სახელმწიფო მოსამსახურეებისა და საჯარო მოსამსახურეების ნარკოლოგიური შემოწმებისა და შესაბამისი ცნობის გაცემის წესი და პირობები
მუხლი 1
1. წინამდებარე წესი განსაზღვრავს სახელმწიფო/საჯარო სამსახურში წარსადგენად პირის (შემდგომში – გამოსაკვლევი პირი) ნარკოლოგიური შემოწმებისა და შესაბამისი ცნობის გაცემის წესსა და პირობებს.
2. ნარკოლოგიური შემოწმების ცნობა (დანართი 1.1) მოიცავს ორ ფორმას, რომელთაგან ერთში აღნიშნულია, რომ არ დასტურდება/დასტურდება პირის მიერ ნარკოტიკული საშუალების მოხმარების ფაქტი (ფორმა №1), ხოლო მეორე ადასტურებს/არ ადასტურებს, რომ პირი არ იმყოფება ნარკოლოგიურ აღრიცხვაზე (ფორმა №2).
3. გამოსაკვლევი პირის ნარკოლოგიური შემოწმებისა და შესაბამისი ცნობის გაცემის უფლება აქვს სამედიცინო დაწესებულებას, რომელიც დადგენილი წესით დარეგისტრირებულია ნარკომანიით დაავადებულ პაციენტთა მკურნალობის შესაბამის სახელმწიფო პროგრამის ფარგლებში, ნარკოლოგიური სერვისის მიმწოდებლად და აწარმოებს ნარკოლოგიურ სერვისს, მოქმედი კანონმდებლობის მიხედვით, აგრეთვე, სახელმწიფო-საექსპერტო დაწესებულებას.
4. საჭიროების შემთხვევაში, დამსაქმებელმა შესაძლებელია პირს მოსთხოვოს ინფორმაცია მისი ნარკოლოგიური აღრიცხვიანობის თაობაზე ფორმა №2 სხვა სამედიცინო/საექსპერტო დაწესებულებიდანაც.
5. ნარკოლოგიური შემოწმების სისწორეზე პასუხისმგებლობა ეკისრება სამედიცინო დაწესებულებას/სახელმწიფო-საექსპერტო დაწესებულებას.
6. ნარკოლოგიური შემოწმება, ერთი მხრივ, მოიცავს კლინიკურ და ლაბორატორიულ (ქიმიურ-ტოქსიკოლოგიურ) გამოკვლევას, ხოლო, მეორე მხრივ, – გამოსაკვლევი პირის მონაცემთა გადამოწმებას სამედიცინო დაწესებულების/სახელმწიფო-საექსპერტო დაწესებულების საინფორმაციო ბანკში. შესაბამისად, ნარკოლოგიური შემოწმება მოიცავს ორ დამოუკიდებელ ცნობას (ფორმა №1 და ფორმა №2), ერთი – ნარკოტიკული საშუალების მოხმარების ფაქტის დადგენის მიზნით შემოწმების შესახებ და მეორე დაწესებულების საინფორმაციო ბაზაში პირის ნარკოლოგიური აღრიცხვიანობის შესახებ.
7. კლინიკური გამოკვლევის ამოცანაა გამოსაკვლევი პირის სრულყოფილი ნარკოლოგიური შემოწმება ექიმ-ნარკოლოგის მიერ და სათანადო ინფორმაციის ასახვა ნარკოლოგიური შემოწმების აქტში (დანართი 1.2). კლინიკური გამოკვლევის ფარგლებში, ასევე დგინდება ინექციური გზით ნარკოტიკული ნივთიერებების მოხმარების ობიექტური მაჩვენებლების – ინექციის შემდგომი კვალის ან ნაწიბურის ხილული ვენების პროექციაზე კანის საფარველზე არსებობა.
8. კლინიკური გამოკვლევის შემდგომ ტარდება ბიოლოგიური მასალის (შარდის) ლაბორატორიული (ქიმიურ-ტოქსიკოლოგიური) გამოკვლევა ექსპრეს-დიაგნოსტიკური ტესტების გამოყენებით.
