1. სამხედრო განყოფილება (შემდგომში – განყოფილება) არის გამგეობის სტრუქტურული ერთეული, რომელიც უზრუნველყოფს რაიონში მცხოვრებ მოქალაქეთა სამხედრო აღრიცხვაზე აყვანას, სამხედრო სამსახურისათვის მომზადებას, სამხედრო სამსახურში გაწვევას, მობილიზაციის და სამხედრო ძალების რეზერვთან დაკავშირებული საკითხების კანონმდებლობით მინიჭებული უფლებამოსილების ფარგლებში გადაწყვეტას.
2. განყოფილება მოქმედებს საქართველოს კანონმდებლობის, თბილისის თვითმმართველობის ორგანოების სამართლებრივი აქტების, რაიონის გამგეობის ტიპური დებულებისა და ამ დებულების საფუძველზე და მათ შესასრულებლად.
3. განყოფილება ანგარიშვალდებულია რაიონის გამგებლის წინაშე.
4. განყოფილებას გააჩნია შესაბამისი ბლანკი და ბეჭედი