„შრომის ბაზრის აქტიური პოლიტიკის სტრატეგიისა და მისი განხორციელების 2016-2018 წლების სამოქმედო გეგმის დამტკიცების შესახებ“ საქართველოს მთავრობის 2016 წლის 4 აპრილის №167 დადგენილებაში ცვლილების შეტანის თაობაზე

1.  დადგენილებით დამტკიცებული „შრომის ბაზრის აქტიური პოლიტიკის სტრატეგია და მისი განხორციელების 2016-2018 წლების სამოქმედო გეგმის“ დანართ 1-ში შედეგი 6 – ინდიკატორები ჩამოყალიბდეს შემდეგი რედაქციით:

„ინდიკატორები

საქართველოს შრომის, ჯანმრთელობისა და სოციალური დაცვის სამინისტრო ფლობს ზოგად ინფორმაციას შრომის ბაზრის აქტიური პოლიტიკის განხორციელების შესახებ, მასზე გაწეული დაფინანსების, მონაწილეთა რაოდენობისა და ა.შ. გათვალისწინებით; ფუნქციონირებს დასაქმების ხელშეწყობის სამსახურების მონიტორინგის სრულყოფილი მექანიზმი; შრომის ბაზრის აქტიური პროგრამების განხორციელების შესახებ საერთო სტატისტიკა ხელმისაწვდომია პოლიტიკის შემქმნელებისა და საზოგადოებისათვის.“.

2. შრომის ბაზრის აქტიური პოლიტიკის განხორციელების 2016-2018 წლის სამოქმედო გეგმის აქტივობა 6.1 ჩამოყალიბდეს შემდეგი რედაქციით:

„6.1 საქართველოს ეკონომიკისა და მდგრადი განვითარების სამინისტრო შრომის ბაზრის საინფორმაციო სისტემაში განათავსებს საქართველოს შრომის, ჯანმრთელობისა და სოციალური დაცვის სამინისტროს ანგარიშს განხორციელებული შრომის ბაზრის აქტიური პროგრამების თაობაზე.“.

3. შრომის ბაზრის აქტიური პოლიტიკის განხორციელების 2016-2018 წლის სამოქმედო გეგმის აქტივობა 6.1-ის შესრულების ინდიკატორი 4 ჩამოყალიბდეს შემდეგი რედაქციით:

„4. შრომის ბაზრის საინფორმაციო სისტემაში განთავსებულია საქართველოს შრომის, ჯანმრთელობისა და სოციალური დაცვის სამინისტროს მიერ მომზადებული შრომის ბაზრის აქტიური პოლიტიკის პროგრამების ანგარიში.“.