარეაბილიტაციო სამუშაოების განხორციელების მიზნით, საქართველოს გარემოსა და ბუნებრივი რესურსების დაცვის სამინისტროს სსიპ – ეროვნულმა სატყეო სააგენტომ უზრუნველყოს შპს „თაუერს +“-ისათვის სამეგრელო-ზემო სვანეთის სატყეო სამსახურის მესტიის სატყეო უბნის ჯორკვალის სატყეოს კვარტალ №12-სა და მესტიის სატყეოს კვარტალ №34-ში 174 მ3 წიწვოვანი სახეობის მორების მისაღებად საჭირო ტყეკაფების გამოყოფა.
2. სსიპ - ეროვნულმა სატყეო სააგენტომ უზრუნველყოს ამ განკარგულების პირველი პუნქტით განსაზღვრულ მერქნულ რესურსზე კანონმდებლობით გათვალისწინებული ხე-ტყის დამზადების ბილეთის, ხე-ტყის წარმოშობის დოკუმენტის გაცემა და სპეციალური ფირნიშებით მარკირება.
3. შპს „თაუერს +“-მა უზრუნველყოს I ხარისხის ხე-ტყის ბუნებრივი რესურსებით სარგებლობისთვის მოსაკრებლის, ასევე სსიპ – ეროვნული სატყეო სააგენტოს მომსახურების საფასურის გადახდა, კანონმდებლობის შესაბამისად.
პრემიერ-მინისტრი გიორგი კვირიკაშვილი