9. ბიოლოგიური მასალის (შარდის) ლაბორატორიული (ქიმიურ-ტოქსიკოლოგიური) გამოკვლევა ტარდება არანაკლებ 5 ნარკოტიკულ საშუალებაზე (ამფეტამინი, მეთადონი, მორფინი (ოპიუმის ჯგუფი), ბუპრენორფინი, ტეტრაჰიდროკანაბინოლი (მარიხუანა). გარდა ამისა, დამსაქმებელი უფლებამოსილია, გამოსაკვლევ პირს დამატებით განუსაზღვროს სხვა ნარკოტიკული საშუალება, რომელზეც, ასევე, უნდა ჩატარდეს ლაბორატორიული (ქიმიურ-ტოქსიკოლოგიური) გამოკვლევა. გამოსაკვლევ ნარკოტიკულ საშუალებებზე სამედიცინო დაწესებულებას/სახელმწიფო-საექსპერტო დაწესებულებას გამოსაკვლევი პირი მიუთითებს განცხადების სახით.
10. ბიოლოგიური მასალის (შარდის) ლაბორატორიული (ქიმიურ-ტოქსიკოლოგიური) კვლევის შედეგს დაწესებულების უფლებამოსილი პირი აფიქსირებს ნარკოლოგიური შემოწმების აქტის (დანართი 1.2) სპეციალურ გრაფაში ხელმოწერით.
11. გამოსაკვლევი პირისაგან ბიოლოგიური მასალის (შარდის) აღება ხდება გამოსაკვლევი პირის მიერ შერჩეულ პირობებში – ვიდეოთვალის მეთვალყურეობით ან გამოკვლევაზე უფლებამოსილი (იმავე სქესის) პირის თანდასწრებით.
12. ბიოლოგიური მასალის (შარდის) ლაბორატორიული (ქიმიურ-ტოქსიკოლოგიური) კვლევის შედეგად ნარკოტიკული საშუალების მოხმარების ფაქტის დადგენის შემთხვევაში, ბიოლოგიური მასალა (შარდი) ილუქება და ინახება სათანადო წესების დაცვით 10 დღის განმავლობაში. დალუქულ ბიოლოგიურ მასალაზე უნდა იყოს გამოსაკვლევი პირის და გამოკვლევაზე უფლებამოსილი პირის ხელმოწერები.
13. იმ შემთხვევაში, თუ გამოსაკვლევი პირი ეთანხმება კვლევის შედეგს, ხელმოწერით აფიქსირებს N1.2 დანართის შესაბამის გრაფაში და გამოსაკვლევი პირის პირადი მონაცემები მიღებულ შედეგთან ერთად შეტანილ იქნება დაწესებულების/სახელმწიფო-საექსპერტო დაწესებულების საინფორმაციო ბანკში.
14. კვლევის შედეგის ეჭვქვეშ დაყენების შემთხვევაში გამოსაკვლევი პირი უფლებამოსილია გადაამოწმოს იგივე ბიოლოგიური მასალა, მათ შორის, უფრო ზუსტი ინსტრუმენტული მეთოდით საკუთარი ხარჯებით. ასეთ შემთხვევაში გამოსაკვლევი პირის მიმართვისას, შესაბამისი კვლევა ალტერნატიულ საექსპერტო დაწესებულებაში უნდა ჩატარდეს პირველი კვლევიდან 10 კალენდარული დღის ვადაში.
15. ამ მუხლის მე-14 პუნქტით გათვალისწინებულ შემთხვევაში ბიოლოგიური მასალა (შარდი) გაიყოფა ორ ნაწილად გამოსაკვლევი პირის თანდასწრებით, ბიოლოგიური მასალის (შარდის) ორივე ნაწილი ილუქება შესაბამისი დასალუქი ფურცლით, რომელზეც დატანილ უნდა იყოს გამოსაკვლევი პირის ხელმოწერა, ლაბორატორიულ კვლევაზე უფლებამოსილი პირის ხელმოწერა, შემოწმების თარიღი და ცნობის ნომერი.
16. ბიოლოგიური მასალის ერთი ნაწილი დაწესებულების წარმომადგენლის და გამოსაკვლევი პირის (ან მისი მინდობილი პირის) მიერ მიეწოდება ალტერნატიულ საექსპერტო დაწესებულებას, ხოლო მეორე ნაწილი ინახება ადგილზე სათანადო წესის დაცვით.
