„საქართველოს საგზაო უსაფრთხოების ეროვნული სტრატეგიის 2017 წლის სამოქმედო გეგმის დამტკიცების თაობაზე“ საქართველოს მთავრობის 2016 წლის 29 დეკემბრის №2711 განკარგულებაში ცვლილების შეტანის შესახებ

საქართველოს მთავრობის

განკარგულება №1015   

2017 წლის 25 მაისი

ქ. თბილისი

„საქართველოს საგზაო უსაფრთხოების ეროვნული სტრატეგიის  2017 წლის სამოქმედო გეგმის დამტკიცების თაობაზე“ საქართველოს მთავრობის 2016 წლის 29 დეკემბრის №2711 განკარგულებაში ცვლილების შეტანის შესახებ

1. საქართველოს ზოგადი ადმინისტრაციული კოდექსის 63-ე მუხლის შესაბამისად, „საქართველოს საგზაო უსაფრთხოების ეროვნული სტრატეგიის 2017 წლის სამოქმედო გეგმის დამტკიცების თაობაზე“ საქართველოს მთავრობის 2016 წლის 29 დეკემბრის №2711 განკარგულებაში შეტანილ იქნეს ცვლილება და განკარგულებით დამტკიცებული დანართის (საქართველოს საგზაო უსაფრთხოების ეროვნული სტრატეგიის 2017 წლის სამოქმედო გეგმა) 26-ე პუნქტით განსაზღვრული:

ა) პასუხისმგებელი უწყება, ნაცვლად მითითებულისა (საქართველოს შრომის, ჯანმრთელობისა და სოციალური დაცვის სამინისტრო, სსიპ – სასწრაფო სამედიცინო დახმარების ცენტრი (რეგიონული)), ჩამოყალიბდეს შემდეგი რედაქციით:

„საქართველოს შრომის, ჯანმრთელობისა და სოციალური დაცვის სამინისტრო, სსიპ - საგანგებო სიტუაციების კოორდინაციისა და გადაუდებელი დახმარების ცენტრი“;

ბ)  პარტნიორი ორგანიზაცია, ნაცვლად მითითებულისა (გაეროს ბავშვთა ფონდი, სსიპ – სასწრაფო სამედიცინო დახმარების ცენტრი (რეგიონული), საპატრულო პოლიციის დეპარტამენტი, სსიპ – სასწრაფო სამედიცინო დახმარების ცენტრი, საერთაშორისო დონორი ორგანიზაციები (გაეროს განვითარების პროგრამა და სხვა)),  ჩამოყალიბდეს შემდეგი რედაქციით:

„გაეროს ბავშვთა ფონდი, სსიპ - საგანგებო სიტუაციების კოორდინაციისა და გადაუდებელი დახმარების ცენტრი, საპატრულო პოლიციის დეპარტამენტი, სსიპ – სასწრაფო სამედიცინო დახმარების ცენტრი,  საერთაშორისო დონორი ორგანიზაციები (გაეროს განვითარების პროგრამა და სხვა)“.

2. განკარგულება ძალაშია 2017 წლის 1 ივნისიდან.

პრემიერ-მინისტრი                                                                გიორგი კვირიკაშვილი