შპს „გიო-2014-ის“ სასარგებლო წიაღისეულის მოპოვების ლიცენზიისაგან გათავისუფლების თაობაზე
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №96
2017 წლის 24 იანვარი
ქ. თბილისი
შპს „გიო-2014-ის“ სასარგებლო წიაღისეულის მოპოვების ლიცენზიისაგან გათავისუფლების თაობაზე
1. „სასარგებლო წიაღისეულის მოპოვების ლიცენზიის გაცემის წესისა და პირობების შესახებ დებულების დამტკიცების თაობაზე“ საქართველოს მთავრობის 2005 წლის 11 აგვისტოს №136 დადგენილებით დამტკიცებული დებულების (შემდგომში − დებულება) 74 მუხლის მე-4 პუნქტისა და მე-3 მუხლის 23-ე პუნქტის საფუძველზე, ქედის მუნიციპალიტეტში, მდინარე ბზანას (მდინარე დოლოგანი) მიმდებარე ტერიტორიის დატბორვის საშიშროების არსებობის გამო, მდინარის კალაპოტში ჭარბი ინერტული ნატანის აკუმულირების უბნებიდან ჭარბი ინერტული მასალის ამოღების მიზნით, შპს „გიო-2014“ (ს/ნ:446755299) 3 თვის ვადით გათავისუფლდეს სასარგებლო წიაღისეულის მოპოვების ლიცენზიისაგან და მიეცეს უფლება, მდინარე ბზანას (მდინარე დოლოგანი) კალაპოტში მოიპოვოს 16 800 (თექვსმეტი ათას რვაასი) მ3 ინერტული მასალა (ქვიშა-ხრეში) შემდეგი X და Y კოორდინატების საზღვრებში:
| № | X | Y |
| 1 | 732409 | 4602969 |
| 2 | 732392 | 4602954 |
| 3 | 732338 | 4602942 |
| 4 | 732297 | 4602923 |
| 5 | 732243 | 4602924 |
| 6 | 732206 | 4602909 |
| 7 | 732186 | 4602939 |
| 8 | 732239 | 4602944 |
| 9 | 732294 | 4602959 |
| 10 | 732355 | 4602966 |
| 11 | 732375 | 4602966 |
| 12 | 732396 | 4602984 |
| 13 | 732399 | 4603002 |
| 14 | 732407 | 4602990 |
| S = 0,56 ჰა | ||
| WGS 1984. |
2. ლიცენზიისაგან გათავისუფლებული პირი – შპს „გიო-2014“ ვალდებულია:
ა) უზრუნველყოს საქართველოს გარემოსა და ბუნებრივი რესურსების დაცვის სამინისტროს სსიპ − გარემოს ეროვნული სააგენტოს შესაბამისი დასკვნით (გეოსაინფორმაციო პაკეტი) განსაზღვრული პირობების შესრულება;
ბ) უზრუნველყოს ბუნებრივი რესურსებით სარგებლობის მოსაკრებლის გადახდა „ბუნებრივი რესურსებით სარგებლობისათვის მოსაკრებლების შესახებ“ საქართველოს კანონით დადგენილი ოდენობით;
გ) სასარგებლო წიაღისეულის მოპოვების ვადის გასვლიდან ორი კვირის ვადაში საქართველოს გარემოსა და ბუნებრივი რესურსების დაცვის სამინისტროს სახელმწიფო საქვეუწყებო დაწესებულებას – გარემოსდაცვითი ზედამხედველობის დეპარტამენტს (შემდგომში − გარემოსდაცვითი ზედამხედველობის დეპარტამენტი) წარუდგინოს ინფორმაცია მოპოვებული ბუნებრივი რესურსის ოდენობის შესახებ.
3. შპს „გიო-2014-ის“ მიერ ამ განკარგულებით განსაზღვრული პირობების შესრულებაზე ზედამხედველობა განახორციელოს გარემოსდაცვითი ზედამხედველობის დეპარტამენტმა.
პრემიერ-მინისტრი გიორგი კვირიკაშვილი