17. ნარკოლოგიური შემოწმების ცნობის (რომელიც არ ადასტურებს პირის მიერ ნარკოტიკული ნივთიერების მოხმარების ფაქტს) გაცემის საფუძველი იმ პირისათვის, რომელსაც ნარკოლოგიური შემოწმებისას დაუფიქსირდა პოსტინექციური კვალი (ერთეული ან მრავლობითი) და/ან ლაბორატორიული (ქიმიურ-ტოქსიკოლოგიური) კვლევის შედეგად დაუდგინდა ნარკოტიკული ნივთიერებების მოხმარების ფაქტი, არის დოკუმენტის წარდგენა, რომლითაც დასტურდება მის მიერ ნარკოტიკული საშუალების მიღება და/ან პოსტინექციური კვალის არსებობა სამედიცინო საჭიროებიდან გამომდინარე.
მუხლი 2
ამ წესის ამოქმედებამდე, სახელმწიფო/საჯარო მოსამსახურეების მიერ წარდგენილი ნარკოლოგიური შემოწმების ცნობები, რომლებიც გაცემულია შესაბამისი უფლებამოსილების მქონე დაწესებულების მიერ და რომლითაც დასტურდება საქართველოში სპეციალურ კონტროლს დაქვემდებარებულ ნივთიერებათა I და II სიაში შეტანილი ნივთიერებების მიმართ დამოკიდებულების ნიშნების და ამ ნივთიერებათა ექიმის დანიშნულების გარეშე მოხმარების ფაქტის არარსებობა, ჩაითვალოს ამ წესის შესაბამისად გაცემულად.
დანართი 1.1
ფორმა №1
ცნობა ნარკოტიკული საშუალების მოხმარების ფაქტის დადგენის შესახებ
N-------- --------------20
მოქალაქე (სახელი, გვარი) --------------------------------------------------
დაბ. თარიღი (რიცხვი/თვე/წელი-------------
მისამართი (რეგისტრაციის) ------------------------------------------------
მისამართი (ფაქტობრივი)-----------------------------------------------------------
კლინიკური გამოკვლევის შედეგად ნარკოტიკულ საშუალებათა ამჟამად მოხმარების ფაქტი
არ დადგინდა □ / დადგინდა □
გამოსაკვლევი პირისაგან საანალიზოდ აღებული ბიოლოგიური მასალის (შარდი) შემოწმებისას შემდეგ ნარკოტიკულ საშუალებებზე: ამფეტამინი, მეთადონი, მორფინი (ოპიუმის ჯგუფი), ბუპრენორფინი, ტეტრაჰიდროკანაბინოლი (მარიხუანა) (დამატების შემთხვევაში მიეთითოს შესამოწმებელი ნარკოტიკული საშუალების ჩამონათვალი) მიღებულია (შესაბამისი) შედეგი.
ექიმი ნარკოლოგის ხელმოწერა:
ბეჭდის ადგილი
ფორმა №2
ცნობა ნარკოლოგიური აღრიცხვიანობის შესახებ №
თარიღი –––––– ––––––––––––––– 20 წ.
მოქალაქე (სახელი/გვარი) -----------------------------------------
პირადი ნომერი --------------------
დაბადების თარიღი (რიცხვი/თვე/წელი)-----------------------
მისამართი (რეგისტრაციის) -------------------------------------
მისამართი (ფაქტობრივი) --------------------------------------------
ჩვენს ხელთ არსებულ მონაცემთა ბაზის მიხედვით, ნარკოტიკული ნივთიერების მოხმარების ფაქტის ან მათდამი დამოკიდებულების გამო, ნარკოლოგიურ აღრიცხვაზე
არ იმყოფება
იმყოფება –––––––––––––––––––––––––––––– (მიეთითება აღრიცხვაზე აყვანის თარიღი, ნივთიერება)
ცნობის გამცემის ხელმოწერა ბეჭდის ადგილი
დანართი №1.2
ნარკოლოგიური შემოწმების აქტი №
თარიღი –––––– ––––––––––––––– 20 წ.
