შპს „რალი - კონტინენტალის“ სასარგებლო წიაღისეულის მოპოვების ლიცენზიისგან გათავისუფლების შესახებ

საქართველოს მთავრობის

განკარგულება №2088

2017 წლის 5 ოქტომბერი

ქ. თბილისი

შპს „რალი - კონტინენტალის“ სასარგებლო წიაღისეულის მოპოვების ლიცენზიისგან გათავისუფლების შესახებ

1. „სასარგებლო წიაღისეულის მოპოვების ლიცენზიის გაცემის წესისა და პირობების შესახებ დებულების დამტკიცების თაობაზე“ საქართველოს მთავრობის 2005 წლის 11 აგვისტოს №136 დადგენილებით დამტკიცებული დებულების 7⁴ მუხლის მე-4-მე-7 პუნქტების საფუძველზე, სახელმწიფოებრივი და საზოგადოებრივი ინტერესების გათვალისწინებით, ქედის მუნიციპალიტეტში, მდინარე დოლოგნის (მდ. ბზანა) კალაპოტში ჭარბი ინერტული ნატანის აკუმულირების უბნიდან ჭარბი ინერტული მასალის ამოღების მიზნით, შპს „რალი – კონტინენტალი“ (ს/კ: 245582944) გათავისუფლდეს სასარგებლო წიაღისეულის მოპოვების ლიცენზიისგან სამი თვის ვადით და მიეცეს უფლება, ქედის მუნიციპალიტეტის სოფელ დოლოგნის მიმდებარე ტერიტორიაზე, მდინარე დოლოგნის (მდ. ბზანა) კალაპოტში მოიპოვოს 11850 მ³ ქვიშა-ხრეში, შემდეგი X და Y კოორდინატების საზღვრებში:

 

№	X	Y
1	732157	4602920
2	732157	4602883
3	732229	4602888
4	732285	4602919
5	732328	4602944
6	732371	4602945
7	732389	4602953
8	732409	4602970
9	732415	4602982
10	732411	4603045
11	732404	4603037
12	732397	4603004
13	732407	4602988
14	732376	4602964
S= 0,79 ჰა
WGS 1984.

 

2. ლიცენზიისაგან გათავისუფლებული პირი – შპს „რალი – კონტინენტალი“ ვალდებულია:

ა) უზრუნველყოს საქართველოს გარემოსა და ბუნებრივი რესურსების დაცვის სამინისტროს სსიპ – გარემოს ეროვნული სააგენტოს შესაბამისი დასკვნით (გეოსაინფორმაციო პაკეტი) განსაზღვრული პირობების შესრულება;

ბ) წიაღითსარგებლობის ობიექტზე სამუშაოები აწარმოოს შპს „დელტა კომმის“ მიერ დადგენილი პირობების დაცვით;

გ) უზრუნველყოს ბუნებრივი რესურსებით სარგებლობის მოსაკრებლის გადახდა „ბუნებრივი რესურსებით სარგებლობისათვის მოსაკრებლების შესახებ“ საქართველოს კანონით დადგენილი ოდენობით;

დ) სასარგებლო წიაღისეულის მოპოვების ვადის გასვლიდან ორი კვირის ვადაში საქართველოს გარემოსა და ბუნებრივი რესურსების დაცვის სამინისტროს სახელმწიფო საქვეუწყებო დაწესებულებაში – გარემოსდაცვითი ზედამხედველობის დეპარტამენტში წარადგინოს ინფორმაცია მოპოვებული ბუნებრივი რესურსის ოდენობის შესახებ.

პრემიერ-მინისტრი გიორგი კვირიკაშვილი