მოქალაქის სახელი, გვარი: –––––––––––––––––––––––––––––––––––––––––––––––
დაბადების თარიღი: –––––––––––––––––––––––––––––––
პირადი ნომერი: –––––––––––––––––––––––––
მისამართი: (რეგისტრაციის, ფაქტობრივი) ––––––––––––––––––––––––––––––––––––––––––––– –––––––––––––––––––––––––––––––––––––––––––––––––––––––––––––––––––––––––––––––
შემოწმების მიზეზი: –––––––––––––––––––––––––––––––––––––––––––––––––––––––
ფსიქიკური სტატუსი (გარეგნობა, ცნობიერება, მიმიკა, მეტყველება, კონტაქტურობა, ქცევა, გუნება-განწყობა, აზროვნება, ყურადღება და სხვა) ნორმის ფარგლებში/აღენიშნება ––––––––––––––––––––––––––––––––––––––––––––––––––––––––––––––––––––––––––––––––––– –––––––––––––––––––––––––––––––––––––––––––––––––––––––––––––––––––––––––––––––––––
–––––––––––––––––––––––––––––––––––––––––––––––––––––––––––––––––––––––––––––––––––
––––––––––––––––––––––––––––––––––––––––––––––––––––––––––––––––––––––––––––––––––– –––––––––––––––––––––––––––––––––––––––––––––––––––––––––––––––––––––––––––––––––––
–––––––––––––––––––––––––––––––––––––––––––––––––––––––––––––––––––––––––––––––––––
ნევროლოგიური სტატუსი (გუგები, ფოტორეაქცია, საკოორდინაციო ცდები, რომბერგის პოზა, ტრემორი, რეფლექსები, დერმოგრაფიზმი და სხვა) ნორმის ფარგლებში/აღენიშნება:
–––––––––––––––––––––––––––––––––––––––––––––––––––––––––––––––––––––––––––––––––––––
–––––––––––––––––––––––––––––––––––––––––––––––––––––––––––––––––––––––––––––––––––––
–––––––––––––––––––––––––––––––––––––––––––––––––––––––––––––––––––––––––––––––––––––
–––––––––––––––––––––––––––––––––––––––––––––––––––––––––––––––––––––––––––––––––––––
–––––––––––––––––––––––––––––––––––––––––––––––––––––––––––––––––––––––––––––––––––––
–––––––––––––––––––––––––––––––––––––––––––––––––––––––––––––––––––––––––––––––––––––
ინიექციის შემდგომი კვალი ან ნაწიბური ვენების პროექციაზე, კანის საფარველზე ლოკალიზაციის მითითებით: არ აღენიშნება/აღენიშნება: –––––––––––––––––––––––––––––––––––––––––––––––––––––––––––––––––––––––––––––––
ლაბორატორიულად ნარკოტიკული საშუალებების მოხმარების ფაქტი: არ დაუდგინდა/დაუდგინდა:
–––––––––––––––––––––––––––––––––––––––––––––––––––––––––––––––––––––––––––––––
სამედიცინო-ნარკოლოგიური შემოწმების დასკვნა –––––––––––––––––––––––––––––––––––––––––––– –––––––––––––––––––––––––––––––––––––––
–––––––––––––––––––––––––––––––––––––––––––––––––––––––––––––––––––––––––––––––––––
ექიმი ნარკოლოგი –––––––––––––––––––––––––––––––––––––
ლაბორატორიულ (ქიმიურ-ტოქსიკოლოგიურ) კვლევაზე უფლებამოსილი პირი –––––––––––––––––––––––––––––––––––––
შედეგს ვეთანხმები/არ ვეთანხმები გადამოწმებას არ საჭიროებს/საჭიროებს
(გამოსაკვლევი პირის ხელმოწერა) ---------------------
❖ თანახმა ვარ, ბიოლოგიური მასალის აღება განხორციელდეს ვიდეოთვალის მეთვალყურეობით. ინფორმირებული ვარ ჩემი უფლებების შესახებ, რასაც ვადასტურებ ხელმოწერით.–––––––––––––––––––––––––––––––––––––